#جمرة _الرماح 🔥

الجمرة العاشرة 🔥

‏"لاشيء أجمَل من أنْ يُخبرك أحدهم؛ بأنَّك أحد الأسباب التي غيَّرت حياته للأجمل!" ❤️

#رواية _جمرة _الرماح

#الكاتبة _فاطمة

الجمرة العاشرة 🔥

"من البارت السابق "

باوعت بالحديقة اكو كرك ركضت بسرعة وهنا عياطهن ما الة والي.

رحت بسرعة لزمت كرك واباوع عليهن منو بالأول تاكل النصيب.

لزمتة وركضت واني ناوية عليهن نية سودة.

رفعتة للكرك وضربت خالتي حيل وكأن الشر كلة تجمع بية.

خالة راستن طاحت للكاع وما تحرك ساكن اباوعلها بكل دم بارد وغليلي ما شفة منهن الهسا.

اجت حوراء تتكامش وياي واني ردتها من الله تجي حتى اكمل بيها، لزمتها من فكها حيل عصرتة وشمرتها بالكاع تقدمت حتى ابلش بيها بس  اجت سديم.

باوعت عليها وهي هم عبالك عدها فد حك وياها ضلت تضرب بيها وهذيج تعيط.

باوعتلهن ودخلت للبيت ادور على تلفوني لكيتة على ميز بالغرفة اخذتة وطلعت فتحت تصوير وكمت اصور بيهن  صورت العركة بالتلفون كلها.

اباوع عليهن بكرها واتلذلذ بوجعهن والدم الي ترسهن.

ورة شوي كعدت خالتي ضلت اتصيح وتسب بينة وتغلط.

ابتهال :امهات الشوارع الدايحات كاضياتها بطروناتجن وتفترن بشوارع بغداد نسيتن لو منسيتن......

رادت تكمل وسديم قطعت كلامها.

سديم:بعياط : بسسسسس كاااافيييي، خليني سكاتة عيني خليني ساكتة عل اقل ابوي ماخذنة جان مو مثل البعض يتختلن مفلفلات.

حجت هيج وتباوع على حوراء وهذيج وجها صار ينطي الوان بس الشر والوكاحة بعد ما راحن منها باينات على عيونها.

جمرة: صدك جذب شيباتج كبرن وحاطة كورج من كورنا صدك تحجين عود هاي احنا بنات اختج وهيج لو غربة شسوين لا عتب على غريب والله.

ابتهال :بصراخ وحقد، ههههه هاي شوي اله اشيبجن تشيب بعد ما شفتن شي من عندي كلشي ما شفتن.

تقدمت عليها واني ناوية علية نية كشرة لو اني لو هي بس للمرة الثانية اتوقف شفت مرح بسرعة هجمت عليها راستن لزمتها وضللن يدافرن.

اجت حوراء تركض تريد تضربني باوعت الماسحة يمة لزمت عودة الماسحة وهي تقربت واني ضربتها ضليت اضربها حيل.

وهنا ضلن يتصارخن مثل الحيوانات الحد ما انفتح الباب توجهت عيوني على باب دخلت عمة مرت جمال متفاجئة من المنضر وبنفس الوقت خايفة خطية.