أحفاد تركي آل خالد

بارت23

<<بعد مرور شهرين تحديداً ومع قرب المدارس>>
بالقصر العصر تحديدا بالحوش الكل موجود ويسولفون
غيث:يبه يبه مثلاً مثلاً انا وليث رحنا وفشلنا بعمليه وشو يسوون بنا
الجد:انتم شكلكم متورطين بها امحق دكاتره
ليث:هو يعني احنا نستشير هو صدق وش يسوون بنا اذ احد مات
بدا ابو ليث يشرح لهم
نجد:اي هيام وريفان كيف استعدادات الجامعة
غيث:يابوي ذولي مستجدات بيفرون الدور ثلاث مرات
ريفان:كذاب معنا فارس
هيام:اي حبيبي واحنا عندنا واسطات معنا نجد وفارس والعنود وجود
الجده:اي ماهم لحالهم ماهم رايحين يتسربتون
ليث:يبه يلا قول وشو الموضوع
فارس عدل جلسته ونطق:اي يبه وشو موضوعه
ابو ليث نزل كاسة الشاي من يده ونطق:باخذ عيالي وبنروح لنا يومين للجنوب الحبيبه فرحوا عياله طبعا كان فرحتهم ناقصه بس ماكانو يبنون ذا الشي ابداً
ريفان:ومتى بنروح ابو ليث:متى ودكم فارس:اذا ودك الان يايبه ماعندنا مشكله سيف:اي نعم اتفق
ابو غيث ضحك:يلااا تروحون وترجعون بسلامه سلموا على الكل وطلعوا يتجهزون
دخلت ريفان غرفتها وماكان عندها شغف انها ترتب طلعت من الغرفه وتوجهت لمطبخ الدور نفسه دخلت وطلعت لها مفرحات جت بتطلع دخل غيث:هلا هلا
ريفان ابتسمت:ارحب والله
غيث:تخيلي ان لك مفاجأة قريبه جداً
ريفان:لي انا وليه
غيث:مدري
ريفان:يلا نشوف انا بروح تبغا شي
ابتسم غيث ونطق:سلامتك يروحي
ريفان تجمدت من الاحراج استوعب غيث ونطق:هههه بالغلط انسي
ريفان هزت راسها وطلعت من المطبخ ووجهها محمر قابلت ام غيث وهي طالعه من الدرج ونطقت:وي امي ريفان وش فيه وجهك
ريفان بأستغراب:وش فيه ياخاله
ام غيث:محمر من محرجك انتي
طلع غيث من المطبخ ناضرت ام غيث الاغراض الي بيد ريفان وغيث الي طالع من المطبخ ونطقت:لا خلاص شكله من الحر روحي تبردي
وتوجهت علطول ريفان لغرفتها بدون ماتلتفت
ام غيث:يالي ماني بيقايله وشو مهبب بالبنت
غيث حك راسه من ورا:شوفي قلت شي بالغلط
ام غيث:ايه وش قلت
جا بيمشي ونطق:انسي انسي
مسكت ام غيث كتفه ونطقت:والله ان ماتهرج لاروح لها
غيث:يايمه قلت لها ياروحي بالغلط زلت لسان
ضحكت ام غيث ونطقت:يويلي والله ان روحك عندها ماتسوى شي قال روحي انت من متى رومنسي عشان ذي الكلمات تزل بلسانك والله انك تسذوب وانك متعمد
هز راسه غيث ونطق:ممكن متعمد
ضربت ام غيث كتفه:تقلع عني
ضحك غيث ونزل
<ريفان>
دخلت مسكت وجهها وحست بحرارته ونطقت:ياراسي ياذا الملقوف صدق ملسون وشو روحي (وضحكت
______________________________
((بعد المغرب))
ودعوا الكل وتوجهوا يركبون لسياره كان ليث يسوق وجنبه ابوه وورا فارس وسيف وريفان
نطقت ريفان:يبه جنب محطه
سيف:اي صحيح ونصلي العشاء ليث:يامطوع تونا صلينا المغرب
ضحك سيف:اي عادي
ابتسم ابو ليث من تحسن نفسيتهم وكان مستعد يسوي اي شي بس يرجعون نفس اول
______________________________
<<بعد مرور اربع ساعات>>
وصلوا لابها نزلوا للفندق يريحون
ريفان:مو برد نفس ماقالوا
ابو ليث:به هواء بس مو كثير
فارس:خلونا ندخل فيني النوم ابتسم ابو ليث وكملوا يدخلون داخل دخلوا الغرفه نطق فارس:ابن ابوي. كيف ببنام به سريرً واحد
ابتسم ابو ليث ونطق:انا وبنتي عاد بننام فوق السرير وانتوا دبروا نفوسكم
ريفان بضحكه:الاب البطل ضحك ابو ليث وجلس على الكنبه ونطق.جعلنا مانخلى من ذي الضحكه
فارس:ابن ابوي ابوه ماخذه كل الدلع
ليث وهو ماخذ قش وداخل مع الباب :هو انا بفهم ماتساعدون ليه فارس سيف قوموا فعلاً نزلوا يجيبون الشناط من تحت
ابو ليث تأكد من طلوعهم تماما ابتسم بخفه واشر لريفان تجي تجلس جنبه فعلاً جت وجلست ريفان جنبه
نطق ابو ليث:بقولك شي وانا ابوك
عدلت جلستها ريفان ونطقت:وشو يبه سّم
ابو ليث تنحنح:هو انتي صرتي كبيره ومعتمده على نفسك ومابقى شي وتخشين الجامعه وانا ابوك خالك خالد ط...
قاطعهم طق الباب من سيف
تنهد ابو ليث:قومي فكي للمرجوج ذا
ابتسمت ريفان وقامت تفتح الباب فتحت
سيف:خذي خذي الاغراض ذي
ريفان:العفش ذا عفشك من متى لي سوني انا
سيف:خذيه ماراح تموتين
تاففت واخذت الاغراض وودتها المطبخ طلعت السوني حق سيف وحطته بصاله ورجعت لابوها
جلست ونطقت:اي يبه قولي كمل وش به خالي
نزل نضارته وجواله ومسك يدينها ونطق:طالبك على سنه الله ورسوله لاولده غيث
عند ريفان حست بفراشات ببطنها تحاول تخفي فرحتها وبسمتها من طاريه وتذكرت لمى قال لها بالمطبخ فيه لك مفاجأه
بلعت ريقها بتوتر ونطقت:اذا رجعنا استخير واشوف
ابو ليث:تسوقينها على خوانك مو علي خابركم من انتوا صغار قولي بتنقلين العلم لهيام وساره ههههههه
ريفان وقفت:ماعليك يبه بستخير وبرد لكم خبر
ابتسم وهز راسه برضى سمعوا صوت كسر قزاز والتفتوا لمصدر الصوت
______________________________
"سيف"
وقت قاطع ابوه وريفان نزل بسرعه يعلم فارس وليث بالعلم طلعوا كلهم وتوجهوا يدخلون وقفوا في مدخل  باب الغرفه وسمعوا  كلشي
ليث بهمس وضحكه:سواها ابن ابوه
فارس:والله وتحليلي طلع صح سيف:كرهت غيث بياخذ ريفان يعقب وقف ليث ورجع خطوات لوراء صدم ظهره بركن قهوه وطاح الكوب وانكسر
مسك راسه فارس:الله ينكبك ياليث يانكبه
سيف:اوبا وقعنا في الكمين
طلعت ريفان راسها ونطقت:هي شعندكم هنا تتجسسون
ابو ليث وقف وتوجهه لهم:ياحبكم لنقل العلوم شعندك انت وياه وش سمعتوا
سيف:ماسمعنا شي تكتفت ريفان ونطقت:اي واضح
ليث:اي سمعنا المصفوق غيث طلب اختنا العزيزه
فتحت عيونها ريفان وابو ليث نطق بضحكه:شعليكم انتم واحد منكم يطس يجيب عشاء فز فارس ونطق:عشاكم عندي
ليث:والله ماتتحرك يبه بينكبنا بمطاعمه
ابو ليث رفع يده بتهديد:اسمع يافروس تروح تجيب من البيك وتجي لاتتفنن بالاكل
فارس:ابشروا بعزكم دام الوالد هو الي يبغى البيك طسوا يالله
وطلع وتوجهه الكل يجلس بصاله وسيف شغل السوني ومد يدة السوني لابوه ونطق:تتحداني عزوز
ابو ليث مد يده واخذ يدة السوني ولبس نضارته ونطق:أتحداك يا السيف ليث:يانه بيكسر راسك ياسيف
ريفان:يلا ورونا مهارتكم
سيف:ليه ليه كل واحد له كنبه ومتمدد وبعدين يالوالد القبله هنا التلفزيون يمينك متمدد وعينك بالجدار
ابو ليث ابتسم بخفه:اي خبره شعرفك وبعدين لاتنامون نطلع نتقهوى
(الكل كان متمدد على الكنب كل واحد لحاله)
ريفان ضحكت:ياخويي يايبه الحين نطلع
ليث:مافيه مثل ابوي سيف:يانه بيجدول على قهاوي فارس وريفان
ابو ليث ضحك بقوه ونطق:وش اسمها سسكتي
ضحك الكل وذا كان المطلوب من ابو ليث يضحكهم
ليث:يلا سيف قوم فك الباب لفارس
فز سيف وراح فتح الباب لفارس ودخلوا
فارس:حيوو الوالد بيلعب
ابو ليث:اي وبكسر راسه الورع
فارس ضحك ونزل الاكياس ونطق:اي كفووو ابو ليث
سرفوا وتعشوا وهم يضحكون ويسولفون كملوا اكل وقرروا يطلبون قهوه بدل ما يروحون
طلب ليث ونزل لطلب اما ابو ليث نزل مع سيف الارض وبدا يلعبون جاء ليث بطلب وجلسوا يلعبون وياكلون وضحكاتهم ماليه المكان
______________________________
<<بالقصر>>
بالحوش عيال خالد فقط الموجودين
ساره:احس احس انك ماتستحق ريفان
هيام وهي تاكل فصفص:طبعاً حبيبيتي ريفان ذوق جمال اخلاق رمنسيه حنونه مو ذا المعصقل
غيث تهند وضحك:اكيد هي احلا مني ضحك وليد ونطق:هدف عكسي وانا اخوك
غيث ضحك:عارف ههههه
ساره:والله انك خروف اركد هيام:ايه ذا وهو عندنا كيف عندها مدري وليد:بالله من متى ذا يمثل الثقل ساره:حتى تمثيل مو فالح غيث:حبايبي انا يضربون فيني المثل بارزانه والثقل ساره:اي شفنا وعرفنا ..

........