مو حِزن لچن حَزين
مِثل صندوگ العرِس
يَنباع خِردة عشگ مِن تِمضي السَنين
بقلمي : الكاتبة زيـنة
.......................
ليـالي : انتهت الحفلة ورجعنا لبيتنا وكالعادة عمتي هناء ما يعجبها شي وبقت تحچي على اهلها وامها
صعد الراهب لغرفته وانا رحت لغرفتي غيرت ملابسي
توضيت وبديت اصلي
وقريت زيارة عاشوراء
چنت تعبانة واكتفيت بالزيارة تمددت على الفراشي
واندك باب غرفتي
صحت : ادخل
دخلت ماما باوعتلي : ليله گومي تعشي ما تعشيتي
ابتسمت : ليش صاعدة ؟ مو زين على رجليج
ميس : صعدتي بدون اكل
كمت بست راسها : ما اشتهي وراسي صداع واريد بس انام
ميس : اكلي لگمتين ونامي
نزلتها ونزلنا ناكل انا وياها وهي تفتح وتقفل عيونها من النعاس
فتحت عيونها باوعتلي : صليتي المغرب والعشا ؟
ابتسمت : اي الحمدلله
ميس : عفيه بنيتي
ليالي : انتِ روحي نامي انا اعزل الاكل
ابتسمت : تمام حبيبتي تصبحين على خير
عزلت المطبخ سريع وصعدت نمت من التعب
فزيت على صوت المنبـه الساعة بـ 2
باوعت لـتلفوني وقت صلاة الليل
رحت غسلت وتوضيت وفرشت سجادتي
وبلشت اصلي الصلاة القريبة لقلبي واللي غيرت حياتي للافضل
كملت صلاة وقريت سورة الملك ومناجاة التائبين
و مناجاة المحبيـن
سمعت صوت اذان الفجر
كمت فتحت شباك غرفتي استمع لصوت الاذان شكد راحة نفسية وصوت القارئ مُـريح
بعدها صليت الفجر وقريت دعاء العـهد ودعاء الفرج
تمددت على فراشي وقريت سورة الاخلاص 3 مرات
وسورة الكرسي و الشهادة قبل النوم ...
كعدت الصبح الساعة 9 احس شبعانة نوم
رحت غسلت وجهي وفرشـت اسناني ، مشطت شعري وسويته ضفيرة ونزلت صبحت على اهلي
نزل راهب وبيده الحاسبة
ميس : صباح الخير
راهب : صباح النور
ميس : شنو ما نايم ؟
راهب : لا نمت وكعدت وي صلاة الفجر عندي شغل
ميس : ليله روحي كعدي سكينة ورقية
صعدت لغرفتهن فتحت الشباك
وصحت : يلااا نهوووض
YOU ARE READING
حرائق السفن
Mystery / Thrillerتجتمع الحنيـة والقساوة ! والحُـب والكراهية ! يجتمع شخصان من عالمان مختلفان عندما قالو له : لماذا هذه القساوة كابتن رد : المجتمع يُـهاب من القاسي و يرعبهم اسمـهُ لذلك لا وجود للحنـان والتعاطف في قلب الكابتن ... لكن عندما اتيت هَي ودخلت في حياته ...
