نيران زعيم

البارت الخامس

زعيم.... ونعم بالله
نيران... جنت ب المطبخ بعد ماغسلت الماعين انا والبنات وصبينه جاي
اجا زعيم
زعيم.... نيران خلي موبايلي ع الشحن
نيران.... يعاملني ع انو خطيبته كدام لكل لا يستحي ولا يخاف
نيران.... تمام
اخذت التليفون حتى اشحنه ولكل البنات عيونهم عليه
مريم.... اكولج شنو بينهم هذول شفتي شلون صاحلها
من بين لكل
ساره..... الله اعلم ماتدرين شكو
نورس.... ماكو شي بس يحبها ويريدها ع سنة الله ورسوله ويجوز خطبها اليوم من ابوها كدام لكل
نيران.... جاي اخلي تليفون ع الشاحن وشفت اجته رساله
رنيم... وينك اليوم حب
نيران...هلا والله ضاليت اريد افتح التليفون شلون
ضاليت افكر شلون افتحه تذكرت مره سئلته
عن رمز وكال انتي معقوله يكون اسمي خل اجرب
صدك والله طلع صح
فتحته
ولكيت رسايل مو رساله
هلا والله حضرة الضابط يبيع براسي مثاليات
مشاي زعيم هيج صارت
هذا الحجي اخذتهن كلهن
وتصلت عليها
رنيم.... الوو
نيران.... هلا والله
لا تضوجين اني مو حبيبج بس انا خطيبته
لو ماكلج
بصراحه هو مشغول وتليفونه عندي من يفرغ اكوله
اتصلتي واذا اكو شي ضروري ابلغه بي تدللين
رنيم.... لا شكراً
نيران..... دللي
عفت التليفون ع شحن ورحت بدلت بسيطه زعيم انا
اعرف شلون ادويك
نيران.... هجران هذا تليفون زعيم من يسئل عليه انطيهيا
هجران.... وانتي ليش ماتنطينه له
نيران.... اريد ابدل
هجران.... تمام
زعيم.... هجران وينها نيران.. تليفوني يمها
هجران.... هذا هو خلته يمي وراحت تبدل
زعيم... شكراً
اخذت التليفون
ودزيتلها رساله
زعيم.... حسبي حسابج تصعدين وياي ب السياره
نيران.....ليش بله ماعندي اخوان لو شنو يعني
زعيم.... عندج بس راح تصعدين وياي وبدون حجي زايد
نيران.... نشوف
زعيم.... شبيها هاي تخبلت
نيران.... نشوف حضرت الضابط
نزلت جوه
عباس.... نيران انتي وهجران وافنان راح تصعدن وياه زعيم
نيران.... ليش يعني ماكو سيارات غير سيارته
عباس.... نيران صعدي وياه وعوفي الحجي الهواي
نيران.... ماشي اذا هيج رحت طوخت الحمره ويمكن خلصت العطر كله
نورس.... يله بنات زعيم ينتظرنا
ولج نيران شطالعه اليوم يمكن اخوي مايعرف يسوق
من يشوفج هههه
نيران.... وهذا المطلوب 😌
نورس..... ولج هو مسطور بدون العطر
نيران.... اكول وانا شدعوه حطيته حتى اسطره لا حتى احرك كلبه
صعدنا بسياره
نورس بصدر
وانا وهجران وافنان ورى
زعيم.... صعدت ويمكن سابحه ب العطر وخاله كيلوين حمره وهيه تدري اثنينهن اضوج منهن
نيران.... شفته عصب بس مايكدار يحجي وانا اكول بكلبي بعدك ماشفت شي اشوفك شلون تصير العصبيه
نورس....يمعود رايحين خطوبه مو عزه
خلينه اغنيه
شغلت
بارد واموت بدمك انت البارد انتفسك ياالجامد
احبك انت وغيرك ابد ماريد انت بس لي
يمه يمه لو هو لو اكطع بعد واحك كل واحد
مجنون من عنادك
حبي انا مدمن بيك اكثر واحدوكلبي عليه شاهد
وهو المراياه اصلا مادرها غير عليه
وانا عبالك مو شايفته
وصلنا البيت البنيه
نزلوا البنات
وانا هم اجيت ادخل
زعيم.... نيران
نيران.... نعم
زعيم.... بعدين حسابج وياي
نيران.....ههههه ليش منو حضرتك
ودخلت
زعيم..... لا هاي اكيد تخبلت ماشي نيران اشوفج منو حضرتي
نيران.... شفته عصب الدرجه يمكن اي شخص يصير كباله يتعارك وياه بس منا ناس مايكدار يسوي شي
بعد ماشفت شي اصبر
تمت الخطبه ولبسها النيشان وغنينه وركصنا
وخلصنا جنت طالعه شفت هيثم ابن خالي ب الباب
ولو اضوج منه وماطيقه بس هاي خوش فرصه
طلعت
هيثم.... شلونج نيران
نيران.... تمام انت شلونك اخبارك ليش ماتجينه مختفي
هيثم.... والله عندي شغل بس اذا تشتاقولي اجيلكم
نيران.... بكلبي يشتاقلك عزرائيل اي تعال نشتاقلك اكيد
هيثم.... ان شاءالله اكيد بس شنوهاي بنت عمتي شطالعه اليوم
نيران.... شكرا من ذوقك سمعت صوت زعيم من وراي
زعيم.... نيررران صعدي بسياره
نيران.... بعدهم ماطالعين شعندي صاعده يجان البنات واصعد
زعيم.... نيران لا تخليني افصل عليج بشارع الناس منا صعدي وتكفي شري
هيثم.... ع كيفك ماتدريد تصعد شنو الشغله اجباري
زعيم.... انت اطبك على صفحه لا والله اطير دعاميت وجهك
هيثم.... على أساس انا مشلول واخليك تضربني واسكت
نيران..... شفت السالف راح تكبر وناس منا عيب
صعدت بسياره
وهو صعد وراي
زعيم..... انتي تخبلتي شنو هاي تصرفات المكياج والعطر وهذا الساقط وطريقة كلامج
نيران..... سكتت ماجاوبت
زعيم..... شنو ماجاي احجي وياج
لو عاجبج الولد يتغزلون بيج ها وخله هذا المكياج حتى يكلولج حلوه
نيران.... احفظ لسانك احسن
زعيم.... حفظي نفسج اول
نيران... نفسي حفظتها كلش زين مو انت لي تعلمني شلون احافظ عليها
وبعدين انت ليش معصب ها
مثل ماانت بن عمي هوابن خالي ماكو فرق
زعيم.... هاا هيج صار ماكو فرق بيني وبيناه
نيران..... اي
جاي يحجي واجن البنات وصعدن
بسياره
وهو اخذ الطريق معصب ويسوك عبالك طياره مو سياره
نورس..... زعيم راح تدعمنه شنو سالفه
حاسه سياره طايره مو ماشيه
هنا خفف سرعه شوي بس بعده معصب ويتعارك وياه روحه وصلنا البيت نزلن البنات وانا زلت وطبكت باب السيارة حيل
زعيم.... راح تخبلني هاي شبيها ليش هيج تغيرت تصرفاتها الصبح ماجان بيها شي
شويه و
رنيم.... اسفه
زعيم.... على شنو
رنيم.... اليوم دزيتلك رساله واعتقد خطيبتك لي جاوبتني
زعيم.... شلون شوكت هاي
رنيم.... الضهر اتمنى ماصار وياك مشاكل بسببي
زعيم.... لا ابد ماكو شي
زعيم.... وانا اكول هاي البنيه ليش هيج مكلوبه
يله هسه هاي المطنكره شيراضيها
اتصلت عليها مااجاوب
زعيم.... نيررران جاوبي ع اتصال
نيران والله اجي هسه البيتكم
نيران اعرف ليش زعلانه جاوبي نحجي شوي
نيران.... مو زعلانه ومابينه حجي
وحتى لو جيت البيت مايهمني
زعيم.... نيران بطلي عناد وخل افهمج
نيران.... دزيتله المحادثات لي بينه وبين هاي البنيه
اعتقد كلشي فتهمت
اريد انام باجر وراي دوام
وقفلت تليفون ونمت
كعدت الصبح بدلت ورحت المدرسه
زعيم.... ماقبلت تحجي وياي وفوكاها شايفه كل المحادثه لي بيني وبين رنيم
وبعدين قفلت التليفون
نيران.....صباح الخير شلونج اليوم
ورود.... الحمدلله انتي شلونج الخطوبه شلونها تعاي سولفيلي
نيران.... ليش ماجيتي موعزمتج
ورود.... وهذا قاسم المعقد وين يرضه
نيران.... يبووو شكد مكروه شدعوه عليه
ورود.... انا دري بي توسلت وماقبل
نيران.... الله يساعدك عليه
ورود.... ولج شوفي مو هذا نفسه لولد الذاك اليوم رزلتي
نيران.... عوفي يولي امشي ندخل يله
دخلنا المدرسة ودومنا اليوم كله
وخلصنا وطلعت انتضر السايق بره
واجه هذا الحقير كبالي
رائد.... ما الله يهديج وتحبيني
نيران.... حبتك حيه ام راسين ليش ماتولي منا احس
بعدني مامكمله ماشفت شي تخله ع انفي
بعد ماحسيت ع شي
فتحت عيوني شفت نفسي مربوطه بغرفه قديمه
يتبع.....