THE JAMAICAN ARTISE PA

Andre POV:

" which dress yuh think yuh think look better, the black or the red ?" Jada ask as she hold up eh two dress dem and mi paused weh mi did a do pon mi phone as mi focus pon har .

Mi did actually have something in store fi har even though she definitely nah expect wah mi plan fi do .

" black one " an mi watch as she study the black dress before she finally agree and guh back to finish getting ready . Inna eh meantime mi check eh news online an si seh dem put out missing person report fi Sanjay an mi know a must him mada or him sista file eh report cause dem him closest to . Dem cah gwaan search an ask bagga question because weh fi him body deh , unless dem call pon him duppy dem nah guh find it .

" soooo..... " jada voice mek mi look up from the phone again an mi stare pon har , what a woman pretty .

" how do I look ?" She smile as she wait pon mi response an mi stand up an pull har against mi as mi hold har by har waist.

" pretty, beautiful, sexy an mine " an she blush .

" close yuh eyes " mi seh and she frowned " why?"

" just dweet " and once she close dem mi guh fi eh bonquet a flowers weh mi did have delivered earlier inna the day

" open dem " an mi watch as she hold the flowers an then she start cry .

" wait a wah , yuh nuh like dem or yuh allergic?"

" no ediot, they are beautiful. A just the fact seh nobody neva buy mi flowers before or even put out the amount a effort you a put out fi mek this work . I really appreciate everything you are doing Andre "

" this a the least , eh bare minimum . Jada yuh deserve eh world an mi aguh show yuh that, right now eh betta every man pack den things an lif up cause eh world a yours suh dem affi guh find somwheh else fi guh"

" but, here yah" she seh as she laugh an using har thumb she wipe mi lips

" lipstick "

" nah nuh problem wid it . Memba seh mi did have yuh pussy juice pon ..."

" and on that note we should go" she seh as she hold mi arm an mi smile , anuh lie though, she cum pon mi mouth a ready suh wah if har lipstick deh pon it ?

Eh restaurant weh wi guh mi did book eh whole rooftop section fi we alone and afta wi tell eh waitress wah wi need fi drink an she lef , Jada reach across eh table and start play wid mi fingers .

" you know I haven't been able to stop thinking how mummy aguh react when mi tell har about us "

" mummy a killa man , she aguh gov . She wah yuh fi find wah good man weh cah tek care har daughter an mek sure seh she secure inna every way an God ansa har prayers an sen mi "

She smile " well you already meet har an mi sista well not as my boyfriend but, at least they know you already an from what mi si mummy like you a
Cause anuh everybody she prepare big plate a Sunday dinner for "

" a just eh charm an eh looks " mi seh as mi laugh an she roll har eye dem and then she turn serious

" mi nuh tell yuh bout mi fada an I think you should know about him or at least what happened " . Mi massage eh back har hand
" yuh nuh affi mention nuhun if yuh nuh ready " but, she shake har head

"No , trust is important an in ordah fi wi trust each other wi have to talk about the good an the bad inna both a wi life, no secrets cause mi doh like secrets Andre "

She tek wah deep breath

" my dad and my mom were married for 6 years and when mi did inna grade 7 a high-school dem start have issues. Mummy think him did a cheat an it cause dem fi drift appart. Long story short one night dem did have wah really bad argument to the point weh mummy tell him seh him fi guh look fi him other woman and she hope eh other woman gi him disease. Him lef eh house inna the night an mi stay up almost half eh night a wait pon him fi come back until mi eventually get tired an drop asleep" she paused as the waitress returned wid wi drinks and wait until she full up wi glasses then lef again .