♡أعذر وجودي ♡
رايحة جاية فالكلوار تقول حاكمتها الزحمة تغلي قريب تشعل ويطلع دخانها راح تهبل عينيها حمارو من البكا والغيظ عاميها .. كيفاه راح دير كيفاه تقنعو وتخليه يحس بلي تحسو علابالها كون تبقى أمو واقفة بيناتهم محال يديها كيفاه راح ديرلو ..محال تعيش بلا بيه..
سمى: واش راح ندير.. حاسة روحي عاجزة ملقيت كيفاه نتصرف لحيرة رايحة تهبلني حابة يزوج بيا في اقرب وقت نحبو هو حياتي.... الراجل هادا هو حياتي وحبي وكلش نقدر نعطيه اي شي يحبو وحاولت ومقدرتش حتى الاغراء ما يمشيش معاه شحال من مرة وجدت روحي وحاولت نديه للفراش وماسايرنيش بالعكس يقلي استري روحك مخصنيش.... نقلو هاني دير ودير ااااع راح نهبل....نيااار علاش هكا دير فيا!!
راحت للطاولة جبدت كرسي وقعدت هزت تيليفونها وعيطتلو .. جاها صوتو العميق..
نيار: صباح الخير
غزلت في قلبها ميقدرش يقول حبي حبيبتي علاه صباح لخير تاعو ديما شايحة هك؟ قلبت عينيها و بكل حنية قالتلو....
سمى: صباح الخير حبيبي .. واش حوالك؟
نيار: الحمد لله يا رب وانت بخير؟
سمى:الحمد لله بخير ..
نيار: باينة مرحتيش تخدمي ليوم مزلتي مريضة
سمى: ايه مريضة وبزاف تاني مانيش قادرة حتى نوض من بلاصتي معدتي راح تقتلني من نهار كلينا فالمطعم هاداك راني في حالة...
تأفف نيار هز لفاست تاعو وناض...
نيار: شوية ونكون عندك مع طبيب ومانقبلش نهائيا الرفض
غلق الخط في وجهاا.... وهي وجها راح وجا بالألوان...
سمى: ااااه يا سمى انت والكذب تاعك كيفاه ندير انا درك راه كي يحط حاجة في راسو مايبدلهااش درك يجيك ومعاه طبيب والمرض وينو بح نندب في وجهي أنا غير حبيت ندي شوي عطفو وحبو وشوي من وقتو مش ناوية نكذب عليه😢
بعد عشرين دقيقة كان عندها قدام الباب دقدق في الباب جات الخدامة تجري حلتلهم دخل ومعاه طبيب
نيار: دكتور اتفضل معايا دار للخدامة وسأل غرفتها وي؟
الخدامة: آخر غرفة في الرواق...
دقدق فلباب وفتحو دخل لقاها في فراشها راقدة و التعب باين على وجها جبينها بالعرق و فمها شايح عقد حواجبو وبقا يشوف فيها..... قرب الطبيب منها وبدا يفحص فيها سريعا الوجع ظاهر عليها
الطبيب: الظاهر عندها تسمم ممكن تقوليلي وأش كليتي..
تكلمت معاه بصعوبة
سمى: كليت *** حار مع توابل اضافية...
تأفف نيار ودور وجهو بعيد عليهم..
الطبيب: عندك حساسية منو؟
سمى: ايه صرالي قبل مشاكل كي ناكلو...
نيار: وانت علاه تاكلي فيه مدام يمرضك هكذا؟
ذبلت عويناتها و قاتلو بالشوية خلاص
سمى: اتشهيتو خصوصا كي نتا طلبتهولي محبيتش نكسر خاطرك وزيد نتا متعرفش من واش عندي حساسية مش غلطتك.... علابالي متخلينيش ناكلو لكان عرفت بحساسيتي...
نيار وصلو مقصودها وفهم انها تلومو انو ميعرف عليها والو وجامي يسقسي ...
الطبيب: معليش مدام درك نديرلك ابرة تخفف من الاعراض وتنحي الوجع و زيد نمدلك ادوية اشربيها بانتظام
كمل الطبيب شغلو ومد الوصفة الطبية لنيار .. رافقو نيار للباب ورجع ليها واقف يشوف فيها وصوت انينها ثقبلة طبلة وذنيه .. وهي غير تزيد في ريتم بلعاني
سمى: حبيبي ارواح قدامي علاه واقف تشوف فيا!
دار شاف معاها كان راح يقول شيئ ومن بعد راعى حالتها قرب قعد قدامها وهو ساكت...
سمى: خلاص شبيك ما تزعفش عليا ديجا راحلي لوجاع بدا يخف عليا وزيد وعد نشرب دوايا بانتظام ومانزيدش ناكل لي يضرني..
دار شاف معاها لقاها تشوف ليه بحنان كبيير ممطن هذا البراءة والحنية الي فيها الشي الي يخليه يخمم تولي مرتو و يحب يصبح عليه يوميا حنان في نظرتها يشوفو غير هو .....
تعشق في نظراتو لي تحس فيهم بلي راهي متمكنة منو تعرف نقطة ضعفو مليح .. اما الظاهر انو اقوى حتى من ضعفو وفي هاد اللحظة خيرت انها تجبد الموضوع
سمى: يعني نفهم أنك خايف عليا كي نشوف هذا النضرات رغم أنك مقلتهاش... نتمنى كي نتزوجو نسمعها منك مش غير نشوفها في عينيك ....
شاف فيها بعمق وعينيها فيهم نظرة تساؤل وخوف
نيار: طبعا نخاف عليك مش لازم نقولها .. راح تكوني مرتي..
حست بنار شعلت لداخل نار الانتصار جاوبها كيما حبت هي الفرحة مش سايعتها..
سمى: حلوة كلمة مرتي من فمك مانبدلهاش بكنوز الدنيا بصح ...
شاف معاها بجمود وكأنو علابالو واش راح تقول
نيار:بصح؟؟
سمى: كأنو الموضوع طول بزااف نحب نكون مرتك انا نحب نصبح على وجهك ونمسي عليه...
تنهد نيار وعلابالو مش راح تفوت على خير..
نيار: وقت يكتب ربي متعمريش راسك بحاجة امرها مش في يدنا....
علابالها علاه ايه وهادا هو المقصود هبلت من فكرة أنو امو رفضتها بلا سبة ذبلتلو عويناتها وهي تحس بالظلم وبدات تبكي ..
سمى: خالتي رحمة نعرف .. نعرف هي لي مش حابتني
حل عينيه على اللخر منين تعرف هي بلي امو مش طايقتها كان ديما يقلها خدمة عندي مشاكل جامي قاللها امي رافضة..
سمى هنا قوات في لبكى كي شافتو مستغرب!!
سمى: نعرف كنت مخبي عليا ومش حاب تقلي وديما تلقالي اعذار بصح سمعتها نهار عرضتنا نجوى وتامر للعشاء سمعتها كنت نوجد فالطابلة للعشاء وهي فالكوزينة تقوللها مانيش قابلتها ومحال تكون مرت ولدي نيار... محال ندخلها لداري ونقبلها كنة و تقول لنجوى قوليلو انت يسمع منك قلو ما يديهاش ... علاه واش درتلها انا حتى ماتحبنيش علاااه ياك ماقستهاش ورغم واش سمعت وماقتلكش..
وهنا ولات تبكي على طول صوتها وتشهق .. كانت حالتها تشف سورتو مع مرضها ملقى روحو غير ماد يديه ضمها لصدرو اول مرة يديرها ضمها ليه ويمسح على شعرها .. وهي خلاااص ذابت فيه واش يلمها ... ولات تبكي وتخرنن وتشهق وهي متشبثة بيه بزوج يدين محبتش تطلقو...
نيار: خلاص خلاص سمى شبيك نعرفك ديما قوية وهادا لي جذبني ليك اول مرة نشوفك محطمة هكذا؟
سمى: حبك تعبني معدتش قادرة نستحمل هاذ اابعد بيناتنا كل يوم يكبر مقدرتش نتحملو...
نيار: نوعدك نضبط الامور اوك؟؟ خلاص..
بعد ماسكتها وداها للحمام غسللها حالتها وهدات شوية .. بقات قالبة خلقتها و شهقاتها يتسمعو شد وجها بين يديه
نيار: صاي حبسي قتلك نحل الوضع معندكش ثقة فيا؟
سمى: لا .. عندي
نيار: وعد نحكي مع امي ونفهم منها .. ونفهمها بلي انت انسانة طيبة وانا ناويك مرتي.. اوك؟
سمى:أوك..
نيار: راح عليا الحال نخرج انا نشريلك دواك ونبعتو للدار اعذريني منقدرش نرجع عندي اعمال وتاخرت
سمى: اوك معليش .. شكرا
أنت تقرأ
أعذر وجودي
Romanceعندما يتحول الكابوس الذي رأته جوري في منامها الى حقيقة وتصبح حقا امرأة مطلقة في مجتمع لا يرحم فقط لأنها عقيمة هنا تبدأ معاناتها في إثبات ذاتها والبحث عن احلامها وتزيين صورتها امام الناس انها لم تقم بشيئ سيئ لكن فقط لم يحالفها الحظ واول من تصدم به وي...
