꧁أعذر وجودي ꧂
نجوى: مصدومة ملي تقولو جوري مش مصدقة القوة الي تشوفها بين عينيها اول مرة تشوفها هكذا مصممة ومش مهزوزة بكلام قالو اي واحد...
قربت منها عنقتها بقوة وهي فرحانة انو اختها القوية رجعت من جديد...
نجوى: أخيرا جوري اخييييراااا.
جوري: كرامتي قبل كل شي وصدقيني هاذ المتعجرف نخليه يندم علي قالو كل ونخليه يعرف واش نسوى...
نجوى: واش ناوية ديري جوري؟
جوري: خليه سر بيني وبين روحي منبعد وتتفرجي بعينيك واش ندير...
نجوى( وهي تضحك) بليز بلا مقالب زمان...
جوري: هههه متحاوليش تجبدي لساني بليييز.. 🤫
نجوى: اوك اوك.. خليني نطلع نشوف امي رحمة...
جوري: تفضلي.... 😊
قعدت جوري كملت فطورها مع لولاد بعدها بمدة خرجت معاهم للجاردان يلعبو مع بعض.... تضحك وتلعب وكأنو مصار شي...
عند نجوى: طلعت لبيت الأم رحمة لقاتها في شمبرتها تفرك يديها رايحة جاية بالغش....
شافتها حبست وقربت منها شدت يديها وهي تحب تبكي... سمحيلي نجوى مش قصدي حبيبتي جوري تكون خذات موقف وكرهتني مش قصدي فقدت اعصابي حبيت نوصل فكرة لكن لساني تفلت ومشاعري خرجو بطريقة فسدت كلش... سمحولي مش قصدي...
نجوى: لااا عادي أمي رحمة جوري مش زعفانة منك لكن زعفانة من نيار انو قرا الموضوع بطريقة خاطئة وحملها مسؤولية رفضك لسمى ورمى غشو عليها وانا متحملتش الحق وحبيت نروح داري اما هي رفضت وقالتلي منتحركش حتى نخليه يعرف غلطتو...
لمعت عينين رحمة وهي تتبسم وتهدر بحماس...
صح هذا واش قالت جوري متأثرتش بكلامو؟
نجوى: هذا الي صار...
رحمة: حمد الله ياربي ملي شفتها وانا حاسة ربي بعتها لي باش تسلكني من مشكلتي شوفي نجوى لازم توقفي معايا ونوقفو مع جوري في اي شي تديرو تخليه يبدل رايو ويشوف سمى على حقيقتها...
نجوى' حقيقتها؟؟؟ واش قصدك امي رحمة فهميني تهدري بالالغاز واش دارت واش حقيقتها علاش رافضتها بكل هاذ الاصرار؟
رحمة: جيبي جوري ونقولكم في زوج من حقكم تعرفو باش تعاونوني والا نموت بالقنطة وانا نشوفو يتزوج بيها ويدمر حياتو...
نجوى: خوفيتيني قولي واش كاين...
رحمة: جيبي جوري ونقولك ازربي نحب نعرف راي جوري ونشوف اذا تعاوني....
نجوى خمس دقايق نكونو هناا
قاعدين في ثلاثة والصدمة بادية على وجه نجوى اما جوري كأنها لا سمعت ولا تأثرت بقات تشوف في رحمة بعينين جامدين...
رحمة هذي هي القصة. كيما كانت...
نجوى: علاش مصارحتيهش برك بالحقيقة علاش عليك هاذ العذاب كل...
رحمة: مقدرتش مقدرتش...
شافت في جوري ونطقت واش رايك جوري تعاونيني تخليه يتراجع...
جوري: مش لازم تكون خداعة ومنافقة وتغدر في الظهر كيف عايلتها الكريمة قادر تكوني ظلمتيها بلا متعرفيها وتعطيها فرصة؟!
رحمة: يابنتي الوعد يبقا وعد وعيلتنا وعيلتها محال يتلاقاو لا فرح ولا قرح وباينة الدم يجبد...
جوري: منقدرش ندخل في هاذ الشي بلا منعرف حقيقتها واش رايك نمدولها فرصة فرصة وحدة نشوفو حقيقتها بعدها نديرو واش تحبي إذا تأكدنا من الشي الي قلتيه...
رحمة: يابنتي أفهميني راني نقلك محال تكون كنتي...
نجوى: خلينا نتأكدو نساعفوه حتى نكشفو الصح والغالط... واش قلتي فرصة وحدة..
شافت رحمة فيها وفي جوري الي هزت راسها بايه متخافيش...
خذات نفس قوي وهدرت...
ندير فيكم ثقة ونخليلو فرصة يعرفها على حقيقتها لكن انا عمري نقبل بيها ومتأكدة انو الغدر يمشي في دمها ومحال تتبدل ونستنى برك الوقت الي يبان فيه هاذ الشي....
جوري: أحسن شي قررتيه خلينا نبداو من ذرك عيطيلو وقوليلو انك موافقة تتعرفي عليها وتجي للدار معروضة للعشا....
رحمة: أوكي...
هزت تيليفون ودارت رقم نيار وبقات تستنى يهز...
رحمة: نيار نحب نقولك شي مهم...
راني خممت ونجوى قنعتني برايك ورايح نمدلك فرصة تجيبها تخليني نتعرف عليها ونشوفو الخير وين...
نيار:(كان مصدوم مش مصدق الي يسمع بشوية ولات الصدمة فرحة وبسمة عريضة والغش راح ونسى كلش)
كيفاه حتى بدلتي رايك؟
رحمة: قلتلك مبدلتش رايي اما عطيتكم فرصة تغيرولي راييي وكلش وارد.....
نيار: مش رايح تندمي....
رحمة: نتمنى...
كوبات وهو كوبا كان قاعد مع سمى في سيارة على شط البحر دار ليها وهو يتبسم....
سمى وجدي روحك راكي معروضة للعشا في دارنا امي تحب تتعرف عليك...
سمى كانت تشوف فيه حتى سمعت واش قال طارت بالفرحة وهي تتبسم وتضحك وتصفق بيديها يعني خلااااص رضات بيا...
نيار: كلش متوقف عليك لازم تكوني مستعدة...
سمى: متخافش قدها وقدود... تبسم لها بحنانة وهو مش مصدق الي صار... في الأخير نجوى كانت عند كلمتها وهو جرحها وظلم اختها يعني امو وحدها تخطط وتخلط هوما خاطييين لازم يطلب سماح من نجوى في اقرب وقت ويتصالح مع جوري ثاني...
أنت تقرأ
أعذر وجودي
Romanceعندما يتحول الكابوس الذي رأته جوري في منامها الى حقيقة وتصبح حقا امرأة مطلقة في مجتمع لا يرحم فقط لأنها عقيمة هنا تبدأ معاناتها في إثبات ذاتها والبحث عن احلامها وتزيين صورتها امام الناس انها لم تقم بشيئ سيئ لكن فقط لم يحالفها الحظ واول من تصدم به وي...
