صَح ريلكم فات وجِزة
وما عندي إيد أتلوحكم
ماشفتوا عيني آعلىٰ الگمر
تنزف ضوة آعلىٰ سطوحكم !!
بقلمي : الكاتبة زيـنة
................
مَـاريا :
الكل متجمع بالصالة
كعدت بـجانب كرار وبجانب كرار مرتضى
وامامنا بابا وماما
ظافر : انا ما موافق على هذا الزواج لكن عجبني انُ راح ينفذ كل شروطي وطبعًا شروطي صعبة وما راح يگدر عليهم واكيد راح يشرد
نزلت راسي وغمضت عيني بتعب
رفعت راسي باوعت لابوي : شتردون مني ؟ خلوني اتزوج
ظافر : انتِ لـ زياد و زياد الج
حچيت وانا اتصنع الهدوء : ماكو شي اسمه انا وزياد
انا اعتبر زياد اخوي واصلاً حتى ما يستاهل يكون اخوي
ظافر : مَـاريااااا
ماريا : الله يموت ماريا وتخلص منكم
بس فهموني شنو سويتلكم وهيج تعاقبوني ؟
نزلت دموعي وباوعت لبابا : شنو ذنبي ؟ بعدكم تعاقبوني على موت الماس ؟ بعدكم مفكرين انا السبب !
ضحكت باستهزاء : تمام اللي تريده يصير
وكفت وباوعتله : صدگوني راح اطلع من هالعائلة واخلص من جحيم الـ ظافر ومن بعدها اخواني وراح نخلص من قوانينكم وسجنكم.
تركته وصعدت لغرفتي واسمع يصيح وراي
كعدت على الچرباية واحس هموم الدنيا كلها على ظهري
اندك الباب ، فتحته وشفت كرار
اجه حضني ، بچيت بحضنه : شنو ذنبي كرار ؟ شنو ذنبي !!!
كرار : اشش اهدي انتِ تعرفين ظافر من يمتى حَـن علينا ؟ هَو دوم عنده المـاس الاولى والاخيرة ومن راحت الماس صار شخص ثاني
بچيت بصوت عالي : صار شيطان واحنا ضحايا لذنوبهم
كرار : راح يجي يوم ونخلص منهم ونرتاح
كعدنا على الچرباية
كرار : مرتضى تعبان هواي
درت وجهي عليه : منهم ؟
كرار : هالفترة يحچي وي مرتضى بالزواج وحتى يگوله غصبًا عليك تتزوج
ماريا : يعني يجبره؟؟ ترا الزواج مو اجبار
كرار : تعبني ابوج تعبني نوب اجه عليه يگلي عمك كاظم راح يرجع تحضر نفسك تاخذ وحده من بناته
ماريا : ياا هذا صدك يحچي ؟
كرار : تخيلي من سنين ما شايف بناته وهسه انجبر اخذ وحده من بناته
ماريا : معليك بي انتَ حَـر بحياتك لا تخليه يتدخل بيك
سمعنا صوت طرقات الباب
شفته مرتضى ، ابتسمت : تعال
YOU ARE READING
حرائق السفن
Misterio / Suspensoتجتمع الحنيـة والقساوة ! والحُـب والكراهية ! يجتمع شخصان من عالمان مختلفان عندما قالو له : لماذا هذه القساوة كابتن رد : المجتمع يُـهاب من القاسي و يرعبهم اسمـهُ لذلك لا وجود للحنـان والتعاطف في قلب الكابتن ... لكن عندما اتيت هَي ودخلت في حياته ...
