الأرواح الـمُتمردة

الـبارت 21

الأرواح الـمُتمردة

الـڪِاتبة دجـلة

اخـِذني بـ كلشي ما بيعَك
اخـِذني من التعَب يمَك
جگارة، بچفك اشعِلني
امـِوت بسد اصابيعَك
اخـِذني وياك من عَندي
اخـِذني لـ أي حَلم ارتاح‌َ
مو شرط بـ حَلم وردي ،

•••••••••••••••••••••••••

_"ايلول"

اشتغلت اغنيـه ساجده عبيـد
وكفت زينب بالنص واحنا سوينه دائره عليها وضلينا نـرگص ونغني وي الاغنيـه

شـگل لـ امي من اروح
انكسـرت الشيـشه
عجـوز البيـن سكـرانه بـطل بيـره
اسمـع رنـت استكاين چا وين الچاي

حـرفياً الحفله جانت ولا اروح خلصناها رگص وتصوير هلكنه من التعب الناس طشت ع الساعه عشره بالليل نضفنه البيت گله لان العرس ثاني يوم واكيـد ما نلحـك الصبح
سبحت ورحت ذبيت روحي على فـراشي منتهـيه البنات ضلن كاعدات وزينب متوتره ويخوفن بيها رادت تبچي اله شـوي عاد انا عفتهم ودخلت بـ احلامي
فزيت ثاني يوم من الصبح خبصتهن خليتهن يكعدن اخذت زينب ورحنه للصالون بس انا وياها كملنه كلشي تقريبـاً ساعه 4 وسـاعه 5 التصوير
والعرس يبلش ساعه 7 يعني ساعه 6 ونص لازم احنـا بالقاعه كملنا ورحنه للتصوير صورو اكثر من صوره
وانا واكفه اتأمل جمالهم يجنننون ماشاءالله خلصو تصوير طلعنا زفه من مكان التصوير للقاعه

من بعد زفه استمرت سـاعتين واتأخرنه على القاعه وصلنا ساعه 7 دخلو المعازيم واحنا ركض لباب الدخوليـه رتبت بدلتها واخذو وضعيه حتى يدخلون
انفتح الباب ودخلو وتعالت الهلاهل وكفو بنص القاعه وكلهم كامو يرگصـون وياهم اجواء تجنن

ايلول: روحـو اكعدو ارتاحو

زينب: اي والله ساعديني البدله ثگيله كلش

ساعدتها وخليتها تگعد العريس ماخلو يكعد امه واخواته يرگصـن ويا

كعدت زينب فحطانه جبت الها مي شربـت وضلت تركص وهيه كاعده شوي وشفت من بعيد بنيه غريبه دخلت تدور بعيـونها

رحت عليها
ايلول: تدورين على احد؟

: ادور يوسف العريس.
ايلول: منو حضرتج؟

: صديقتـــه
ايلول: مبينه ناويه على شر!
: ذكيه عرفتي بسـرعه

ايلول: اذن راويني عرض اكتافج
: ههههههههههه مُـستحيل

عافتني وراحت تمشي بـ اتجاه زينـب

ركضت وراها
ايلول: اوكفيي وين رايـحه

انتـبهت زينب علينا كامت وكفـت
زينب: ايلول شصاير!

ايلول: لا مصاير شي