ياسواد الليل يانور قمراك

part35

بسم الله الرحمن الرحيم

١٢:٤٨ بعد انتهاء صلات الجمعه توجهو  حفاد آل فهد العزبه يجيبون ذبايح
بيت الجد تحديدن مجلس الحريم
شوق ببكاء : ماما ما أبيه غصب سالفه ما أبيه خلاص
ام سعود بعصبيه: اقول يابنت لا اسمع منك هذا كلام تبين تكسرينه كلمه جدك
سفهتها شوق متوجهه لمجلس الرجال دخلت وهي معصبه وقالت : ياجد ما ابي وليد ليش غاصبني عليه ما أبيه
الجد: تعالي يابنتي تعالي
جلست شوق وهي تبكي
مسح الجد دموعها وبعد شعرها وحطه ورا أذنها وقال : والله يابنتي ما احد بيصونك غير وليد وما احد بيحميك بعد الله غير وليد اما الباقي سربيت وأنا خايف عليك تروحين لشخص ما يصونك ولا يحفض عرضس بس اسمعي وفقي عليه يابنتي هذا سنه الحياه مصيرك بتتزوجين وفقي يابنتي ولا تكسريني بحفيدتي الي احبها
شوق بعصبيه : انتم ليش ما تبون تفهموني أنا ما أبيه
الجد: ليش وش مزين وليد فيك علشان ما تبينه
خافت وتوترت وقالت: ما زين شي بس أنا صغيره ما ابي أتزوج بعمري هاذا
الجد: ابوك متزوج أمك لما كان عمرها ١٥ سنه يعني انتي اكبر من أمك راح تتزوجين
شوق: أنا مالي دخل بأمي ما ابي أتزوج خايفه
الجد: من وش تخافين وليد ما راح يأكلك اسمعي زين اليوم بتصير عزيمه كبيره بديره علشان خطبتك لا تفشلينا
شوق بعناد: نشوف نشوف
طلعت تاركه الجد بهم
دخل ابو سعود وأبو فيصل بعد خروج شوق
الجد: جابك الله
ناضرو ببعض الخوين وقالو: اي وحد
الجد: جابك ياعبد العزيز تعال
جلس ابو سعود وقال بستغراب: وش فيه يبه
الجد: بنتك ذي طالعه على مين عنيده
ابو سعود: عليك
الجد: لا والله تعقب
ابو سعود: ما راح تزين خطبه اليوم
الحد : راح نزين غصبن عنك
ابو فيصل بضحك : تعقب اجل حتى انت عنيد يبه وحفيدتك طالعه عليك
الجد: مين الكبر
ابو سعود وأبو فيصل: انت
الجد: يعني أنا عندي خبره اما هي لا ابيك تقنعها وإذا ما اقتنعت بالغصب
ابو فيصل: ليش هذا كله هي ما تبيه خلاص
الجد:*********************************************************************************************
ابو فيصل بصدمه: هذا وش جابه هجينا منه واحقنا !!
الجد: علشان كذا ابي ازوج شوق وليد
ابو سعود: بس يبه إذا وليد ما قدر عليه
الجد: عبدالعزيز انت تعرف وليد زين وكيف يحب شوق ومستحيل يخلي شوكه تضرها وحب وليد لشوق وضح من عيونه صح إنها ما تحبه بس أأمن شخص لشوق وليد لو تطلق منه ما عندي مشكله
ابو سعود: خلاص خلوها علي أنا أعرف أقنعها
بالعزبه:
وليد وهو يصلخ:يوه ثوبي امتلاه ادم
نايف: كنت فسخته بالبديه
وليد: جبت غيار؟ 
نايف: لي اي بس لك لا
وليد: نواف
نواف وهو يغسل الكرش ذبيحه الي صلاخها محمد : امر
وليد: جبت لك غيار
نايف: أنا جبت له
نواف: جعلوني قبلك
نايف: آمين
نواف: مو كذا ياكلب
ضحكو العيال على نواف ونايف
وليد: طيب دامك حسبت حسابه ليش مو حاسب حسابي ليش ولد البطه سودا
حك نايف رأسه وقال: تبي صراحه هو توأمي بس انت جز عضوي فقط 
وليد بعصبيه : طس عن وجهي
ناضره نايف بطرف عين وقال: خير ترا جبت لك هذا المفروض تحب راسي وتقول شكرا
ناضر فيه وليد وقال: دامه جبت لي ليش تكذب
نايف:  مزح لايساء كذب
سيف: وش فرقت
سلطان: تفرق عنده
احمد: وليد انت ليش جاي معنى المفروض الحين عند الحلاق وتجيب لك ثوب جديد
وليد: مجهز كل شي
ناضر وفي كل العيال وقال سعود: مصرع
وليد: والله من كان عمري سنتين وأنا متجهز لها لحضه يعني ما فرقت معي
سلطان: تحب شوق ؟؟
سعود: ماكنت تدري
وليد: ليش انت تدري
سعود: انت مفضوح خيرها بشرها
وليد: لهدرجه مفضوح
سلطان بصدمه: لا كيف أربع وعشرين ساعه كنهم طباين وش صار 
وليد: طرفي أنا بس أختك لا
سعود: يعني شوق ما تحبك
وليد: والله ندري بس كل ما تشوفني تثور مني
سلطان: شوق كذا إذ قربنا منها تعصب وتهاوش كذا طبيعت شخصيتها يمكن تحبك
وليد" يالله ان تجعلها خير ون كانت هي شريكه لحياتي يالله تهدي قلبها وتحبني وزودن على الحب الي بقلبي "
غرفت شوق بعد دخول أبوها عليها
شوق: امر
ابو سعود: شوفي يابنتي أنا ما جيت أغصبك ولا شي صح ان جدك عنيد ونتي اعند منه بس يابنتي جدك يبي مصلحتك وهو خايف عليك
شوق : من وش خايف من وش
ابو سعود: اهدي وركزي معي زين تمام
هذا شخص دمر حيات جدك وخلى أهله يتبرون منه وخلى أهل ديرته يطلعونه من ديرته بسبب شي مازينه حتى عزا جدي وجدتي وعمي الله يرحمهم ما خلوه يحضر جنازتهم 
شوق: طيب أنا وش دخلني بهل شخص
ابو سعود: بسبب جدك حدك يحبك م ه ياشوق ومن زود حبه لك سماك على أسم جدتي ام أبوه وحبه لك عرفو فيه كل العرب وهو خايف يكسرون ضهره فيك وما عنده غير وليد  شوفي لما يذلف هذا شخص او نقبض عليه راح أخليك تطلقين من وليد بنفسي بس اصبري
ارتاحت شوق من كلام أبوها وقالت: طيب خلاص بوفق عليه
ضمها ابو سعود وقال : هذي بنتي
وقف تاركها بحيره وخوف من المستقبل
العزبه:
سلطان: ياعيال شوق وفقن
استفهل (فرح)وجه وليد وقال : سألتك بالله
سلطان: والله تو دق أبوي وقال علمهم
نايف بفرح: يعني خلاص اخوي الكبير راح يتزوج وراح أشيل مسأوليته و  راح تصير مسأولياتي
ضحك وليد وقال: أنا بخطب يابابا يعني لحق على المسأوليات
سلطان بصدمه: وليد
ناضر فيه وليد وقال: هلا
سلطان: شوف جدي وش منزل بالحاله
فتحو العيال جولتهم ومنهم وليد أنصدم لما شاف جده كاتب
سلام عليكم ورحمه الله وبركاتو أتشرف بدعوتكم زواج حفيدي وليد بن عبدالله من حفيدتي شوق بنت عبدالعزيز يوم الاحد تاريخ ١٤٤٦/٨/٣٠ 
وليد بصدمه : هذا مخطط ومخلص
محمد: جدك يبي الفكه منك بقرب وقت
وليد: شكله
سلطان: طيب شوق ما زينت شي شلون بيمديها
نواف: نايف ياليتك ما تكلمت عن المسؤوليات
نايف : تكلامت وخلاصت وأنا خوك
قسم شرطه :
فيصل بعصبيه : كيف ما لقيتوه
ملازم سيدي ما لقيناه
فيصل بحده: إذا مالقيته ليش موريني وجهك انتم ليش شرطه هاه علشان تقلون ما لقيناه دوروا ياسر من تحت الأرض وجيبولي ياه بسرعه
ملازم: ابشر سيدي
طلع
حط فيصل رأسه على طوله بتعب رفع رأسه لما جاه اتصلا من سيف
سيف: سلام عليكم
فيصل: وعليكم سلام امر وش تبي
سيف: اليوم خطبت وليد ما راح تجي
فيصل بصدمه: كيف شلون ؟؟؟ من من
ضحك سيف وقال: شوق اليوم جدي غصبهم
فيصل: الله يتمم على خير وإذا ما قدرت احضر خله يعضرني
سيف: ابشر ابشر يالله فمان الله
قفل
بيت الجد:
الجد: مشكوره يابنتي ، هلله هلله ساعه ٧:٣٠ ونتي عندنا ، يالله تبين شي ، الله يسلامك
ابو فيصل: من ذي
الجد: مصوره
ابو سعود: اي زين وترا وليد خولي مهرها
الجد: اي زين كمً
ابو سعود: ثمنين ألف
الجد: الله يوفقهم
الكل: آمين
دخل مشعل وقال: سلام عليكم يا اخوني الأعزاء وسلام ياساس آل فهد
وقفو كلهم ركض مشعل قبل ما يوقف أبوه وقال: والله انك ما تقوم خلفت بالله تجلس ياتاج راسي احلي جلس وحب رأسه وقال الجد: حبيت الكعبه ان شاءالله
مشعل: ان شاءالله
اتجه لخونه وضمهم وقال: اي بشروني عنكم
تبدلات ردود بين ابو سعود وأبو فيصل الحمدالله بخير انت شلونك، على ما يسرك انت وشلونك
مشعل: الحمدالله بخير أبشركم اي سربيت وينهم
الجد: عند العزبه
مشعل: وش عندهم
ابو سعود: يصلخون ذبايح
مشعل: حتى المعرس
ضحك الجد وقال؛ اي
مشعل: ياخي شعور غريب وليد يبي يخطب شوق كيف هذي
ابو فيصل: وش فيها
مشعل: ما فيها شي بس مدري كيف
ابو سعود بعصبيه: تكلم زي ناس لجلدك
ضحك مشعل على خوه الي مستحال يمر يوم وما يعصب : وليد وشوق طباين مستحيل يجتمعون
يتابع...
هاي حباني اتمني يكون البارت نال عجابكم 🌷🫶🏼