#جمرة _الرماح 🔥

توضيح

السلام عليكم حبايب قلبي شلونكم شخباركم ان شاء الله تكونون بالف خير وصحة وسلامة يارب

بنات اني اليوم جاية وأريد أوضح شي مهم كلش هواية دا تجيني رسائل واسئلة وحجي وسوالف هواية هواية وكل يوم شكل

اخر مرة نزلت بيها اني حجيت وضحت بخصوص الأبطال وكلت دائماً يصير وياهم ضروف ويغلقون حساباتهم واجهزتهم لان شغلهم خطر جداً ولسلامة عوائلهم وسلامتهم يتخذون هذا الإجراء

يعني شنوو؟؟

يعني اني ما بيدي شي.

اني من يوم نزلت اخر بارت بعد ما اجتني اي أحداث اضافية ولا التقيت وحجيت ويا الأبطال لان انغلقت اجهزتهم وما عندي اي خبر عنهم هواية حاولت اتواصل ويا همام بس ما اجاني اي رد من عندة.

يعني باختصار الموضوع خارج عن ارادتي ومو بيدي شي الله شاهد علية كلش حابة اكمل القصة وكتابتها وتدري بيكم انتو هم مليتوو وتنتضرون الأحداث وتنتضرون مني انزل بس اني شنو بيدي اني واصلني شي وما ناقلتة الكم والله اكيف من عين باجر انزل بارتات واخليكم تملون ونختمها سوا

بس اني كتلكم والله العضيم ما بيدي شي.

والله اتمنى هسا تجيني رسالة وحدة من عدهم مو علمود القصة لا الله شاهد لكن هل رسالة اطفي نار القلق الي حاسة بيها اتجاهم لان هم مو بس صارو ابطال روايتي لا الله شاهد صارو جزء من عائلتي وخصوصاً البنات صارت خواتي وصديقاتي

بس اني شنو الي بيدي اني حالي حالكم منتضرة رحمة الله تجيني وادك بابي

اني كلش اعتذر من عدكم والله

واتمنى منكم اذا تقرون هل شي تندعون الهم يكونون بخير وسلامة ومحد صايبة اذى ويرجعون وانكمل روايتنة سواا

دمتم بحفظ الله ورعايته

احبكمممم كلللللللشششششش 😍😘

"وَتَدعو أنْ لا يكون طريقك وَعِرًا؛ لتَّنجو،
فيكون وَعِرًا،
وتَنجو!
لتَعلمْ أَنَّ النَّجاةَ مِن الله، لا مِنْ الطَّريق."

#الكاتبة _فاطمة

#رواية _جمرة _الرماح