كرستين/ هو سبب حلو بس بابا وقتها مش بعيد ينزل مخصوص عشاني وممكن يخلي الحرس بتوعه هنا يبقوا معايا باستمرار وانا مش حابه كدا
انا/ هو دا وقت حابه ولا مش حابه... بصي معتقدش ان ف سبب اكتر من دا يخلي ابوكي يحل الحوار بتاعي... دا انا انقذت بنته
كرستين/ طيب استني انا هكلم بابا ونشوف رده اي ووقتها هنعرف اي اللي هيحصل
انا/ تمام.. ي مسهل
طلعت كرستين فونها ورنت عل بباها بس ماماتها اللي ردت عليها اسمها (ماري)
كرستين/ هالو ماما عامله اي ي قمري
ماري/ بخير ي حبيبتي انتي عامله اي
كرستين/ انا كويسه جدا و بابا اخباره اي
ماري/ بابا كويس لسه راجع من المكتب من شويه... انتي مش سهرانه مع صحابك لي
كرستين/ قاعده ف الفيلا لسه صاحيه من شويه
ماري/ مالك ي حبيبتي تعبانه ولا فيكي اي
كرستين/ مفيش حاجه ي ماما انا كويسه بس عندي مشكله صغيره كنت عايزه بابا يساعدني فيها
ماري/ مشكلة!! حصلك اي ي كرستين
كرستين/ المشكله متخصنيش انا ي ماما.. دي تخص واحد صاحبي بس عزيز عليا اوي
ماري/ قولي ي حبيبتي مشكلة اي دي
كرستين/ بصي ي ماما دا صاحبي اسمه شهاب اعرفه بقالي سنه دلوقت... كنت ف يوم سهرانه مع صحابي ف كافيه وتعبت وانا معاهم فقولت اروح الفيلا انام من التعب وانا ف الطريق طلع عليا 2 بلطجيه عايزين ياخدوا فلوسي والفون بتاعي وشهاب دا كان معدي من جمبي بالصدفه بعربيته ولما لقي عربيه مركونه ع الطريق و سمع صوتي بعيط نزل يشوف ف اي ولما لقاهم بلطجيه اتخانق معاهم ضربهم بس يومها واحد منهم خبطه بسكينه واتعور ومن يومها وهو صاحبي اوي وهو دلوقت عنده مشكله مع شاب وممكن بسببها ابو الشاب دا يدخله السجن ع اتخانق مع ابنه ويقفله الكافيه بتاعه كمان وانا عايزه اقول لبابا لو يعرف يساعده لانه عزيز عليا وكمان وقف جمبي ف يوم البلطجيه واتعور بسببي وهو مكنش يعرفني اصلا
ماري/ بقي كدا ي كرستين يحصل معاكي كل دا ومتحكيش ليا حاجه
كرستين/ ي ماما انا محبيتش اقول ليكي ع متقلقيش وكمان ع بابا هيصمم انه يخلي معايا جاردات وانا مبحبش كدا يا اما هيخليني اسافر ليكم وانا بحب مصر ومش عايزه اسافر
ماري/ بس كنتي تقوليلي بردو انا امك ولازم ابقي مطمنه عليكي وانا دلوقت بقيت قلقانه يتكرر معاكي الموقف دا تاني
كرستين/ ي ماما الي حصل دا بقاله سنه ومتكررش من يومها... المهم عندي دلوقت اني احاول اساعد شهاب ف الازمه بتاعته
ماري/ طيب اقفلي دلوقت وانا هتكلم مع بابا وهخليه يحاول يتكلم مع حد من صحابه ف مصر يخلص المشكله دي
كرستين/ تسلميلي ي قمر انتي
ماري/ واضح ان شهاب دا مش صاحبك بس
كرستين/ لا لا صاحبي بس بعزه اوي
ماري/ طيب ي حبيبتي **** يفرحك... انا هتكلم مع بابا لما يخرج من الحمام وهخليه يكلمك تاني
كرستين/ ميرسي ي قمر... مستنياكي اهو.. باي
خلصت كرستين المكالمه وقفلت مع مامتها
انا/ تصدقي تنفع تدخلي التمثيل جدا
كرستين/ عجبتك يعني هههههه
انا/ جدا جدا بس لسه بقي نشوف سيادة السفير هيكون رده اي لما مامتك تتكلم معاه
كرستين/ متقلقش بابا مبيرفضش طلب ليا وكمان مش بعيد يعملك تمثال بسبب انك انقذت بنته ههه
انا/ ي مسهل مهو الموضوع دا لازم يتحل النهارده
كرستين/ متقلقش ي شهاب بابا له صحاب كتير هنا ف مصر وكلهم ناس تقيله يعني الراجل دا ميقدرش يقف قدامهم اصلا ومتنساش ان بابا سفير وله علاقات ف الحكومه هنا
انا/ فاهم كدا كويس... محدش هيقف قدام الراجل دا ويسكته غير واحد اتقل منه لانه شايف نفسه وعضو مجلس شعب وحصانه والجو دا
كرستين/ هتتحل متقلقش... بس يبقي ليا عندك هديه بقي مليش دعوه هههه
انا/ ي ستي بس الموضوع يخلص والراجل دا يفكه مني وانا هعملك كل اللي نفسك فيه
