نيران زعيم

البارت الرابع

حبيت بخت بعناد كل شهوه
وابد مادورت عزت نفس وياك
وانا وكلشي بيه نروحلك فدوه

زعيم .... نمت وكعدت بليل
اخذت التليفون
وتصلت عليها ماترد تموتني من اتصل وما جاوبني
دزيتلها رساله
انتي وين
ليش ماجاوبين
شكو عندج تليفون اذا واحد يتصل ماجاوبين
نيران.... اجيت لكيته حارك تليفون
اتصلت
نيران... الوو
زعيم.... وين جنتي وليش هيج تتنفسين وتعبانه
نيران... جنت جوه لعب طوبه وياه جهال اخوي
زعيم..... يونس محمود الله يخليج
نيران.... زيدان زيد الدين زيدان
زعيم .... ماشاء الله
اكلج صدك هاي شوكت ديتي على ايدج
نيران... شنو منو كلك هيج
زعيم... انا شفتها على يدج
نيران.... ههههه هاي مو دكه هاي مخلفات حرب
زعيم.... هههه اي شنو نوب
نيران.... من جنت ب الرابع ابتدائي تعاركت وياه صديقتي وظربتها وهيه لان ماتكدار تحجي وياي
خلت المعلمه تشرح ودخلت سلاية القلم بيدي وبقت
بيدي وصارت هيج وماكلت الاحد عنها حتى مايكولون نيران جبانه
زعيم..... وتحملتي ألم
نيران... يس يس 😁
زعيم... يعني شلون طفله كدارتي تتحملين
نيران.... انا نيران موجبانه
زعيم لا بويه انتي قويه
ينخاف منج انتي هههه
نيران.... شعبالك جا اكيد انا قويه 😌😂
زعيم.... بعد حيلي ام شوارب
نيران... ههههه بعد انت ردتها من الله على الله
زعيم.... اكو بنيه تحجي هيج ولج
نيران...اكو انا
زعيم .... هنيالي والله جعفوري
نيران.... مو جعفوري بس انا استثناء
هجران.... نيران وينج لحكي
نيران... خير صاير
هجران... ابو بريص بالحمام وانا اريد اسبح صار ساعه مايقبل يطلع
نيران...واتوسلتي بي لو لا😂
هجران.... هسه يله تعاي
زعيم...يله روحي المنقذة
نيران... يله رايحه
زعيم
نزلت لكيت امي وابوي ونورس كاعدين
زعيم....شلونك يابه
هشام... الحمد لله انت شلونك اخبارك
زعيم.... الحمدلله
نورس.... هلا والله مشتاقين
زعيم.... وحنى أكثر شلونج اخبارج
نورس .... تمام وانته
زعيم... الحمد الله
زعيم.... مادام الكل موجود اريد اكلكم
اريد اتزوج
اشواق...لا اخطبلك ست البنات
هشام...لو شايفلك بغداديه
زعيم....لا مو بغدادية وست البنات هم
هشام....يعني بالك وحده
زعيم ... اي وتعرفونها
هشام.... منو
زعيم.... نيران
هشام.... بت عمك
زعيم.... يعني شكم نيران تعرفون
اشواق.... وهسه انت عفت بنات الدنيا كلها
مالكيت غير نيران
زعيم.... ليش شبيها نيران
اشواق.... جنها قلم جاف مخلص
مرتك لازم تكون طول بسمن
انت وهاي تطلع رقم عشره
زعيم..... عاجبتني
هشام... ابني ليش ماتخلي امك تشوفلك وحده
احسن
زعيم.... استغربت من ردت فعله اهلي
وب الخاص ابوي
زعيم..... ياجماعه شنو الموضوع ليش نيران شنو بيها
انتوا تعرفون شي انا ماعرفه
سامعين شي ليش هيج تحجون
هشام.... شسامعين يعني بس لبنيه ماتصيرلك
زعيم.... ليش يعني
زعيم موقف ابوي ماعجبني مع انو هيه بنت اخو يعني المفروض يفرح يكول البنيه ماتصيرلك وخله وكام
نورس.... يمعود قابل شبيها بنت عمك وكل العشيره تعرفها بمئة رجال منو يكدار يحجي عليها
واذا ع كلام امي فا تريد تزوجك بنت اختها حنان
وهيه وجها مابي ذرة حنان
وابوي اذا ماوكف وياها امك ماتنيمه اليوم ب الغرفه
ههههه
تزوجها خويه أصلا البيت يصير ب أمان
زعيم.... شلون
نورس... مايبقى ب البيت لا ابو بريص ولا صراصير
زعيم....هاي مو مره مبيد حشرات
نورس....ههههه
اشواق.... قرة عينك هاي لي تريد تتزوجها
زعيم....يمه شبيج نتشاقه نيران وين اكو منها
اشواق.... ليش بله شبيها
زعيم.... انتي شايفه شعرها
شايفه عيونها يشعلن ب الكلب نيران
اشواق.... وانته وين شايف شعرها
هاا شنو بينك وبينها
زعيم.... مابينه غير كل خير وخل اكلكم لو نيران لو ما تزوج
بعد شكم يوم صار خطوبة اخوها حسين
نيران.... حسين يخطب وحنى نبتلي
الخطوبه العصر شكو من الصبح الكل هنا
هجران.... قبل جديده يعني حنى متعودين
هيج
افنان.... يله امي تكول خلصن بسرعه
هجران.... انا ماعليه نيران جاي تطبخ
نيران.... كلشي جاهز بس شوية تحضيرات
زعيم.... اليوم خطوبة حسين ولكل موجودين
هاي فرصتي احجي بموضوع خطوبتنه حتى لو لكل ماراضي
عباس...... زعيم بدون امر شوف البنات خلصوا الغده
ب المطبخ
زعيم.... تدللل يا امر أصلا انا جنت ادور حجه حتى
اشوفها
نيران.... جنت ب المطبخ ودخل زعيم لبس
دشداشه ولف على رأسه جراويه
اول مره اشوفه لبس دشداشة

ليكلك مو حلو يتعاند وياك فدوه يروحلك غيران يحسد
لكره الأرضية كلها بعينك دور
واذا تخزر نثايه وزلم تشرد
اما الشفايف ماكو تعليق مخلوقات يمكن من زمرد
والحجي بيناتنا دربالك تنام تغمض وينباكن اكعد
انا عندي يقين بهاي ماكول الجمال بنفسه اذا شافاك يسجد
اصابيعك سنابل قمح ترفات وشرط بس بشفايف لمن نحصد
من تلبس المحبس وياه العكال يذبون العكل وروس تلبد على كيفك الهي وياي مو هيج
من دم والحم مو حقي افقد
قبل يوسف اجاهه وقدت الثوب شكولن
انا وجفوفي شدقد وكفر شيطانها وازاها ع الثوب
انا لا شيطاني من كاعه ملحد
سمره ودمي حار والباقي مفهوم ماحتاجه وضح تدري شقصد
ضليت صافنه بي
زعيم .... خلص الغده
نيران.... هاا
زعيم.... شبيج الغده
نيران.... كلش حلوو
زعيم.... هههه ادري حلوو
ولج شهرتينه خواتج
نيران.... الغده صار حلوو ويخبل
زعيم.... يعني جاهز
نيران.... جاهز وعود شوف تليفون
زعيم.... تمام
شفت تليفون كاتبه قصيده
زعيم.... شنو هاي صايره شاعره
نيران.... من زمان بس ماكايله الاحد 😂😂
زعيم.... زين لا تكولين حتى تكتبين بس لي
نيران.... هههه حاضر باشا
زعيم.... يروحج فدوه
هجران... عوفي التليفون هسه تجي امي وتخبصنه
نيران.... عليمن تخبصنه خلصنا وكلشي جاهز
نورس.... تحجاجون اساعدكم بشي
نيران.... مشكوره خلصنا والله لوتيه انتي
هسه يله اجيتي من خلصنا
نورس.... اي هههه على كيفج وياي مرت اخوي
لكل ضال صافن وحتى انا
نيران.... مرت اخوج
نورس.... اي زعيم كل ل امي وابوي يريدج ومايريد غيرج ويمكن اليوم يحجي وياهم عمودج
نيران.... بعد ماعرفت شحجي بقيت ساكته
صبينه الغده
زعيم... تغدينه وكاعدين لكل جدي وابوي وعمامي والدهم
زعيم.... جدي مادام لكل موجود اريد احجي وياكم
جدي.... كول ابني
زعيم.... حجي اريد تتزوح واريدك تخطبلي
جدي.... اي انت بس كول وانا اروح اخطبلك ياها
زعيم.... لا تروح ولا تجي اهل البنيه موجودين هنا
هشام.... زعيم مو كلنا عوف الموضوع
جدي.... شكو ليش يعوف الموضوع الولد مو زغير
خلي يتزوج ويستقر
كول ابني زعيم منو هاي البنيه
زعيم.... نيران
جدي.... نيران
زعيم.... اي حجي نيران بنت عمي
جدي.... هسه موكت الحجي خل نخلص من خطوبة حسين
وبعدين الله كريم
زعيم.... ونعم بالله
يتبع.....