أحفاد تركي آل خالد

بارت2

سمعوا صوت خطوات والتفتوا لمصدر الخطوات
صرخ سيف وليث مسك فمه وغطاه
طلع الجد هو وعكازته
نطق الجد:لا اله إلا الله
فارس:محمد عبده ورسوله
الجد:تنكت انت ووجهك (وبصراخ )امش قدامي انت وهو
تقدموا يمشون للحوش الاساسي ويدخلون والجد وراهم ويهدد بعكازته
الجد:اقسم بالله العلي العظيم ان لقيت واحد طالع والله ثم والله ليتدبل العقاب
فهد:ابشر ابشر محد طالع
الجد:نتفاهم بعدين انقلعوا فوق ناموا
تقدموا يطلعون والجد طلع وعلطول دخلوا بغيبوبه ضحك
سيف:بطني بطني مو قادر يحاول مايضحك
ليث:وهو ماسك بطني اخ اخ يعيال تكفون وجهه جدي
ورجعوا يضحكون
سعود مسح دموعه ونطق:تتوقعون وش العقاب
رعد:نوم وبعدين نشوف وش يصير
الكل تقدم يدخل غرفته ينهون يومهم

اليوم ثاني وبمنطقة ثانيه(حفر الباطن)
هيام:بعدي بعدي شنطه لشوزاتك(الله يكرم القارئ)
وشنطه ميكب وشنط وشنط ملابس وين بنحط ذي كلها فوق راسك
ساره:وانا شدخلني احشرها ببطنك يعني ان شاء الله لو اجلس عليها اهم شي ما اخليها واروح
دخل ابو هيام على صراخهم:شفيه انتي وياها
هيام وهي توقف ع السرير:تخيل بنتك تبغا تاخذ ذي الشنط كلها وين بحطها!
ابو هيام:اشهد ان لا الله الا الله وبعدين انتي وهي حطوا الي تبون الشنط بنشحنها وتوصل قبلنا وعمامكم يستلمونها
ساره:سمعتي
هيام:انا مظلومه ليه تناظروني

بالرياض
صحت ريفان وتذكرت العيال تقدمت للحمام بسرعه (الله يكرمكم)
تفرش اسنانها وتاخذ شور وتطلع تلبس بنطلون بيج وبلوزه بنيه وتتقدم تجلس على كرسي التسريحه وتمسك مجفف الشعر وتبدا تجففه ورجعت تاخذ الاستريت وسوت شعرها ستريت واخذت الفير تسوي شعرها ويفي وتتقدم تحط ميكب خفيف تعطرت وتطلع وهي تتلفت خايفه من العيال نزلت مسرعه وتقدمت تجلس جنب امها
ام ليث:شفيك
ريفان وقفت:صح وين الغداء
نجد:حطيت لك بحافظه بالمايكرويف سخنيه وكلي
تقدمت للمطبخ تاخذ الاكل بعد ماسخنته وجلست على طاولت الطعام وطلبت من العامله تجيب لها ببسي كملت اكل وشربت مويا وطلعت للصاله
ليث اول ماشافها:تحمحم
والتفتوا العيال
ريفان نطقت بصوت واضح:يولي وهربت لفوق والعيال لحقوها
تقدم يدخل سيف وبعده فارس ورائد وسعود وفهد ورعد ولؤي وهيثم اخر شي
ولحقهم ليث ركض ودخل
سيف:اسفين
فتحت عيونها بصدمه عبالها بيهاوشونها
رعد:والله اننا اسفين ومره ثانيه على قد الموعد
ريفان بتوتر:لا عادي (وهي ماتدري وش السالفه)
ليث جلس على الكنبه ونطق:اخ رجعنا الساعه ثمانية وجدي لقانا ومتوعد فينا
ضحكت ريفان بخفه: طيب بعدوا بطلع منكم امه محمد واذا حصلت شي مو محله يويلكم وطلعت
وهم جلسوا شوي وطلعوا
مر الوقت وهم منتضرين وصول اخوهم وخالهم خالد
الجده بتنهيده:لحول الساعه 12 وهم للان ما وصلوا
ريفان:ياجده اكسري حاجز النوم بس اليوم
اشرت الجده على عيونها بمعنى من عيوني
ابتسمت ريفان وما مر وقت طويل الا خالد داخل ووراه حرمه وبناته
وقف الكل وبدا الكل يرحب ويهلي فيهم
ام ليث:حلفت انا اسلم على راسك
خالد:بعدي بعدي انا اسلم
والكل كان يضحك تقدمت هيام تحضن ريفان وريفان بادلتها الحضن وبعدت وتقدمت ساره وحضنتها وتبادلوا الحضن
خالد جلس بتعب:ها تعشيتوا
ام ليث:قوموا يابنات اصرفوا معنا
تأففت ريفان وقامت تساعد خالاتها وبنات خالتها
تقدم الكل على طاولة الطعام الجد:اخيراً تجمعنا من جديد
الكل نطق الحمدالله
دخلوا ابو ليث وابو رعد وصقر
وشافوا خالد بين الاهل وبدأوا يهلون فيه بصارخ وهو اول ماشاف عيال عمانه وصحابه وخوانه وقف وتوجهه لهم والكل كانت البسمه شاقه وجيههم
كملوا اكل وتجمعوا بصاله
الجده:بمناسبة نقول وليدي خالد ورجعوه للقصر نبغا نحتفل باشاليه عائلي
الجد:الي تشوفيه يا ام خالد انا راضي كم عندي نوره
الجده مسكت طرحتها وغطت وجهها ونطقت:وخزياه اهرج زين
ضحك الكل
ليث:اوف ياجده تستحين
فارس:لا والجد يغازل
سيف:ياحلوهم ويضحك
الجد:الا يالي ماني بقايل هاذي نهايتها ياعيال عزوز
عبدالعزيز:ياعم لو تبيني اربيهم ابشر
الجد:الا يارويحة اخوي انت ذولي مانسيت عقابهم
كل العيال الي يعدل جلسته والي يتحمحم والي يتقهوى والي مو هامه شي
هيام:وش صاير
ريفان:والله مادخلني مو انا اساسا شدخلني فيهم
الجد زرر عيونه وبدا يبتسم:وش سويتي انتي
ريفان:انا انا ماسويت شي مظلومه
الجد:التفت على العيال ونطق(المهم عقابكم كالتالي تمسحون الحوش وترجعون مواعين جلست الليله وسيارات مافيه الا يوم موعد الشاليه)
سكتوا مايبغون يتكلمون لان لو تلكموا راح يزود عقاب
التفت الجد لريفان وهيام وساره الي جالسين جنب بعض ونطق
:وانتم راح تشرفون عليهم
ريفان:قلدت جدتها واشرت على عيونها
وهيام:تم
ساره:ابشر
بدت الجلسه تفضى وبقي البنات والعيال وقفت ريفان ونطقت
:اول شي شيلوا الصحون والكاسات والدلات وغسلوها
ساره:واحنا بنطلع العاملات من المطبخ
هيام:ننتظركم لان باقي لكم الحوش
تنهدوا ووقفوا ياخذون الأغراض ويتقدمون للمطبخ والبنات وراهم
ليث:الحين نتوسخ
ساره:اصبروا اطلع لكم مريله
فهد:الحين انا ولده كيف يسوي فيني كذا
سعود حاوط كتف رائد ونطق:عساس حنا محنا عياله
ريفان:اص بلا كلام فاضي واخلصونا
ساره وهي توزع المريلات وزعتها واتجهت تجلس فوق الطاولة بوسط ريفان وهيام
سيف شغل اغنيه عمي ياصياد والعيال كلهم شبكوا معه
لؤي كان واقف بنص المطبخ وبيده صحن وإسفنجه وينضف ويهز خصره وليث اكتافه
وفارس وفهد ورعد عند المغسله ويرقصون وعلى ذا الحال والبنات مسكرين اذانيهم وماسكين روسهم ومعصبين لان كان عندهم جدول بس جدهم قرر انهم يشرفون عليهم
خلصوا وانتقلوا للحوش
ليث:عاد هنا راح تساعدونا
شافوا العامله مطلعه مساحات ومكانس كثيره وطلعتها لهم وحطتها
ونطقت:هاذا مافيه لعب يبغا نضافه ميه ميه
فهد:معليس ميه ميه
تقدم كل واحد ياخذ مساحه وواحد مكنسه
وشمروا البنات اكمام بلايزهم وبناطيلهم
وبدأ الكل يمسح وجابوا صابون
سعود:الفكره واضحه
البنات كانوا معارضين بس اقنعوهم العيال انها بتصير فله
بدا الكل يتزحلق
وتقدم رعد مسرع ودخل المكنسه تحت رجلين ليث وليث نقز ورجع طاح وطاح رعد والكل بدا يضحك عليهم
بس مايعرفون العيون الي تشوفهم وتدمع
عند الجده سمعت سوالفهم وصراخهم وطلعت تشوف من الدريشه شافته عيالها واحفادها ونزلت دمعتها تخاف يجي يوم وتفقدهم
عند الاحفاد وخوالهم
فهد يلا سباق من عند الباب الين عند البوابه
الكل وقف بتساوي
ليث:واحد ثنين ثلاثه انطلاق وتقدموا يركضون وطاحت ساره ومسكتها ريفان وطاحت معها وجت هيام مسرعه وطاحت من رجول ريفان بدا الكل يضحك عليهم
ريفان بصراخ:الحين ملابسي تنعدم من الغسيل وبدا الكل يضحك وبقوه
تقدموا يكملون الغسيل بتحديات ولعب وضحك كملوا
وتقدم فهد يفتح موصل المويا ويغسل الحوش عشان يبعد الصابون
وجت بباله فكره
واخذ المويا وبدا يرش عليهم تقدم للبنات يرشهم وهم يصارخون ويضحكون
عند الجده
بدت تضحك على خبال ولدها واشكال احفادها تقدم الجد ونطق
:وش فيك يانوره
الجده اشرت له يتقدم يشوف منضرهم
تقدم وضحك
الجد:ياعيني هم والله الله لايحرمني من ذا المنظر
ضحكت الجد ونطقت:الشمس يتطلع وهم من الساعه 2 وهم يحوسون
عند الاحفاد والخوال تقدموا نجد والعنود يطلعون
ونطقت جود:فعاليات بدوننا
اخذ ليث المويا من خاله وتقدم يرشهم وهم يصارخون
ليث:اطلعوا من عند الباب عشان ما اخلي لؤي يزيد سرعه المويا تقدموا يطلعون وهم يضحكون والكل مستانس
الجده:يولي شف المخبول وش سوا
الجد:تبيني انزل لهم
الجده:لا لا امش خلينا نصلي وننام
عندهم تحت سمعوا صوت الاذان ووقفوا لعب ودخلوا وطلعوا العاملات يصلحون من وراهم

تقدم كل واحد لغرفته ويصلون ويعلنون انتهى يومهم المتعب والسعيد..

اليوم الثاني الظهر كان الكل على طاولة الطعام
الجد:بنروح البر الأجواء حلوه

.....يتبع
اتمنى ينال اعجابكم