ياسواد الليل يانور قمراك

part41

‏بسم الله الرحمن الرحيم

طاح حسن على ركبه بجنب اخوه وقال ولغصه بحلقه: والله احبها ليش تزين فيني كذا ليش تلعب فيني وتوهمني بحبها علشان توصل لشخص غيري صقر دور لي شي يخفف الألم الي بقلبي أحسه بيطلع من ضلوعي
ضمه صقر وقال: جعلها بعدوينك وفضل حل احضرها وبعد عنها والله إنها مو زينه لك وإذا الله كاتب لك نصيب معها ما كان كشفها على حقيقتها وفتح عيونك
وقف حسن وقال بكل حقد وكره : حبيتها من كل قلبي اهههه يالغبنه والله ما اخليها والله ما اخليها والله لذبحها تزين فيني كذا وتستغلني اههه يا غبنتي فبناه 
صقر: هد لا تزين شي تندم عليه
مستشفى******
وليد: هاه دكتوره وش طلع
دكتوره: متسممه
وليد: كنت حاس وش راح يصير
دكتوره: راح نركب لها مغذي وراح يروح تسمم
وليد: بأذن الله
شوق: فيه ابره مره ثانيه
ابتسم وليد وقال: عادي ترها خفيفه ما توجع
شوق: بخوف: وليد !!
استغل انشغال لدكتوره بالمغذي وقرب من أذنها تقشعر جسمها كله من كلامه ونفسه الحار وريحت عطره وشنبه وهو يقول: أنا معاك وإذا تبين اخلف وعدي وبوسك و بخليك تنسين الوجع كله مثل الإبرة الأولى
توسعت عيونها وقالت: لا شكرا
ضحك وبعد يبي يطلع
شوق بخوف: وين رايح
دكتوره: ما راح أذبحك ترها بس تركيب سيروم وخلاص
ابتسم وقال: تبيني اجلس عندك
ناضرت فيه وهزت رسها بنعم
اتجه لها وقف بجنبها لما شافت البره مسكت ايده بقوه وغمضت عيونها
ابتسم وقال: اهدي ما راح توجعك
دكتوره: زوجتك
وليد: اي
كتوره: خلاصنا
ناضرت شوق بستغراب بأيدها ثم بدكتوره: وقالت كيف
ضحكت دكتوره وقالت: يدي خفيفه علشان كذا ما حسيتي فيها
وليد: شكرا دكتوره
دكتوره: العفو إذا خلاص نادوني
وليد: تمام
طلعت دكتوره وجلس وليد على الكرسي
دق جواله يشوف المتصل جدي
رد: هلا
الجد بخوف: الي سمعته صح
وليد: لا تخاف معي ومستحيل اخلي شي يضرها
الجد بعصبيه: حنا أمناك على شوق وطلعنا وين كنت عنها هاه
وليد: كنت قاعد ابدل ثم هي دخلت خايفه وعلمتني وخليت العيال يدورون عليه
الجد: اعقب
كانت تسمع صوت جدها بوضوح من صراخه مدت أيدها تسحب الجوال من وليد ناضرفيها وهي تقول: ما فيني شي بعدين هو ما له دخل عالم الغيب هو دخل علي من شباك وهذا شي الله كاتبه
الجد: طيب يابنتي زين لك شي
شوق: لا ما قدر
الجد: طيب وينكم
شوق: متسممه وأنا الحين بالمستشفى
الجد بخوف و ستغراب: من وش
شوق: أكلت جوكلت وشكلها متسممه
الجد: طيب حنا بنجيكم وش أسم المستشفى
شوق: لا راح نسبب زحمه على الفاضي وليد يكفي
ابتسم الجد وقال: الله يعافيك
شوق: آمين
وقفل مدت له الجوال وقالت: آسفة أخذت من دون ما أستأذن منك
وليد: لا عادي محاميه دفاع
ضحكت وقالت: يصلح أكون ؟؟
وليد: اي
رفع رأسه وغمض عيونه بتعب مستسلم لنوم
ناضرت فيه وهي تدقق بملامحه وحبه الخال الي اعلى حاجبه وسفل عينه ولحيته الخفيفه وشنبه الكثيف ورموشه الكثيفه
وليد: إذا خلاصتي صرحان فيني علميني ابي انام
شوق بفشله: من وين لك هل ثقه
فتح عيونه الحمرا اثر تعب الوضح على عيونه وقال: ماني واثق متأكد
شوق: نم نم بس ريح عيونك هلكتها
رجع يغمض عيونه وتعب وصل لحده
بيت الجد تحديدن مجلس الرجال
هدى: يبه عندي شغل وسيارتي مخبطه
ابو فيصل: اخدي مفتاح اخوي
سيف: سيارتي طافيه بنزين
طلع حمدان مفتاح سيارته وقال: اخذي سيارتي وبكره نشوف وش فيها
ابو فيصل: شكرا يا حمدان
حمدان: افاا ياعم مو بيننا
اتجهت له وخذت المفتاح منه وهي تقول: شكرا
ناضر بعيونها الوساع وقال : العفو
طلعت متوجهه لموقف اسيارات عيال آل فهد ركبت سيارت حمدان الفورد  بيضاء شغلتها متوجهه للمستشفى
بغرفه العنود
ريماس: تهبين انتي وياها مستحيل
ترف: رموش تكفين يالله
العنود: انتي الوحيده الي تقدرين عليهم شخصيتك قويه
ريماس: اففف منكم طيب إذا قال الوقت متاخر وش اقول
ترف: دقيقتين ونرجع ما راح نتأخر
ريماس: أف أف منكم آخر مره والله
ضمته العنود وهي تبوس خدها: ياخي أعشقك
بدلاتها ريماس وقالت: حتى أنا
ترف: خلاص يالله روحي
بعدت عنها العنود وطلعت ريماس تنفذ خطتهم  متوجهه لمجلس الرجال طقت الباب وقف نايف يفتح الباب الي يفصل بينهم وبين مجلس الحريم وكان دايم يسكرونه علشان محد يدخل على الحريم بالغلط دخلت ريماس وقالت: سلام عليكم
الكل: وعليكم السلام
ريماس: نبي نطلع
سيف: سيدة بدون تلميحات
ريماس:  و الله لو إني فاضية
سيف:يعني فاضية تطلعين بس مو فاضية تلمحين لنا
ريماس: عليك نور
ابو فيصل: بس ساعه يابنتي
اتجهت لبوها وهي تقول بنبره تلمس قلبه ويحن عليها: دادي بليز
ابوفيصل: دامها فيه دادي اطلعي جعل ما يطلع غيري قبلت خده وقالت : جعلوني قبلك قول آمين
سيف: آمين
ابوفيصل: فال الله ولا فالك انت وياها
لفت وهي تضحك تبي تطلع استوقفا صوت نايف وهو يقول : ثلاثي معك
ريماس:  قصدك ثنائي واحد الله يستر عليها بالمستشفى
نايف: ترف خـ
قاطعته ريماس وهي تقول : نايف لا تنكد علينا
الجد: نايف خلها تروحً معهم
نايف: وش فيكم أنا بس قلت ترف 
ريماس: وش فيها
نايف: كنت أبيها خليها تجيني برا
ريماس: كنت قول كذا
نايف: تخلين احد يكمل حكيه
ريماس بفشله: اسفه
نايف: لا عادي
طلعت ريماس متوجهه لغرفت العنود
ترف: هاه وش صار
ربماس: تم
صرخت العنود بفرحه وقالت: يسعدلي دينس
ضحكت ريماس وقالت لترف: نايف يبيك برا
ترف: تمام
آخذت جلالها وطلعت متوجهه للحوش
ناضرت فيه وهي متوجهه له معطيها ضهره نقزت عليه وقالت: وش تبي ياحلو
نايف: انزلي يا تريلاه
نزلت ترف عنه وقالت: إح تاحسست
ضحك وقال: مثل ريشه والله امزح
ناضرت فيه وضربت صده : خير لا عاد تمزح معي مثل هل مزح
نايف: ما علينا تبين ترحون وين
ترف: بنمر البقاله ثم للحديقه
نايف: معك فلوس
ترف: نو
نايف: بتروحين مدون فلوس
ترف: أنا قلت للبنات وقالو عادي أصلن بشتري من حساب العنود
نايف: وأنا وين رحت ليش ما جيتيني وطلبتي مني
ترف: دقيت عليه وما رديت ومالي خلق اروح لمجلس الرجال
طلع جواله من جيبه وهو يحاول يشغله : أفف متقفل طلع بوكه وعطاها صرافته امسكي اسحبي منها الي تبين
ترف: انت من وين يجيك هل فلوس وليد مو مهتم لنا هل فتره
نايف بتورط: ياخي وش دخلك تبين صرافه ولا لا
اخذت صرافته وهجت قبل يهون
ضحك على ركضتها
نايف بضحك: مافيه شكرا
لفت عليه وهي تركض : شكرا نوني
نايف: افااا يانايف طول وعرض  حط ايده على شنبه وكمل وهو يقول وشنب يخط وجهك خط وخر شي نوني يالله عادي آخر العنقود ما نقدر نقول شي
بغرفه سلطان
سلطان:قضيه طلاق ، طيب حولوها للمحامي عبدالمجيد، طيب طيب أنا جاي ، قفل
لمار: وش فيه
سلطان : عندي قضيه زوج يبي يتطلق من زوجته علشانها خانته وزوجه معيه تطلق منه
لمار: وش سبب رفضها لطلاق
سلطان: علشان سمعتها
لمار: ابي اروح معك
سلطان: وين
لمار: ابي اعرف بهل مجال احس حبيته
ابتسم سلطان وقال: لا
لمار بدلع: سُلطان بليز
سلطان بقرف: الله يقرفك خلاص قومي البسي
وقفت بفرح وقالت بصوت رجولي : حي عينك
ضحك سلطان على ختلاف نبرات لمار وقال: قبل شوي كنتي أنثى الحين وش صار
لمار: لا تدقق
اخذت جلالها وطلعت
بغرفت العنود
ريماس: ترف بسرعه
ترف: ياخي خليني البس نقابي على راحتي
العنود: من راح يركز على نقابك
ترف: اكره نفسي وتقرف مستحيل خلوني أسويه ماراح تمتون
ريماس: على راحتك اجل وجدي وش راح نقول له يحسب أننا رحنا من زمان
ترف: ياشيخه كلي تراب
العنود بحده: ترف !!
ترف : اففف خلاصت يالله امشو
                                                                               يتابع...
هاي حباتي كيفكم 🫶🏼😢