~تقريباً بعد مرور اسبوع~
ام ليث زاد تعبها دخل الغرفه عبد العزيز بعد الاتصال الي جاه منها ونطق:وش فيك يام ليث عسى ماشر
ام ليث مسكت بطنها وجلست بألم:تكفى خلاص ماتحمل ودني المستشفى
ابو ليث ارتبك ونطق:تمام كوني قويه صبر بروح اجيب اي احد يروح معنا طلع عبدالعزيز واخذ هيفاء وليث ورعد معهم
ليث ورعد ماكانوا يعرفون وش السالفه بس يمشون وراهم وليث عارف ان امه فيها شي
عند ساره شاف الفوضه بجناح ام ليث وتوجهت لامها دخلت بدون اي مقدمات لجناح امها وابوها
ساره برجفه:يمه وش فيه عمتي حنين؟
فز خالد وطلع يلحقم ام غيث مسكت ساره وجلستها واعطتها تشرب مويه ونطقت:تكفين وانا امك فارس وسيف وريفان لايدرون
ساره:وليش مايدرون وش فيها عمتي
ام غيث نزلت راسها ونطقت:فيها مرض خبيث وانا امك بس بتتعالج وتتعافى
ساره من سمعت الخبر حست نفسها بدوامه طلعت من عند امها بدون ماتنطق كلمه دخلت غرفتها وجلست تفكر
~بالمستشفى~
وقف ليث باحد المسافط للسيارات ونزل ونزلت ام ليث ومساندتها اختها ام رعد!
دخلوا داخل وعلطول دخلوها غرفة العمليات
جلس ليث بالارض وكله غضب كيف هو كبير امه وابوه ومايعرف كيف مالاحظ مرض امه الف سؤال براسه
طلع رعد من المستشفى وتوجهه للحديقة الي جنب المستشفى طلع جواله ورد على وليد:هلا
وليد:وش صار على عمتي
رعد:مدري علمي علمك دخلوها العمليات
تنهد وليد ونطق:خلاص وافينا بالعلوم
~بغرفه فارس~
وصله العلم وخايف متوتر دخل غيث وحاوط كتفه ونطق
:افا يافارس ماهقيتها منك اكيد عمتي بتتغلب على المرض وتجي لنا بكامل صحتها
فارس:يارب وين ريفان وسيف؟
غيث:كلهم بغرفه سيف
ابتسم فارس وطلع متوجهه لغرفه سيف دخل ونطق:شتسوون يورعان
ريفان التفت له ونطقت:يمه وجهك فارس
فارس ضحك يحاول يقوى قدامهم ونطق:مافيني شي كنت اجري عشان كذا
سيف وهو يلعب:اي خل امي تعرف وتوريك
ابتسم فارس من سيرة امه ونطق:يلا ماعليه
ريفان:مالاحظتوا شي امي ماجتنا اليوم بالعاده كل عصر تفر غرفنا كلنا
سيف:يادلوعه خلي امي ترتاح
ريفان وهي تلعب مع سيف بالايباد:العب وانت ساكت
وقف فارس ونطق:انا عندي مشوار بسيط بقضيه وبرجع
ريفان:يلا عاد شد حيلك الحين انت اخر سنه جامعه
فارس:يوهه حتى بالاجازه تذكرينا فيها يالمستجده
ريفان:بالبس اشياء تخليني مو مستجده
فارس:ياشيخه ع العموم اليوم تطلع نتايج الجامعه حاس انك انقبلتي
توتر ريفان ونطقت:يمه يوتر انقلع
طلع فارس وهو يضحك بس تلاشت ابتسامته لمى تذكر امه الي بالمستشفى
~بالمستشفى~
بغرفة العمليات حاولوا ينعشون ام ليث ثلاث مرات بس ماقدروا لان النبض وقف عندها
طلع الدكتور من غرفه العمليات وكان حاله شكليً مايعطي بشاره
وقف الكل اول مانفتح الباب وطلع الدكتور وقف ليث ودخل رعد
ابو ليث:ها يدكتور وش صار
الدكتور كان يطالع فيهم بدون رد مايدري كيف يفتح الموضوع ونطق:احنا حاولنا ننعشها ثلاث مرات بس... تنهد
زاد توتر الكل
ليث:انطق يرحم والدينك
ابو ليث:أهدأ ياليث خلنا نسمعه
ام رعد برجفه وغصه:تكفى يارجال علمنا
الدكتور:عظم الله اجركم :ومشى علطول
علطول صرخة ام رعد ونزلت لارض وتكرر:تكفون اختي راحت لاتروح
عند ابو ليث تلثم ونزل راسه وجلس يبكي
ليث بحاله صدمه عمره ماتمنى ذا شي ونطق بغصه ودموع:يمزح امي قدها
وقفت ام رعد ومسكت كتوف ليث وحظنته علطول ليث ماتردد ولا ثانيه انه مايعانق خالته كان محتاج بذل الوقت الحضن ذا
طلع رعد وهو يشاهق كان يحاول يمنع شهقاته مسك فمه مايدري كيف يعلمهم مسك الجوال برجفه ماصار يشوف زين من دموعه اتصل على وليد ورد وليد
وليد:هلا يولد وش صار
ماجاه رد ونطق:رعد ولد وش فيك
نطق رعد برجفه وغصه ويحاول يخفي نبره البكاء بس ماش نطق:ماتت راحت ورجع يبكي
عند وليد جلس مكانه ولا نطق كلمه
الجد:وليد وش صار
وقف وليد وطلع برا ودموعه بمحاجره ونطق:رعد ورع اهرج زي الناس
رعد ببكاء:تكفى ياوليد والله راحت خالتي راحت
نزلت دموع وليد ونطق:رعد تكفى اقوى خلك جنب عمي
رعد:ماقدر اواجهه ياخي احسني ضعفت كيف بسانده
وليد:خلاص رجعهم البيت
رعد:مستحيل ارجع
وليد:يلا تمام بعلم الي داخل
قفلوا الخط حاوط وليد وجهه بيدينه يحاول يخفي شهقاته مسح دموعه ودخل
وقف الكل من وجهه وليد ودموعه الي بعيونه
ابو غيث:يبه وليد وش فيك
الجده:بنتي صار لها شي
نزل من الدرج فارس ونطق:وش صار
وليد بغصه:اعطتكم عمرها
لف وجهه سريع وطلع
اما عند فارس كان يحس بنفسه بحلم مستحيل امه تتركه كيف كذا والف سؤال براسه نزلت دموع حاره على خده مسك طرف الكنبه من حس بلكتمه ودوخه
وقف غيث ومحاجره كلها دموع مسك فارس
فارس بصراخ:كذب كذب امي ماتروح
نزلت دموع غيث وحضن فارس وفارس كان يصارخ ويردد:تكفى ياربي تكفى امي قويه ماتروح
عند سيف وريفان
سيف بعد السماعات ونطقت:بنت ذا مو صوت فارس
وقفت ريفان:الا صوته قوم نشوف
وقفوا وطلعوا توجهوا تحت ماكملوا الدرج كامل الا حاله فارس وصراخه ودموع الكل وكيف غيث شاد على فارس
التفت سيف على ريفان وتقدموا ينزلون مسرعين
تقدمت ام غيث تحاوط كتف سيف وريفان
عند ريفان سمعت فارس يكرر امي ماتروح
عرفت ان امها فيها شي نزلت دمعتها وهزت راسها بنفي
الجد بحزن ودموع:بس يافارس قوم ساند اخوانك وذا شي كلنا مارين فيك وامكم راحت عند الي احسن مني ومنك ياحبيبي
زادت دموع ريفان ونطقت برجفه:كيف؟
كان بين وبين نفسها امس وهي بحضنها اليوم هي عند ربها خلاص هي يتيمه؟خلاص هي بدونها بذي الحياه كانت تعتبرها اخت وام وصديقه وكلشي بذي الدنيا ماتمنت ابداً ذي الحضه كانت متحمسه تشوف معها قبول بالجامعه بس خلاص حست ان الدنيا تقفلت بوجهها
تقدمت ام غيث تضم ريفان وتبوس راسها ونطقت:الله يرحمها وانا امك
سيف بصراخ وبكي:لاا امي ماتروح امي قالت ماراح تتركننا انتو كذابين!!
وقف فارس وتقدم يحضن سيف وجلسوا يبكون
نزلوا ساره وهيام واخذوا ريفان وطلعوا
.......
YOU ARE READING
أحفاد تركي آل خالد
Fantasyاول رواياتي الروايه من وحي الخيال قصّه الروآيه~ لمى يقرر الخال خالد يرجع لرياض لقصر ابوه والكل كان متواجد وتصير احداث كثيره وبيوم من الايام يقرر يرجع هو وولد عمه للديره وتبدا الأحداث ✨
