ياسواد الليل يانور قمراك

part37

بسم الله الرحمن الرحيم

طلع وليد بعد ما طلعت وهو يضحك
سيف: هاه وش صار
وليد بتمثيل الجديه: ماصار شي
محمد بفضول: شلون ما صار شي
وليد: ياهوه انت وياه وش تبون
احمد: علمنا ما راح نخطفها منك
جلس وليد وقال بهيام: يعيال تجنن
طاحو كلهم ضحك على وليد وكيف صار خفيف بثواني
ناضرو فيهم كل الي بمجلس الرجال
وليد بإحراج: قومو الله يفشلكم قومو
حمدان بضحك: اخس يا ثقيل بدقيقه جابت راسك شلون لو تزوجت والله لتجلس مدون عقل
طلع وليد وهو متفشل مره
دق جواله
وليد : سلام عليكم من انت
: وعليكم السلام ورحمه معك المدير جاسم بن محمد من قسم المباحث
وليد بستغراب : ونعم
جاسر: ماقدرنا نتوصل مع مديرك وعرفنا من اخوه انه مسافر وبيك تساعدنا بشي
وليد: امر بس
جاسر: ابيك تجي على قسمنا بقرب وقت لو سمحت
وليد: ان شاءالله
وقفل
وليد بستغراب: كيف مسافر وهو طالبني
اتجه وليد لهم وعلمهم بكل شي وافقو يروحون ساعه وحده ونص
طلع نواف يبي يودي دلال الفاضيه بأمر جده
دخل وهو منزل رسه
شهقت جوري وطاح القزاز من أيدها وصرخت صد ونزل دلال وقال: فيك شي
ماكان منها أي رد خاف عليها ونزل شماغه لفه على ايده اليمين علشان ما يلمسها وحط ايده اليسار على عيونه متجه لها كان يمشي على مصدر أصوت وصرختها الي تدور برسه وستنتج أنها عند طاوله
نزل ببطأ كان قريب مره من وجهها حس بنفسها تضارب وجهه بعد عنها وقال: فيك شي فيه شي يوجعك تكلمي جوري ؟؟
جوري بتوتر وخوف: لا ما فيني شي
حط ايده على قلبه وقال بهمس بس مسموع لها : الحمدالله لك يارب
جوري : فيه احد يدخل كذااا!!!
نواف: طيب خلأص مره ثانيه بخلي دنيا كلها تعرف اني بدخل المطبخ
جوري: تزين خير فينا
وقف وطلع
ابتسمت لما شافت شماغه على ايده علشان ما يلمسها
بعد ما قضاء بيت آل فهد من زحمه الحريم و رجال
جلسو البنات بتعب بصاله بعد مالبست بجايمهم
هدى: مو طبيعي تعبت مره
لمار : اي والله يا اني ردحت ردح
جوري : ترها بس رقصتين
لمار : كذاب
جوري: والله
لمار: اجل تعبت من الهواء
ضحكو والبنات عليها
شوق بضحك: اجل ردحتي ردح هاه
لمار : خلاص ترها زلات السان
ربى : اي اي
ريماس بفضول: وش زين لك كيف بديتو الكلام
شوق بتصنع الفرح وكل شي كذب : قرب مني وقال مبروك لي ولك وبعده يابنات كان بيبوسني بس أنقذتني المصوره ثم خلتني أبوسه كحركه اخيره
ضحكت ترف وقالت: كانت تبي المصوره عون بس جاتها فرعون
شوق: اي والله
العنود بشك: يعني وضعكم تمام
شوق بكذب: اي وليد مره حنون وكيوت
ابتسمت جوري لما تذكرت نواف وكيف خاف عليها وكان حنون وقالت بدون وعي منها: كلهم كذا
ناضرو فيها وقالت ترف: اي كل اخوني كذا هذي بنهايه تربيت وليد بيطلعون عليه
ضحكت ريماس وقالت: ونتي من مربيك مانك محترمه
طاحو البنات كلهم ضحك على ريماس الي قلبت سيده على ترف
ترف بصدمه: خير وش هل كلام
ريماس بضحك : سوال ياماما سوال
ترف بتصعيد: لا وش قصدك هاه وش قصدك
العنود بضحك: وش هل تصعيدات المفاجأة
مجلس الرجال
وليد: هذا الكلام الي قالله لي ويبينا
نايف : اي قسم
وليد : الي برياض
نايف : اي زين
وقف وليد وقال: يالله بروح نام علشان اقوم ساعه وحده
محمد: نوم العوافي
وليد: يعافيك
وطلع متوجه لغرفته فسخ ثوبه وعلقه وحذف نفسه على سرير بتعب مستسلم للنوم
اما هي كانت بعالم ثاني بعيد عن اسولف الي تدور بين الي حوليها
وقفت
ترف بستغراب: وين ريحه
شوق : بنام احس اني تعبانه
لمار: طيب روحي نامي
تركتهم وهي متجهه لغرفتها نزلات جلالها ومتوجهه للحمام ( يكرم القآرئ) توضت وتجهت لسجادتها صلت ركعتين وسلامت وقالت: يارب ياحبيبي ان كان خير فقربه لي ون كان شر أبعده عني
ساعه ١:٣٠ صحى وليد وهو منزعج من المنبه طفاه وقف متجه لحمام ( يكرم القآرئ) تروش وطلع ولمنشفه على خصره طلع له فنيله وسروال ولبسهم أخذ ثوبه الي معلقه ولبسه وتجه للمريه يشخص ( يزين شماغه) أخذ مفتاح سياره ونزل دخل غرفت أمه ولاقها تصلي وقال: صباح الخير عندي شغل برياض يالغاليه إذا خلاصتي ترني بالمطبخ بزين فطور سريع وطلع وهو يقفل الباب وراه اتجه للمطبخ طلع بيض وطماط وبصل وفلفل رومي غسلهم وحطهم بصحن دور طاوه ومالاقها
ترف: وش تدور
لف عليها وهو يشوفها بجنب ترف وقال:طنجره
ضحكت وهي تأشر على المصفاه الي بجنب المغسله
وليد: الله لا يعمينا إلى برحمته
شوق: آمين
ناضر فيها وقال: جوعانه
شوق: وش منزلنا اجل
وليد: قفلي الباب علشان ما نزعج احد
اتجهت تقفل الباب ادخلي ولخارجي ونزلو الجلالهم وحطوه فوق طاوله قالت ترف : وش تبيني أزين
ناضر فيها وقال: لا تزينون شي
شوق: بس طفش خلاص أنا بقطع ااا طماط
وليد: لا إيدك تتحسس منه
ترف: اخس تعرفها اكثر مني ومن متى هذي تتحسس من طماط
وليد: مين مربيكم غيري
شوق: ونت متى ربيتني أصلن
اتجه لهم وحوطهم وقال: انتم بناتي شلون ما تبوني اعرف وش تتحسسون منه
ترف: طيب امر تبي نزين شي
وليد: لا شكرا
بعدت شوق عنه وقالت: طيب خلاص
جلست هي وترف وتجه وليد يكمل شغله
ترف بستغراب: وين رايح
وليد وهو يقطع طماط : عندي شغل
ترف: ممكن اعرف وش هل شغل
وليد: طالبيني قسم المباحث
ناضرت فيه وما أدت اي اهتمام له وقالت: ترف وش كان أسم الفلام نسبته
ترف: ياشيخه مو فلم مسلسل مسلسل
شوق: الي هو
ترف: اخوتي
شوق: لا مو هذي
ترف: الحفره
شوق: لا
ترف: وش
شوق بعصبيه : كلي ترب
ضحك وليد وقال:عصبت ههههه
ترف: الله يعينك بتتزوج وحده ما عندها صبر
قرصت شوق كتف ترف وصرخت لف وليد لها وقال: وش فيك
ضربت ترف شوق وقالت؛ قرصتني احح قرصتها مثل قرصت العقرب
ضحك وليد وقال: تكبرين وتنسين
ترف: كذا بس ابيك تأخذ حقي منها
ضحك وليد وقال: باخذه باخذه بس بطريقتي
تفشلت لما عرفت قصده وقالت : ياوصخ
ضحك وقال: عرفتي قصدي اجل حلو
وقفت ترف وقالت: الله يفشلكم يع
وليد: زوجـ
قطعه طق الباب
ترف: مين
ام وليد : أمك افتحي
فتحت الباب وتجه وليد يحب رسها وقال: صباح الخير
ام وليد: صباح النورو .. وش عندك يمه في رياض
وليد: طالبيني المباحث
ام وليد: وش يبون منك
وليد: والله ما ادري
ام وليد: ستودعتك الله
ضمها وقال: تبين احسب حسابك
ناضرت فيه وقالت: لا يمه بروح انام
وليد: نوم العوفي
ام وليد: الله يعافيك يمه
طلعت وسكر الباب وليد
ترف: وليد
لف عليها وقال: لبيه
ترف: لو خيروك بيني وبين شوق مين تختار
وليد: ولا وحده
ناضرت فيه شوق وقالت: ليش
وليد: مستحيل اختار وحده منكن كل وحده ولها معزه بقلبي غير
شوق : طيب لو فيه سلاح برسي وسلاح برأس ترف وحده منننا لازم تنجو من تختار تموت
لف عليها وقال: فال الله ولا فالك
ترف: سوال
وليد: ما تعرفين القدم المتوكل بالمنطقة
شوق: عارفين بس تره سأل جوب
وليد: مستحيل اختار بينكم بختار نفسي
ترف: وليد وحده بيننا
وليد: وأنا قلت مستحيل اخلي شي يضركم انتم جزا من قلبي وأي شي يصير لي وحده منكم بموت انتم نقطت ضعفي
شوق: وأنا من متى صرت جزاء من قلبك
وليد: من اول ما وقعتي على دفتر ونكتب اسمك على اسمي
ترف: اخس وش هل كلام
ناضرت فيها شوق وقالت بهمس لها: لا يكون غرتي تره زوجي
ابتسم لما سمعها لف لترف وقال: روحي جيبي الخبز من المستودع
ترف: فيه خبز ليش تجيب من المستودع
وليد: روحي ونتي ساكته يالله
أخذت جلالها وفتحت الباب الخارجي متوجهه للمستودع الي فيه الفليزر وثلاجات
استغل هل فرصه وقرب منها
شوق: وش قاعد تزين
وليد: ولا شي بس ابي أبوس زوجتي
توسعت عيونها وقالت: ومن قال لك اني متزوجتك عن حب تراي مجبوره عليك وزوجنا على ورق بس
وليد بغضب: وكلامك مع ترف ؟؟
شوق: جدي خايف علي وخايف انه يكون ضلمني معك وقاعد ابين للكل اني احبك ومستأنسه بهل زواج لا تفكريني احبك وليد ان أكرهك وحتى مو طايقه أشوفك ولو سمحت لا عاد تقرب مني
اكتفاء بصمت كسر البيض وحطه بطاوه
ترف: هذوه الخبز استأنست
ناضر فيها وقال: حطيه فوق طاوله
ناضرت فيه وقالت: وش فيك ليش معصب
وليد: لا ما فيني شي
كمل يحرك البيض لين ما استوا حطه على طاوله وقال: بالعافيه
ترف: ما تبي
وليد: مالي نفس
ترف: اجل ليش زينته
وليد: خلاص ترف
طلع تاركهم ركب سياره تنهد وشغل سياره متوجه لرياض وهو يهوجس فيها وكيف صارت له بس بنفس الوقت بعيده عنه
يتابع...
هاي حبني اعطوني رأيكم بالتعليقات🫶🏼🌷