الأرواح الـمُتمردة

البـارت 18

الأرواح الـمُتمردة

الـڪِاتبة دجـلة

أروح ليا حُضن
لو بُردن سنيني
شكَُلك وأنه كايلك
غيرك مو رزُق عيني
علمنِي أمد ليا ضوَه خيالي
علمنِي إذا مَر ليلي مِن دُونك
شسوي وماتجي ببالي؟

•••••••••••••••••••••••••••

_فريده"

صارت ساعه 10 بالليل كمت لريماس لكيتها متمدده تريد تنام شغلت الضوه وعطت بيها

ريماس: اسم الله شبيج ركبج جني؟
فريده: جني الركبج كومي كومي نايمه النادره لج كومي الدنيا كلها محتفله وست ريرا تريد تنام

سحلتها من ايدها
ريماس: آآيي ايدي شبيج عوفيني مالي خلك

فريده: انجبي رُسن تموتج كومي

كعدتها على الكرسي
فريده: حطي مكياج يله

ريماس: مابيه حيل
فريده: ريماس بله حجي حطي يله

عفتها ورحت واسوي عصير
رجعت لكيتها لازمه قلم الحمره وصافنه
ريماس: مالي خلك

اخذت قلم الحمره ولزمت وجها
فريده: جيبي مابيج حظ

حطيت الها مكياج خفيف وكحله صارت تجنن
فريده: ها اها دشوفي جمالج غير تجننين
باوعت على وجها وابتسمت
ريماس: ها شو صفنتي

فريده: ريماس انتِ كلش حلوه
ريماس: اويي فوفو والله انتِ الاحلى

فريده: اهو تعلمتي من رُسن تكولين فوفو
ريماس: اي واذا يا عيني

فريده: دكومي بدلي يلا راح تجي رُسن خطيه هيَ رايده تدير السنه ويانه كل سنه وحدها
ريماس: اي سوده عليه هسه كايمه حلبس فستان احمر

فريده: اي يلا انا رايحه اجهز الباقي شكد احب حماسج الي يجي بـ اخر المطاف ريماس

ضحكت وراحت وانا هم
رحت وبقيت اجهز شوي وسمعت صوت كعب التفت جانت ريماس لابسه فستان احمر وكعب اسود ومكياج يجنن طالعه لعابه

فريده: يمه الرب يحفضج شهل جمال
ريماس: حلوه؟؟

فريده: قليل بحقج الحلوه
ريماس: احبجج

فريده: عمريي انتِ تعالي بس جهزي هذا الصحن بين ما ابدل
ريماس: رحت بدلت وخليت مكياج خفيف ونزلت صارت ساعه11:15 ورُسن ماكو!

اتصل عليها يرن وما تجاوب
فريده: متجاوب

ريماس: خاف هوسه وما تكدر

فريده: لج عبرت ال 11 هيَ كالت اني اجي وينها
ريماس: فريده عليج الله لا تخوفيني أن شاء الله ما بيها شي