It's Too Late / زۆر درەنگە

Chapter three

نەخەوتم، تەنها کەمێک دانیشتم و پشووم دا .
زۆرم برسی بوو، هیچی لێ نەبوو بیخۆم، چومە دەرەوە بۆ کڕینی پەتاتە و زەیت، بۆ ئەوەی پەتاتەکە سور بکەمەوەو بیخۆم.
هاتمەوە و پەتاتەکەم خوارد و چومەوە ژوورەکەی باوکم، دەستم کردەوە بە خوێندنەوەی کتێبە مارۆنیەکە، واتە ئێستە من لە لاپەڕەی ٥١ م، دەقی لاپەڕەی ٥١ ئەمە بوو:
"ئێمە لەگەڵ ئەم کتێبە دەست نووسەدا سندوقێکی لەدار دروستکراومان بۆ ناردوویت، کە ئەم سندوقە سندوقێکی ئاسایی نییە، بەڵکوو دەروازەیەکە بەرەو جیهانی ڕابردوو وە داهاتوو، واتە ئەم سندوقە ئامێری گەشتی کاتە، ئەوە دەکەوێتەوە سەر خۆت کە چۆن بەکاری دەهێنی، بەڵام نابێ بە جۆرێک بەکاری بهێنی ژیانی ئێمەشو تۆش بکاتە مەترسییەوە، چونکە گەر بەر دەستی مرۆڤی نابووتو ئاسایی بکەوێ ژیان تێک دەچێت."
ئەمەی زۆر بەلامەوە گرنگ بوو ئەمەبوو، سەرنجی ژورەکەم یا سندوقێکی لێبوو کە لە دار دروست کرابوو، ویستم بیکەمەوەو بچمە ناو ئەو گەشتی کاتەوە...
بەڵام ئەبوو سەرەتا زانیاری تەواو وەر بگرم لەسەری، لەهەمان کاتیشا زۆر پەلەبووم!
چومەوە سەر کتێبە ماڕۆنیەکە هەر لاپەڕەی ٥١، کە دواتر ئەیوت:
"بەم زوانە کلارای هاوپیشەو هاوڕێمان دەنێرینە خزمەتت، بۆ ئەوەی بت هێنێتە مانچستەر لەگەڵ خۆی، شوێنی دانیشتنی ئێمە دارستانێکە لە مانچستەر، لە قەڵایەکی کۆن"
هەستم ئەکرد پێویستە زۆر پەلە بم، چونکە زۆر بە پەرۆشبووم، لەهەمان کاتا هیچ شتێکم نەدەزانی.
دەمویست یەکسەر بچمە ناو گەشتی کاتەوە بەڵام زۆر دودڵ بووم؛ دواجار چاوم داخستو بەرەو سندوقەکە رۆشتم... سەری سندوقەکەم هەڵدایەوە سەیرم کرد پەیژەیەک بە سندوقەکەوە نوساوە، یەکسەر زانیم ئەمبات بەرەو گەشتی کات...، قاچم لەسەر یەکەم پلیکانەی پەیژەکە دانا، سەیرم کرد خوارەوە شوێنێکی ترە! واتە ژورێکە، چومە خوار تر سەیرم کرد ئەمە ژورێکی ترە... ئەمەش هەر ژوری باوکم بوو، نەمئەزانی ئایە ئەبێ گەشتی کاتەکە لەکویابێ! کاتێک سەیری ژورەکەم کرد چەند ئامێرێکی سەیری فیزیایی لێبو نەم ئەزانی چین، وە سندوقێکی تر هاوشێوەی سندوقەکەی سەرەوە بوو، نزیکی بومەوەو سەری سندوقەکەم هەڵیایەوە دەت وت سەیری ئاسمان دەکەی کاتێک پڕە لە ئەستێرە!
دڵنیابومەوە کە ئەمە ئامێری گەشتی کاتە، ٥ پەڕە پێکەوە نوسابوون نرابوو بە دیوارەکەوە بە دەرزییەک، خوێندمەوە لەسەر یەکەم پەڕە نوسرابوو:
"کچم، دەزانم تۆ کچێکی پەلەو ئینکاری، دەزانم کتێبی گەشتی کاتەکەت نەخوێندۆتەوەو زۆر شارەزای ئەم ئامێرە نیت! بەڵام بزانە، بۆ ئەوەی بێیتەوە کاتی ئێستە دەبێ ئیلا دەنگێک بێت، بۆیە ئەتوانی ئەلەرم دانێیت ئەگەر شوێنەکە زۆر بێدەنگ بوو، وە ئەمەش بزانە، دەبێ لە مێشکی خۆتدا دیاری بکەی دەتەوێ بچی بۆ رابردوو یانیش داهاتوو، دواتر کە دەچیە ناو ئامێری گەشتی کاتەکە دەتبا بۆ ئەو سەردەمە، ئەمەنە زۆر زۆر گرنگە بیزانیت، ئەوەش بزانە ، کەتۆ دەبێ بە لەسەرخۆیی و داناییو زیرەکیەوە رەفتار بکەی لەهەموو سەردەمەکان ، یەکەم شت بە مێشکمدا هات ئەوەبوو بچمە جەنگی جیهانی دووەم... نازانم بۆ بەڵام ئەوە بە مێشکمداهات.
قاچی چەپم کردە ناو سندوقەکە هەستم بەهیچ نەدەکرد، واتە هەستم بە قاچم نە ئەکرد کە هەمە یان نیمە، هەموو جەستەم کردە سندوقەکەوەو چەند کاتژمێرێکی سەیرم بینیو هەندێک ئەستێرەو هەسارەم دیو کە هۆش خۆم هاتمەوە لە خێمەیەکدا بووم لە ناو سندوقێکدا کە سەرەکەی کرابۆوە، هەستام سەیرم کرد خێمەکە لە خێمەیەکی سەربازی دەچوو، چومە دەرەوە سەیرم کرد وەک بڵێی تازە لەجەنگێکی قورس تەواو بوبن سەربازەکان هەمووی برینار بوون، زانیم کە ئەمە جەنگی جیهانی دووەمە.
زۆر گەڕام بە ناو ئەو شوێنەیا نەم ئەزانی کە ئەمانە سەربازی چ وڵاتێکن، لە ناکاو کوڕێکم دی کە چاوی لەسەرم بوو زۆر ترسام، چاوەکانی شینێکی کاڵبوون و سەیری ئەکردم بەبێ چاو تروکاندن، قژێکی ڕەشی هەبوو، برۆی ڕەش بوو، پێستی دیاربوو کە سپیە بەڵام هەموو دەموو چاوی ڕەش ببو بە هۆی تەقینەوەو خۆڵو پیسیەوە، بزەیەکی بۆ دەکردم و کە سەیرم کرد خەریکە دەستی بە لەفاف دەپێچێت.
ویستم نزیک ببمەوە لێی خۆی بە دەستی ئاماژەی بۆکردم کە بچم بۆلای... چومە نزیکی و بە ئینگلیزی قسەم لەگەڵی کرد و وتم سڵاو!
کوڕەکە: سڵاو چی دەکەی لێرە تۆ!
لەیلا: تۆمن دەناسی؟
کوڕەکە: نەخێر بەڵام ئافرەتەکان دەبێ ئێستە لە شوێنێکی پارێزراودا بن، تۆ چیدەکەی لە مەیدانی جەنگ!
نەمزانی چیبڵێم! من هیچ زانیاریم نەبوو لەو سەردەمە!
کوڕەکە دوبارە بزەیەکی کردەوە
لەیلا: تۆ ناوت چییە؟
کوڕەکە: بنیامین؛ من ناوم بنیامینە، ئەیتۆ؟
لەیلا: منیش لەیلا، خۆشحاڵبووم بنیامین.
بنیامین: منیش هەروەها، ئێستە برۆرەوە شوێنێکی پارێزراو، ئافرەتەکان ناسکن نابێ لە مەیدانی جەنگ بن!
لەیلا: ئاخر تۆ دەستت هەمووی برینە، ناتوانم بەم شێوەیە بەجێت بهێڵم!
بنیامین: کێشە نییە! من ڕاهاتووم!
بنیامین، سەربازێکی جوولەکە بوو.
چاوەکانی زۆر جوانبوون، چاوەکانی داوێک بوون!
خەمم دەخوارد، کە دەموت چیتر نای بینمەوە، ناتوانم دەستی بگرمو لەگەڵ خۆم بیهێنمەوە سەردەمی ئێستا، بنیامین لەوە دەچێ ئێستە هەر مردبێ!
ناخۆشە، هەست بەوە بکەی ئەکەویتە داوی خەیاڵێکەوە، کە نازانی ڕاستیە یان تەنها وەهمێکە!
لەکاتی سەیر کردنی چاوی بنیامیندا من ئەم قسانەم لە مێشکی خۆما ئەووت، بنیامینیش وەک بڵێی مێشکم بخوێنێتەوە و پێبکەنێ بە قسەکانم پێ ئەکەنی، وتم تۆ لە جەنگدای و دەستت هەموی خوێنە بەچی پێدەکەنی؟
بنیامین: ههه، هیچ!
لەیلا: تۆ شێتیت؟
بنیامین: بەڵێ
لەیلا: تکایە گاڵتە لەگەڵ مندا مەکە، من کەسێکی جدیم
بنیامین: ببورە دەی.. نا من خۆم کەسێکی دەم بە خەندەم، حەز بە پێکەنینی هەمیشەیی دەکەم.
لەیلا: زۆر چاکە ، ئێستە لەگەڵ من وەرە با دەستت بۆ تیمار بکەم
بنیامین: باشە خاتوو لەیلا
خاتوو لەیلا. خاتوو لەیلا. خاتوو لەیلا
خۆم کرد بە خێمەیەکدا سەیرم کرد چەند سەربازێکی تری لێن راکشاونو پشوو ئەدەن
پرسیارم کرد کە ئایە دیتۆڵ و لۆکەی لێیە کەسیان جوابیان نەیامەوە، بنیامین وتی ئەوان ئینگلیزی نازانن
بۆیە خۆی دیتۆڵ و لۆکەی هێناو دەستیم تیمار کرد
لەکاتی سەرقاڵبوون بە دەستیەوە هەر سەیری ئەکردم، سەرم بەرز کردەوەو چاوم بەرامبەر چاوەکانی بوو.
چەند جوانبوو چاوەکانی ، مەسەلە رەنگی چاوەکانی نەبوو، مەسەلە شکلی چاوەکانی بوو، چاوو برۆی.
من دابنیشم وەسفی چاوو برۆی بکەم زۆری دەوێت، بەڵام ئەوەنە ئەڵێم؛ کەوتمە ناویو نوقم بووم.
بنیامین سوپاسی کردم کە دەستیم تیمار کرد، وتی من ئەبێ پشوو بدەم تۆش برۆرە شوێنێکی سەلامەت تر، منیش نەمزانی بڕۆمە کوێ، ئاخر بنیامین چوزانێت من لەداهاتوەوە هاتووم!
رۆشتمە دەرەوەو بینیم هەمووی خەریکە تەرمو پاشماوەی جەنگ پاک دەکەنەوە، لەمێشکی خۆمدا وتم؛ باشە من ئەلەرمم دانەناوە، چۆن بڕۆمەوە داهاتوو!
نەمزانی چیبکەم، دوعام دەکرد یەکێک تەلەفوونم بۆبکات، کەچی بیرم کەوتەوە ئامێری گەشتە کاتەکە لەژێر زەمینەکەیە، ههه تەلەفونێشم بۆبێت گوێم لێی نابێ!
خودایە، ئەبێ کلارا لەکوێبێت بۆئەوەی بێت و یارمەتیم بدات؟ من نامەوێ لێرەبم، تکایە تەنها ئەمجارە خودا رزگارم بکا ئیتر ئاقڵ ئەبم.
لەپر لە زەنگی ماڵەکەمان درا و لەماوەی چاو تروکانێکدا گەشتمەوە ژێر زەمینەکەی ژورەکەی باوکم، هەر سوپاسی خوام دەکرد.
بەسەر پلیکانەکان سەر کەوتمەوە بۆ ژورەکەی باوکمو رام کردە دەرەوەو دەرگام کردەوە بزانم کێیە، سەیرم کرد کلارایە.
کلارا: خێرا بابێمە ژوورەوە چەند شتێکی زۆر گرنگ هەیە پێویستە پێتی بڵێم
لەیلا: باشم سوپاس.!
کلارا: ئەوە تەئلیق لەمن ئەدەیت؟ ئەی من نەبوومایە چۆن رزگارت دەبوو لە جەنگی جیهانی دووەم؟! ئەی ئەگەر تۆیان بکوشتایە !
لەیلا: بەراستی بیرم لەلای ئەوە نەبوو ئەلەرم دابنێم، من ببورە تکایە
کلارا: پێویست ناکا من تۆ ببورم؛ ئەوەبەسە خۆت خۆت ببوری بۆ ئەم کارە گەمژانەیە.
لەیلا: زۆر سوپاست ئەکەم کە هاتیتە لام ، نازانم چۆن چاکەت بدەمەوە.
کلارا: تکایە، تکایە چەند شتێک بزانە و وەکوو مناڵ رەفتار مەکە، تکایە ئاگات لەخۆت بێت و بزانە چی دەکەیت و چی ناکەیت.
لەیلا: بەسەرچاو؛ بۆ جاری داهاتوو هەموو شتێک باشدەبێت.
کلارا: ئێستە من لێرەم تاوەکوو کەمێک شتت لەبارەی پاراسایکۆلۆجیەوە پێبڵێم، تکایە بە باشی گوێم بۆ بگرە و مێشکت لەهیچ کوێیەکی دی نەبێت.
لەیلا: زۆر سوپاست دەکەم، فەرموو
.
.
.
کلارا هەموو قسەکانی خۆی کرد و بەبێ خواحەفیزی دیار نەما، بەڵام ئەوەی پێ وتم کە دەبێ برۆم لە کتێبخانەیەکی دەرەوە کتێبێک بکرم کە پێشەکییەکە بۆ پاراسایکۆلۆجی
باوکم نەیبوو چونکە ئەو خۆی زیرەک بوو ئەیزانی!
ببورن زۆر دواکەوتم لە دانانی ئەم چاپتەرە
بەس ان شاء اللە لەمەو دوا زوزو چاپتەری نوێ دا ئەنێم💜 ئێوەش هاوکارمان بن