Mi did affi spend ova 2 week inna hospital an eh frustrate mi yuh fuck . Mi nuh like hospital , dem place yah just depressing an full a sick people an mek yuh feel like yuh nah nuh hope an most people weh come yah nuh leg unless inna wah hearse . Eh only thing weh nuh mek mi loose mi mind a Jada cause she come look fi mi at least three time a week but,Tanya mek eh difficult cause every minute she hitch up a mi bedside an nuh matta how much mi tell har fi just gwaan cause mi good now she still come everyday and she mek it obvious to mi seh she nuh like Jada but, if a one thing mi know as soon as mi fawod out a this eh fus thing mi agub deal wid a she . She need fi know har place an know seh mi nah guh back inna nuhun wid har an afta that mi aguh find eh pussyhole weh try kill mi an show him why him shoulda mek sure seh mi dead cause when mi done eh whole family a feel eh dung to eh baby .
" Andre " Adrian seh as him come inna mi room wid Jada back a him , thank god seh Tanya nuh come todeh, hopefully she finally a get eh message inna har head .
" wah gwaan? " mi ask him then smile when mi si Jada . As always muma did look well put together and sexy inna har work clothes, affi rate har fi real . She return eh smile but, then she and Adrian get serious and mi look between eh two a dem as mi wonda a wah gwaan mek dem look suh grimy.
" eh police aguh wah ask yuh some questions before yuh get release tomorrow suh dem aguh come in this evening. Nah guh lie Sinna dis nuh look good pon yuh carrer at all , social media a spread one bagga news and everybody a wonda a wah yuh coulda do fi dis happen. Of course as yuh manager and producer mi a do weh mi cah do fi mek sure seh nuh false information nuh spread fi damage yuh reputation but, fi tell eh truth mi know seh sumuh deh yah suh weh yuh nah tell mi or nuhbody else an mi nah guh dig inna yuh life cause dat anuh my business but, yuh almost loose yuh life just memba dat an eh smaddy weh target yuh might fawod back fi finish weh him start" Adrian seh an then Jada talk
" please Mr.Willson... " She start but, mi stop har " yow nuh bada wid that cause yuh done know wi pass dat long time suh call mi by mi name an stop wid eh fuckry"
" okay then Andre ,yuh need fi tell wi wah happen suh wi cah help . As Adrian seh a your personal life an wi nah guh dip inna it but,yuh almost dead ! Dead ! Yuh body coulda deh pon ice yah now an yuh woulda deh pon gleaner front page and TVJ news seh dem a mourn yuh " an mi feel mi head chip instantly cause mi wah know a who she a talk to suh but, before mi coulda seh nuhun she continue
" look am sorry for speaking to you that way because am just your employee but, please Andre you could have died and nobody would know why . Just please corporate with the police an allow them to..."but, mi laugh and Adrian kiss him teeth.
" yuh nuh know how fi live inna eh world enuh Jada . Mi done tell yuh seh mi will deal wid it pon mi owna terms an yah come tell mi bout corporate wid dutty corrupt police
bowy . Dem pussyhole deh nuh care if yuh live or dead , memba a Jamaica this , yuh life nah nuh value unless yuh important or have bagga money and that even worse cause people a kill man fi weh dem have . Just mek mi deal wid this an yuh just do weh yah get pay fah"
" ah deal wid it , just mek sure seh yuh still have yuh carreer when yuh done " Adrian seh an him lef eh room .
" suh wah yah wait pon ? "
" yuh really nah tek this serious . Eh fact seh yuh know yuh coulda dead nuh mean nuhun to yuh? an eh wouldn't suh bad if yuh did at least guh somewhere else when yuh did a dead enuh but, no yuh choose fi come drop dung pon fi mi step an mek mi si all a that. Yuh think that did a wah easy sumuh fi mi deal wid ? fi si suh much blood an... fi get reminded bout eh sed way...." but, she stop an mi frown when mi si har eye dem full up a wata as she try fi nuh cry.
" j..."
" no Andre , from now on mi aguh do as yuh just seh . Am going to do the work yuh pay mi fi do , deal wid this however yuh want just do mek eh few people dem weh care bout yuh feel guilty bout any a this " and then she lef . Eh police come inna eh evening an mi just tell dem wah gwaan but, anuh like a nuh mek up story mi a gi dem cause me mislef deveen know a who shot mi but, mi know seh eh link to eh business weh mi a run wid eh gun and weed but, anuh like mi cah tell dem that. Dem tell mi seh dem aguh work pon it an inna eh meantime if mi think bout nuh reason as to why or who shot mi mi fi mek dem know like seh mi a ediat , nah mek nuh pussyhole guh sidung inna prison an nyam nuh three meal a day.
Eh next day mi get relase an since eh doctor dem recommend seh mi tek at least one more week a rest before mi drive or do any form a rigorous activity mi breggin Oshane come fi mi .
" bredd a true yuh deeven know how dis hurt mi dawg . When mi get eh call frah Adrian an him a tell mi bout how yuh get shot an him nuh know if yah guh live best believe seh mi swear to god seh if yuh dead smaddy an dem whole family aguh pay . Just glad suh yuh mek it bredda , eh whole a wi frighten yuh fuck cause yuh did just lef eh hotel deveen wah good 10 minutes an all a dat gwaan just sudden suh"
" eh good man , aguh deal wid it " mi seh
" wait , yuh know a who ? just seh eh word enuh an ..."
" breeda relax, mek mi deal wid this "
" ah anything yuh wah "
Once mi reach in , mi did just come out a eh shower when mi get wah message frah Jada weh she a mek mi know seh some news channels wah do some interviews wid mi bout wah gwaan an Brandy a mek mi know seh she aguh do eh music video wid smaddy else and she sorry fi hear wah gwaan . Mi reply an mek she know seh mi doh wah do nuh interview an in regards to Brandy fi mek she know seh mi get release now suh mi cah still do eh music video .
As mi done put on mi clothes mi hear mi doorbell ring an mi open eh door fi si Shanique wid wah KFC bag inna hand dem .
She push pass mi and walk guh inna eh kitchen an mi lock eh door an falla har .
" yuh look much betta , stronger to"
" mi did just about fi cut ..."
" no , yuh know yuh must listen sometimes. Eh doctor dem tell yuh seh yuh must tek it easy at least fi one more week an eh fly through yuh ears dem . Yuh eat from morning? Come eat sumuh and then we can discuss how your career going to go moving forward " she seh as she put dung eh KFC bag pon eh counter and eh smell a eh food mek mi start reconsider .
" ah but, mi aguh lef afta this . Mi have sumuh fi deal wid "
" yuh aguh tek taxi? or yuh nuh look inna yuh garage yet?" She laugh as she open one a eh box a KFC and pick up wah fry .
" wah yah talk bout? Yow unu try nuh fuck wid mi medz , mi car dem betta inna dat fuck weh mi lef dem"
" okay" she seh as she shrugged and continue fi eat , a swear sometime mi feell like fi fiya dah mad gyal yah enuh but, mi know mi nah guh find nuhbody like har an that mek eh hard . Swear Adrian know how fi hiya people weh aguh piss mi off but, she do har job good an mi know she know that but, mi doh like har ways dem and mi know seh she mek mi car dem gone from mi garage .
She look up pon mi
" yah come eat or what? And also I need to know why I had to convince Jada not to send in her resignation letter last night because mi mind a tell mi seh yuh have something fi di with it "
" resignation letter? A wah the fuck really gwaan ? Suh why she neva send it? Hear wah mi a seh, mek mi get back mi car dem inna mi garage an yuh just gwaan guh do weh yuh fi do cause mi really nuh have eh time fi nuh fuckry right now Shanique "
" okay , Mr.Willson " she seh and just like that she tek up har phone and fi har box a KFC " I will call and have your cars back in your garage " . As soon as she lef mi tek out mi phone an call Sanjay
" yow mi wah yuh fi check sumuh fi mi "
YOU ARE READING
THE JAMAICAN ARTISE PA
RomanceJada Campbell works as the PA for Andre Wilson a popular jamaican artise that goes by the stage name Sinna . Jada is determine to focus strictly on her job and it should be easy as Andre himself makes it clear from the get go that he doesn't do rela...
