ياسواد الليل يانور قمراك

part22

ضمته نجد بقوه وقالت: عادي يصير
ابتسم ونواف وقال: يصير ليش مايصير
نزلت نجد وركضت وهي تصارخ: عمو عمو عمو وليد
نقز وليد بخوف وقال: وش فيك
ضمته وقالت: بابا
دهمت وليد مشاعر خوف وحب ومو عارف وش يقول لها
نجد: بابا رد
حس وليد قلبه بيطلع وقال: عيونه يا بنتي امريني
نجد: عمو نواف قال اني اقدر أصير بنتك اليوم كامل بس أنا أبيك لل ابد
ضمها وليد وقال: تبيني أصير أبوك
نجد ببراءة : اي انت تجيب لي ألعاب دايم وتهتم فيني وتحبني وأنا لما انام ادعي كل يوم تصير أبوي وتحقق صرت أبوي الحين صح
ابتسم وليد وضمها بقوه وقال: صح ياعيون أبوك
ابو فيصل بضحك: يعني صارت بنتك
ضحك وليد وقال: من الله بعد
دخل حمدان وراه محمد وأحمد وقالو: سلام عليكم
الكل: وعليكم السلام
الجد: حي الله من جانا أسفرت ونورت
محمد: الله يحييك
احمد: الله يحييك ويبقيك
الجد: اقلطو يعيال اقلطو
تقدم محمد وراه احمد يحبون راس الجد فهد بس رفض وقال: خشمك خشمك
ابتسم محمد وحب خشمه وقال:الله يطول بعمرك ياجد
ابتسم الجد فهد وقال: آمين ياولدي
قرب احمد وحب رأسه وخشمه
وبدا ترحيب عيال آل فهد واحفاد آل فهد وانتهاء وجلسو
وقف نواف وخذ الفناجيل ودلت القهوه وبدا يدور عليهم ويصب لهم
وصل لعند وليد وقال: إسلام يالغالي
وقف وليد ونزل نجد وخذ دلال من نواف وقال: أخذ نجد ودها لمي
نواف: ابشر
كمل وليد صفوف الباقيه وخذ نواف نجد متجه فيها للمطبخ الداخلي
نواف : ياولد
نقزت جوري من حدت صوته وقال: ادخل متغطيه
دخل نواف وشايل نجد وقال: ترف وين
جوري: بصاله
نواف: طيب
لف يبي يمشي بس استوقفه صوتها : دقيقه
لف نواف وقال: وش فيه
جوري: خلك هنا عندنا ضيوف
نواف: نادي لي امي
نجد: عمو
ناضر فيها نواف وقال: هاه
نجد: نزلني
نزلها نواف وقالت: اي الحين اقدر أتكلم
ناضر فيها نواف بستغراب وقال: لهدرجه خانقك أنا
نجد: صراحه اي
ضحكت جوري وقالت: والله مالومها
رفع نواف رسه وناضر بعيونها وكانت هذي ثاني مره نواف يرفع عيونه ويناضرعيون بنت نزل عيونه بسرعه وقال: نجد روحي عند أمي وناديها لي
نجد: طيب عمو
راحت نجد وقالت جوري: انت ليش عيونك كل دايم بالأرض ترا أنا متغطيه
سكت نواف لنه مو عارف ليش ينزل عيونه إذا شاف بنت بس هذي اول مره او بل اصح ثاني مره يرفع عيونه ويشوف عيونها
جوري: أنا أتكلم رد
نواف: ارد على سوأل ماعرف إجابته
جوري: شلون ماتعرف إجابته
نواف: هذا شي مو بيدي إذا شفت بنت قدامي ما اقدر ارفع راسي
وناضر بعيونه
جوري: طيب قبل شوي ناضرت بعيوني
حك نواف رأسه وقال: اسـ
قطعه ام وليد وهي تقول: هاه يمه وش تبي
نواف: انتبهي لنجد
ام وليد: ابشر ياولدي
نواف: يالله اجل تبيني شي يالغاليه
ام وليد: سلامة رأسك يا أمي
قرب نواف وحب رأسها وطلع متجه للمجلس جلس بجنب وليد وقال: نايف ليكون نسيته
وليد: احد ينساء عضيده
نواف: طيب قم
وليد: مو حلوه
نواف: ليش
وليد: بس توي جيت
نواف: قم حب راس جدي وقول له ما راح يرفض
وقف وليد متجه لجدها وحب رأسه وقال: جدي
الجد: اسلم
وليد: ابي اروح أشوف نايف
الجد: أذنك معك
احمد: ياجد تعبان ابي انام
ضربه محمد وقال: سد الله حلقك قول آمين
الجد: قم يافيصل افتح لهم درب
فيصل: ابشر امشو يعيال
وقف محمد احمد وراحو مع فيصل
المطبخ الداخلي
فيصل: ياولد
جوري: تعال تعال
دخل فيصل وراه محمد وأحمد
فيصل: بنت العم روحي افتحي طريق لي
جوري: ابشر  بس انتبه القهوه
فيصل: طيب ماعليك روحي
طلعت جوري متوجهه للمجلس وقالت : بنات لا احد يطلع إلى وهو متغطي العيال هنا
شوق: مجلس الرجال ما وسعهم
جوري: لا يا اختي
طلعت تاركتهم متجهه للمطبخ وقالت: يالله روحو
مشاء محمد ومسكه فيصل وقال: وين وين
حك رأسه محمد وقال: وش فيه
احمد: ماتشوفها عند الباب ياكمخه
بعدت جوري عن الباب وقالت: بعدت اطلعو القهوه ماتت
ضحك احمد وقال: ميته ولا عايشه ههههه
ضربه محمد على رأسه وقال: ياسمجك
جوري: مره سامج
محمد: يالله امشو ولا تموت القهوه الحين ونأخذ ذنبها
ضحكت جوري وقالت: ما اسمج منك إلى هو
ابتسم محمد وطلعو من المطبخ متجهين لدور ثاني غرف العيال
فيصل: شوفوفيه أربع غرف فاضيه غرفة رقم ١.٢.٧.٩
محمد: الغرفه الولى الي وثانيه له
احمد: تعقب إلى
محمد: وجع
احمد: نفس الغرفه أنا وياك
محمد: لا والله
احمد: مو مشكلتي أنا أبيك
محمد: أنا مابيك ياخي
فيصل: سد حلقك أنت وياه
محمد: انت مو شايفه وش يقول
فيصل: اسمع احمد كل غرفه مافيها إلى سرير وحد حاشرنفسك معه اليش زوجتك هو
ناضر احمد بمحمد وقال: اي زوجتي
ضربه محمد على رأسه وقال: هذا الي نقص
ضحك فيصل وقال: ياربي خلاصنا من وليد وسيف جيتو انتم
سيف من ورا فيصل: وش فيه سيف
لف فيصل وقال: والله لو ذاكر مليون كان احسن
محمد: اي والله كنا اغتنينا
ضحك احمد
سيف: وش سالفه وذولي ليش هنا
محمد: اوهههه ياحفاد آل فهد نويين تطردونا
سيف: وش دعوه بس سوأل
احمد: والله ياطويل العمر نوين نسكن عندكم
سيف: أنا هاج من الرياض بسببكم تجون عندي وبعد البيت !!
محمد: شفت لهدرجه حنا نحبك علشان كذا
قرب سيف وضمهم وقال: تو نور
احمد محمد: بنورك
فيصل: بعدو عن اخوي تراي شخص غيور
احمد: الله وكبر ياغيور انت
بعد محمد وركض لغرفه رقم ١ وسكر الباب وصرخ وقال: ابن أمك تطق الباب علي ترا حنا ضيوف لا تفضحنا
ضحك احمد وقال: تبيها كذا ابشربي
ركض متجه للغرفه يبي يكسر الباب
ركضو فيصل وسيف وسحبوه
فيصل: مريض
سيف:فيك شي أنت
احمد: فكوني ياعيال خل اكسر هل باب على رأسه
فيصل: اقول اهجد والله لو يدري جدي ان عقولكم عقول بزران ان ما يدخلكم بيته
سحبه سيف ودخله غرفه رقم ٢وقال: خلك هنا يابزر
فيصل: وبلى مبزره يرحملي أمك
احمد: أفف طيب
فيصل بضحك: اول مره أشوف عروسه ماتنام مع زوجها بول يوم ههههههههه
احمد: زوجتي طردتني وش أزين
محمد بصراخ: ياحيوان ترا أسمعك والله لكسر فكك هذا تسمع!!
ضحكو كلهم عليه
مستشفى الملك*****
نايف: هلا وغلا تو مانور المكان
وليد: بنورك يالعضيد بشرني عنك
نايف: ماني بخير
وليد بستغراب: افااا ليش
نايف: عضيدي وتوأمي ساحبين علي بل مستشفى وكني ماني منهم شكلكم تبون الفكه مني من زمان
نواف: والله تبي اصدق من زمان ابي الفكه منك بس ماقدرت
حذف عليه المخده نايف وقال : انقلع !!!
وليد بضحك: اوه هد هد ههههه
اتجه له نواف وضمه بقوه وقال: تفكر فينا كذا ونت بقلبي افاا ياتوامي والله اني أتعذب كل يوم من دونك انت وليد بس لزم احد يكون مع أمي 
بدله نايف وضمه وقال: بعد يابزر خلاص
ضربه نواف وقال: ياورع خلاص مامليت تراك بس طلعت قبلي الله يأخذك صدق
ضربه وليد وقال: ستغفرالله بس
انتهى هذا اليوم بفرح وسعاده
يتابع...
__________________________________
🫡