انا/ كرستين اي رأيك نخرج نتعشي برا
كرستين/ موافقه جدا... وانا اللي هعزمك كمان
انا/ لا طبعا العزومه المره دي عندي
كرستين/ ي عم احنا الاتنين واحد ولا انت عايز ترد اللي بابا عمله معاك من شويه وتبقي دي قصاد دي
انا/ لا مش كدا خالص بس كنت قايلك ان ليكي عزومه
كرستين/ خلاص المره دي اعزمني والمره الجايه انا هعزمك بس هنطلب اكل من بره وناكل هنا
انا/ خلاص ي عم مش فارقه وقتها اعملي اللي يريحك
كرستين/ خلاص اتفقنا
انا/ اشطا ي مزه.. يلا بينا ولما نخلص عشا نبقي نروح ع الكافيه
خرجت انا وكرستين ركبت عربيتها وهي جمبي وروحنا لمطعم كويس اتعشينا وظبطنا الدنيا وبعد كدا اتصلت ب اشرف قولتله يفتح الكافيه واتحركنا من المطعم انا وكرستين وصلنا الكافيه اول ما وصلت دخلت الكافيه لاقيت البنات قاعدين جوا يرغوا ويضحكوا دخلت عليهم وكرستين معايا لاقيتهم سكتوا وركزوا معانا
انا/ ازيكم ي بنات
دينا/ انت فين ي عم من بدري وعامل مشاكل لي
انا/ انا مبعملش مشاكل ي دينا بس اللي بييجي عليا بحط عليه وعل اهله بالجامد اوي
نسرين/ بصراحه انا شوفت كمية الناس والعربيات اللي كانت جايالك دي قولت هتموت بس طلعت اسد ههه
نهاد/ مش تعرفنا طيب باللي معاك
انا/ دي كرستين.. بباها هو الراجل المحترم اللي طلعني من الحوار دا وقالي لو حد لمسني هيتنفخ... خدوا بالكوا بقي وانتو بتتعاملوا مع كرستين لا تزعل منكم وتقول لباباها يبعتكم جهنم ههههه
كرستين/ لا لا شهاب بيهزر ي بنات خدوا راحتكم ف الهزار وانا بحب اتعامل مع الناس ومش بدخل بابا ف اي مشكله تخصني ولو تسمحولي طبعا ابقي من شلتكم
دينا/ نسمحلك اي بس.. انتي خلاص بقيتي من الشله وليكي مكان معانا دايما.. دا انتي االي انقذتي المفتري دا
كرستين/ لا مفتري ولا حاجه وبعدين انا برد جميل له عندي هو قبل كدا انقذني من ناس بلطجيه واتعور بسببي وهو ميعرفنيش اصلا ف دي اقل حاجه اعملها معاه
نهاد/ بجد ي شهاب؟ طول عمرك جدع وراجل
اميره/ بس خلاص ي بنتي انتي وهي.... كرستين انتي معزومه عل عيد ميلادي يوم الاحد لازم تيجي بقي
انا/ خلاص بقي ي كرستين انتي كدا بقيتي منهم خدي راحتك بقي معاهم ع الاخر و عل فكره البنات دي جدعان فشخ وليهم معزه ف قلبي جامده كلهم
كرستين/ طب مش تعرفني عليهم الاول ي عم
انا/ اه صح معلش... دي دينا واميره اعرفهم من هنا... دي ليلي صاحبة دينا وجدعه زيها بالظبط... دي بقي نهاد دفعتي ومعرفه من ايام الكليه كنا سوا.. دي نسرين صاحبة نهاد ومعاها ف الشغل وبنوته كدا لسانها بيوجعها بس طيبه فشخ وهبله ف نفس الوقت ههههه
نسرين/ شكرا شكرا ي شهاب افندي
كرستين/ ثواني بس... نهاد دفعتك بجد
نهاد/ ايون ي كرستين انا وهو كليه واحده بس هو مش عارفه لي مش حابب شغل الهندسه
انا/ طب بصوا اقعدوا انتو مع بعض ارغوا لحد ما اوصل البيت اشوف نرمين لانها حاولت ترن عليا هشوفها واجي تاني ممكن تكون محتاجه حاجه
دينا/ هي نرمين صاحيه لدلوقت؟
انا/ مش عارف بس هشوفها لو محتاجه حاجه
دينا/ خلاص تمام و لو عايزه حاجه كلمني وانا هجيبها
انا/ اشطا ي حلوين مش هتأخر عليكو
