نيران زعيم

البارت الثاني عشر

راح اسولفلك عليه وانت قيس
وين واصل بالعشق يا مستوى
مره جابوا صورتك وانه مريض
هيج كترت الدوه وشميت ايديك
اثاري بيك العافيه مو بدوه
زعيم.... فكري وانطني خبر
نيران..... اريد اجاوبه
وجه اخوي
نيران.... تفضل
يله نورس بعدين احجي وياج
عباس....ادري هاي مو نورس اخوها
بس اسمعيني كلش زين
نيران اذا موافقه تتزوجين زعيم انا بنفسي
راح اخذج وازوجج بيدي وهذا الشي لا عيب ولا حرام بس اذا تكولين انا اريد اهلي لازم يوافقون
فا انتي تعرفين هذا الشي مايصير ولا راح يوافقون
معناها تنسين زعيم وحتى لو اسمع حاجيه وياه ب الغلط راح يكون لي تصرف ثاني وياج
انا ساكت لان عندي ثقه بيج وب زعيم بس خلص
لازم تنتهي هاي السالفه واليوم قبل باجر
راح اتركج تفكرين
طلع اخوي
اتصلت ب زعيم
نيران.... الوو
زعيم.... منو اجه يحجي وياج
نيران.... عباس متفقين عليه لو شنو
كال نفس حجيك
زعيم...... لا بس هذا الشي لازم يصير من زمان
نيران..... موافقه
زعيم..... على شنو
نيران..... موافقه نتزوج
زعيم.... راح تزعل امج وجدي
نيران.... بعدين ترضه موافقه
زعيم.... راح تصير مشاكل
نيران..... مادام انت وياي نحلها سوه
زعيم..... مانتراجع بنص الطريق
نيران..... وياك الاخر يوم بعمري
زعيم.... اروح فدوه لكل دقيقه من عمرج
نيران.... تفداك نيران والعشيره
بس وامك هيه اهم ماموافقه
زعيم..... اي بس شنو قابل راح تضل زعلنه طول العمر يومين وترضه
نيران.... اصلا هيه ماتحبني
زعيم.... كل واحد بمكانه انتي بيتج وهيه بيتها مراح تشوفج وتشوفينها
نيران..... يعني شنو
زعيم.... يعني راح نسكن بيت وحدنا اصلا هو جاهز بس انتي تأ ثثي على ذوقج
نيران.... هاا طلعت مجهز كلشي
زعيم.... صار 12سنه احلم ب الحضه لي تكونين بيها مرتي وبيتي وان شاء الله راح تتحقق لازم قبل ماروح الدوام نمهر حتى من ارجع نحضر كلشي ونتزوج
نيران.... تمام
زعيم.... خل اشوف اخوج واتفق وياه وبعدين نحجي
زعيم.... الوو ابشر عضيدي شنو الأخبار مااخذت الموافقه من أختك
عباس..... ليش ماخذتها انت
زعيم.... انا
عباس..... اي شنو ولك عبالك مادري بيك تحجي وياها لو شنو اذا خالك على راحتك معبالك مادري
شنو جاي يصير
زعيم..... شنو يصير يعني
عباس.... لك شنو عبالك صرت عميد من فراغ اعرف كلشي بس مطنش بمزاجي
زعيم.... وهسه شنو
عباس.... باجر العصر اجيبها ونروح السيد نعقد الكم
زعيم..... تمام بيها الخير
عباس.... نيران حضري روحج باجر نروح نعقدلج عد السيد
نيران..... وامي والباقي
عباس..... من نخلص شغلنا نكللها منريد نروح وحنى مغثوثين
صار ثاني يوم وصار العصر بدلت واجه عباس ياخذني
امي.... وين رايحين
عباس.... عندي شغله وياه نيران شويه ونرجع
امي.... بس جاينا خطار ونيران لازم تكون موجوده
عباس.... مانتخر شويه ورتجعين تلحك على الاخطار
امي.... هسه حبكت شغلتكم يله بس لا تتاخرون
عباس... لا مانتاخر
طلعنا ولكينه زعيم ب الطريق
ومهرنه رغم جنت فرحانه وأخيراً تزوجت الإنسان لي احبه بس جانت اكو غصه بقلبي لان امي ومو وياي مثل كل البنات شبكت عباس وصرت مو بس ابجي اشهك
وعباس وزعيم ياحولون يهدوني
عباس.... يمعوده هسه شيكولون غاصبيج على هذا الزواج بعدين واراج مشوار طويل لازم تكونين قويه مثل ماعرفج دائماً
زعيم.....اليوم لازم تفرحين شكو هاي الدموع بعد وكت عليهم هسه صحنه حلال روح البيتكم وبعدين ابجي
هههه
يله خطيبتي تعاي نروح
عباس.... وين اوكف ابو خطيبتي اختي هيه ترى واجت وياي تروح وياي
زعيم.... اي بس هسه صارت مرتي وتروح وياي
عباس.... لا بله وين تروح وياك اجت وياي تروح وياي وانت بكبر راح تجي وياي هم
نروح كلنا سوه
زعيم..... راح احترامك اليوم لان زوجتني اختك
عباس.... وانت الممنون
زعيم.... ماشي هاي الخاطر اختك لي صارت مرتي
عباس.... يله كافي ترى زودتها
زعيم... تعالي مرتي نكعد ورى انا وياج
عباس..... تنطمر انت وتصعد يمي بصدر
زعيم..... لك انت شعندك راكض وراي
عباس.... تعال اركب وسد حلكك يله
زعيم.... يله ماحجي وياك اليوم عمود اختك
نيران.... شبيكم تتعاركون جنكم شرايج
صعدنا بسياره
عباس اكو واحد يتزوج بلاش حتى حلقه ماجبت الاختي
زعيم....شوف هذا يا بلاش مهرها بيت ويكلي بلاش
وبعدين اختك مو مال ذهب اجيبلها الماس
عباس.... نبيتك لا تضل تتفخفخ علينه
زعيم..... مو مصدك هسه البسها كدامك
عباس .... مو جايبها من حاجه الف وتكول الماس
زعيم.... وسفه ولك انا زعيم كول وفعل
عباس... كلش
زعيم.... عبالك مثلك ماتجيب المرتك حتى ذهب
نيران.... رنا كافي عليها برازيلي
عباس.... ههههه انتي ليش ماتجوزين منها
نيران.... هيه ماتجوز مني
وصلنا البيت بعد مادخلت امي تلكتني انتوا وين جنتوا تاخرتوا مو كتلكم عدنا خطار
عباس .... اجينه بعدين الأخطار شله علاقه ب نيران
البيت كله موجود
امي.... مو غير جاي يشوفون نيران
زعيم.... يشوفونها عمود شنو
امي.... يمه البنيه مو نصيبك خليها تشوف حالها وانت هم شوف حالك
زعيم.... ماتطلع ولا يشوفونها
هاي مرتي وماقبل احد يشوفها
نيران جنت اريد اروح
لازمني من ايدي
زعيم.... انتي وين رايحه وحق الكفل زينب
اذا طلعين ماراح يصير خير صعدي الغرفتج
امي.... انت بيا حق كاعد تامر وتنهي بكيفك
زعيم .... بحق هيه مرتي وممنوع تطلع الاحد واذا مو مصدكه اسئلي اخوها
امي.... هذا جاي يخربط وانت واكف وساكت
عباس.... يحجي الحقيقة هيه مرته
امي.... مرته بدون علمي موافقتي
عباس.... انتي ماراح توافقين لو بعد قرن
وهذا الشي جان لازم يصير
امي..... مولازم يصير بس سوتوا غصب عني
جا خوش انا اعلمكم
وانتي نيران تفضلين ابن اشواق على اهلج
بس خلووو بروحون ناس وانا اعرف شلون
اتصرف وياكم
راحت امي الناس
عباس.... بدات الحرب العالمية الثالثة ههههه
زعيم.... انا مستعد
نيران... انا خايفه
زعيم.... تخافين وانا موجود والله اي شخص يحجي وياج كلمه اخذج واروح شنو يردون يسون بعد
عباس.... طول بالك ماتنحل هيج اهم شي خلص والباقي سهل
كل البيت دره ب موضوعنا
هجران .....مبروووك وأخيراً
نيران..... الله يبارك بيج
افنان.... مبروك حبيبتي
نيران.... الله يبارك بيج
رنا.... سويتيها ست نيران ماتفاجئت من تصرفج
دومج صلفه وتصرفاتج من راسج
نيران.... يله وتكلولي شبيج وياها
عباس.... انتي اسكتي ماتصرفت من راسها انا زوجتها بيدي وبموافقتي
جاي يحجي واجه جدي
جدي.... وبدون علمي موافقتي
عباس.... اعذرني حجي بس جان لازم هذا شي يصير
انت ماترضى وهيه ماترضه تتزوج غيره وهو ماراح يقبل نزوجها لغيره أو يتزوج غيرها وهذا الموضوع موجديد صارله 12سنه كافي لازم ينتهي وانا نهيته اليوم
جدي.... مادام اختاريتوا طلعون عن كلامي معناها
انتوا ميتين بنسبه لي
انتي هنا المدة شهرين حتى ماينكسر وجهي كدام ناس تتزوجين وطلعين منا وبعدها ماعرفج ولا تعرفيني واي شخص يتعاطه وياج أو وياه هم ماعرفه مفهوم كلامي
يتبع.....