نيران زعيم

البارت الاول

انا وكلبي بس انت قصتنا
نزعل نختلف نتراضا نبقه على حطتنه
نيران... الوو هاا يمه يومه السائق سيارته عطلت يم المدرسة وشكلها مطوله شوفي واحد من الولد يجي ياخذني
آلاء ... هسه اشوفهم واخليهم يجونج
نيران.... تمام منتظرتكم
ورود... نيران شوفي هذاك الولد ماشال عينه من عليج
نيران.... شالوا بتابوت ان شاءالله
ورود.... هههه شبيج ولج غير معجب بيج
نيران.... انعجب بي عزرائيل وأخذه
واكفين وجان يجي بكل عين صلفه ويكول اروح فدوه العبايه
نيران..... غصب عليك وعلى جابك تروحلها فدوه
زين ويله منا لان تراب على طرف عباتي ماخليك
هو الولد بعد ماحجه سد حلكه وراح
ورود....يمه منج ام السانين لو انا مكانج ماكدار ارد عليه
نيران.... ليش عيني تريدين ابتسم خجلنه وهو يفرح ويضل كل يوم يجي ويسمعني حجي
جاي احجي واجه زعيم
ورود... شبيج صفنتي
نيران.... زعيم
ورود.... منو هذا نوب
نيران.... اسكتي هذا جابه
قرب السياره
زعيم.... شبيج صافنه صعدي
نيران... فتحت الباب الوره
زعيم... اكو واحد كلج سايق الخلفوج تعال كعدي هنا
نيران... خليت جنطتي وره وصعدت
زعيم.... شلونج ب المدرسه
نيران... زينه بس انت شتسوي هنا
زعيم.... عباس كلي اجي اخذج من المدرسه
نيران.... هاا بقينه ساكتين تقريبا خمس دقائق
زعيم... احمم نيران تتزوجيني
نيران.... شنو
زعيم.... شبيج طرشيتي جاي اكلج تتزوجيني
نيران..... شمعنى
زعيم.... شنو لي شمعنى
نيران.... شمعنى انا
زعيم.... لان انتي زلمه
نيران.... عززا طلعت تحب الولد
زعيم.... نجبي قصدي انتي ماتشبهين البنات
نيران.... شلون يعني وجهي مركب ب المكلوبي
زعيم.... بطلي هاي سوالف جاي احجي وياج صدك
نيران.... وانا هم احجي وياك صدك شلون اختلف
زعيم.... مو دلوعه ومايعه قويه وصلفه
نيران.... انا صلفه
زعيم.... اي كلش
وصلنا البيتنا
نيران... افتح الباب اريد جنطه
فتحلي الباب وخذت جنطتي
اريد ادخل وصاحني
زعيم... نيران
نيران... درت عليه بدون ماحجي
زعيم... هسه شكلتي
نيران... وانا ابتسم ماحب الضباط
زعيم.... هاا
نيران.... اي ودخلت
آلاء... هاا اجيتي
نيران....لا بعدني ب المدرسه
آلاء.... لو تبطلين هذا السانج جان زين
نيران.... شلون ابطله هذا غاث هواي ناس
نيران.... شلونج حبوبه
بيبيتي.... هلا ب بنيتي المعدله
نيران.... بس انتي تكولين معدله كلها تكول ام السان وصلفه
بيبيتي.... لا معدله طالعه على حبوبتج
نيران... راحتلج فدوه نيران والعشيره
وصعدت فوك وانا على درج يمه راح اموت من الجوع
الاء... بدلي وتعاي
نيران..... هوى
رحت صعدت الغرفتي نزعت عبايتي والحجاب ونزعت الصدريه انا البس بنطرون جوه الصدريه
بقيت ب القميص البنطرون ونزلت
آلاء... اشوفج مابدلتي
نيران.... جوعانه واذا بدلت بعد مابيه حيل انزل وراح انام خل اكل ع سريع واروح انام
آلاء... غير تنتضرين اخوانج وابوج هسه يجون
نيران.... اخذت الماعون وخليت بي تمن امي مسويه مركة باميه خطيره
خليت المركه ع تمن واكل وانا واكفه وبيدي الماعون
وطبعاً فتحت شعري لان طول اليوم مسدود ب الحجاب وهو طويل وانا واكفه ب المطبخ وجان يدخل زعيم
زعيم... بعد مانزلت ردت اروح بس عباس كال انتضرني عندي شغله وياك صفيت سيارتي ودخلت ب الحديقه جاي اخابر واشرب جكاره
وباب المطبخ مفتوح شفتها واكفه فاتحه شعرها
ولبسه بنطرون وقميص المدرسه نفسه اول مره
اشوفها هيج هيه تلبس عبايه راس وحجاب
وحتى من اروح لهم أو هيه تجيلنا تكون ملابسها واسعات طوال وشعرها ابد مو شايفه
هاي اول مره اشوفه طويل واسود واصل النهاية ضهرها
زعيم.... ع كيفج لا تغصين
نيران.... صدك غصيت مو من الاكل من شفته كدامي وانا بدون عبايه وحجاب
زعيم.... اسم الله شبيج ونطيتها ماي
نيران.... اخذت كلاص الماي وركض ع درج سويت
الدرج خطوتين ودخلت الغرفتي وسديت الباب
زعيم.... هههه شافتني وركصت فوك بس مو شعر ضيم
نيران.... بدلت ونمت كعدت العصر حضرت الجدول
وبعدين اذان صليت ونزلت جوه كلهم موجودين
باسم... هاا اليوم ماكو نار وينج
نيران.... والله حبيبي جيت تعبانه ونعسانه ونمت
باسم... نوم العوافي بنيتي
نيران.... بسته يعافيك يا احن واحسن اب بدنيا
هجران... اي طبعاً هاي الست نيران كل الدلل لها
باسم.... كلجن بناتي ونفس المعزه
افنان.... لا انا وحد معزتي غيركم
باسم... انتي اخر العنقود بت كلبي
إلاء... محد طلع عينهن غيرك وغير دللك
باسم.... اي جا شعندي غيرهن
نيران... طلعت حتى ادرس بس اكيد لازم اشوف تليفون اول
لكيت زعيم دازلي رساله هو صح حنى اولاد عم بس مابينه اتصال
زعيم.... سبحان رب العالمين
شعرج هذا لو عبايه
نيران... ادري بي هو بس سويت روحي غبيه
منو
زعيم ....عاشك
نيران... عاشك
زعيم... اي مو يكولون الحب من اول نضره
بس انا عاشك من اول شعره
نيران.... هههههه هاي شلون رهمتها
زعيم.... اصلا العشك شلون رهم وياي مادري
نيران.... يعني شلون
زعيم.... انتي كليلي شلون شعلتي بكلبي
نيران.... انا شعليه اسئل كلبك
زعيم.... هذا قلبي ابن سطعش كلب مابي فايده بعد
صار بسمج
نبران.... هذا كلب والقطعه ارض
زعيم.... الكتابه بعد ماتفيد خل اتصل
نيران.... لا اريد اروح ادرس
زعيم..... راح اتصل وعود لا تجاوبين
نيران.... واذا ماجاوبت شراح تسوي قابل
زعيم.... وحق هوعلي اجي واحجي وياج بنص بيتكم
كدام اهلج كلهم
نيران.... تخبلت
زعيم.... اي والله يا حيف ع زلم
نيران..... ههههه ليش
زعيم.... زلمه شطولني شعرضني شواربي
تارسات وجهي تسودني طفله مثلج
نيران... منو كلك انا طفله
زعيم.... اي والله عمي صدك منو كلي طفله
على ضيم لشفته مساع تصفين النسوان ع سرى
نيران...... يله راح اروح ادرس
زعيم.... احجي وياج بليل مفهوم
نيران..... بليل انا انام
زعيم... اي كلش عادي نامي حتى انا اجي وانام بصفج
نيران.... باي سديت التليفون هذا منين طلعلي ياربي
بقيت ادرس صاحولي ع العشه تعشيت و
صعدت اكمل دراسه
زعيم... حضرت ملابسي لان باجر من الفجر لازم اطلع عندي دوره ب  بغداد
سناء.... ها يمه حضرت أغراضك
زعيم... اي يمه حضرتهم
ماجد.... الله يوفقك يا ابني ونشوفك ب اعلى المراتب
زعيم... تسلم يابه بزودك ان شاءالله
سناء.... يله تعالوا تعاشوا
تعشيت وياه اهلي ورحت ع غرفتي
دزيت رساله نيران
زعيم.... خلصتي دراسه
نيران.... خلصت وحضرت الجدول ب جنطه
وحضرت ملابسي وكلشي احتاجه لان الصبح اكعد بقدرات قادر على دوام
واجتني رساله من زعيم
خلصتي دراسه
شفتها بس ماجاوبت خلي شوي هههه
زعيم.... شفتها فتحت الرسالة بس ماجاوبتني
تصلت عليها ماردت
زعيم...... نيران اذا هسه ماتصلتي عشر دقائق وتلكيني بغرفتج
نيران.... هذا مخبل يسويها
اتصلت عليه
نيران.... الووجاوبني وهو معصب لو بيده يطلع من تليفون
زعيم.... هاي شيسموها ب الخير تشوفين وماتردين
نيران.... ايسموها تمضيك حضرة الضابط
زعيم.... من حجت هيج بتسمت ع كلامها
زعيم... وليش بله تتمضيكن
نيران.... خصله غبيه بنسوان بعيد عنك
زعيم.... بس انا ردتج لا انتي تختلفين عن النسوان
نيران.... صحت بصوت شويه عالي ونبره حاده
لا تمضيك ولا شي بس ردت اضوجك هيج زين
زعيم.... زين بس مره ثانيه لا تعيدها
نيران.... ماوعدك
زعيم... هاا
نيران.... والله
زعيم.... نيران اريد احجي وياج بجديه شوي
نيران.... اسمع
زعيم.... شوفي عندي دوره مدتها اربع اشهر
وباجر الصبح انا طالع راح اعتبر هاي الفتره
فرصه حتى تفكرين ب علاقننا بشكل جدي
ومن ارجع اريد جوابج تمام
نيران.... تمام
زعيم.... يله تصبحين على خير
نيران.... وانت من اهله
يتبع....