_الأرواح الـمُتمردة
_الـڪِاتبة دجـلة ♡'
اللهم صلي على محمد وآل محمد ♡
تصويت وتعليق بين الفقرات لطفًا 🤍
توچَعني الـ شلونَك
واني اردهَا بخيِر!
كسرو خاطرِي كـسـرَة
جنَاح الطير ويا طيِر الـ يعيش
بكسَرة چنَاحه..
"♡♡"
گـاعدة والچگارة بأيدي اخذ نفـس واذبه بملل واسمع الـهوستها المعتادة
نوال: لج ياثوله بنية بعمرج عمرها 20 سنه تدرس عندها فلوس مو تفتر مكان لمكان تدور شغل! هسه لو باقية يم ابوج هواي احسن الج
رُسن: اهووو كافي دختت شتردين هسه مني انتِ عوفيني بحالي!!
نوال: مو صوجج ترا علمودج انا احچي وبعدين رجلي يريد فلوس الأيجار
رُسن: بابهه رجلج غب/ي؟؟ داكلج ما لاگيه شغل منين اجيب الكم!!
نوال: لعد طلعي من البيت..
رُسن: هوَ اصلاً منو يبقه يمكم لعبت نفسي طالـعه
نوال: والله ياالله شوكت طلعين؟
رُسن: هسه بس ألم غراضي روحي مني
هزت ايدها وطلعت لعبت نفسي منها هاي صارلي هنا بس سنتين وكل مرا نفس القوانه وهذا البيت الثالث الي انتقلت بي...
رحت لميت غراضي وخليت الجنطة على صفحه وكعدت طلعت باكيت الچگاير خليت وحدة بين شفايفي و ورثتها يبو باقية بس وحدة لازم اشتري زين هسه انا وين اروح من اطلع خلصت چگارتي وتمددت ورجعت للماضي الرهيب !!
"♡♡"
اصوات المـطر والرعد جانت بداية شته لابسه روب كبير ويمي الهيتر مشتغل لان باردة واقرة كتاب عن علم النفس جانت ساعه 11 باليل ندك باب غرفتي
رُسن: تفضل
دخلت مرت ابوي
نغم: كافي سهر يلا نامي
رُسن: شعليج بيه انتِ .
نغم: رُسن بله لغوة زايدة يلا ذبي لـ بأيدج ونامي
رُسن: نغم طلعي عفيه مالي خلگ لا تاخذين دور الام الحنونه
غمتني وطلعت تحچي هاي كل يوم لازم تجي تغثني وتروح تعدت عليها... سديت الكتاب واخذت تلفوني اگلب بي شوي ، الهدوء والدفو سوالي واهس انام طفيت تلفون والهيتر سحبت الغطه تغطيت زين ونمت...
كعدت ثاني يوم ع صوت ابوي يگعدني
عامر: يلا بابا كومي تأخر الوقت حته تطلعين تجهزين الـ عيد ميلادج ما بقالة شي
رُسن: اي هسه شوية واكوم
راح هوَ ضليت شويه متمدده بعدين
كمت غسلت ونزلت جوه حضرو الريوك وكعدنه ناكل انتو هسة اكيد عرفتو مرت ابوي نغم وابوي عامر
ماما متوفيه انا امي مسيحية وابوي سني فـ انا مشيت ع مذهب امي وابوي من وانا صغيرة جان يعلمني ع طائفية وهسه بعد فززني من صفنتي صوت بابا
أنت تقرأ
الأرواح الـمُتمردة
Randomاستنجد بهم و هم وهم ليس حقيقين اتابع السير حتئ لا أكون فريسه وانا ضحيه نفسي قبل الآخرين تخلئ الأماكن وينتابني الإدراك بأني وحيد كلما حاولت الاشتباك وضعو في مسيرتي عبئ يقصد فنائي وأنا في وسط جانبهم المظلم اتجرد من كل الأفعال ودع حسن الظن بهم حتئ وصلت...
