الأرواح الـمُتمردة

الـبارت 22

الأرواح الـمُتمردة

الـڪِاتبة دجـلة

وحَدي تعلمَت
ما رَدت عَون إنسان
تَلوينَي المُصايب
وإرجع الوَيها
عزة نَفسي جُندي
مِن أعثَر ارمَي الروح
أكتَلها ولا للأسر أنطيها .

•••••••••••••••••••••••••••••••••

دخـل مثل الأعـصار يصيـح

ذبيت الگلاص من ايـدي وركضت للصالـه دخـل
خالد: يمه ابـــــنچ ما يتوبببببببب راح يـموتني

ام خالد: اسـم الله ولـك شبي اخـوك شسوه؟؟؟؟

بـاوع على مروه فرك وجهه بقـوه
مروه: شـبي مراد؟

خالد: يمه ابـــــنچ بين النسـوان بـ ملهى مال صديقـه
مروه: شنو؟

خالد: اي هـسه اني مخـلي واحد من اصدقائه مُراقـب عليه خابرني وكلي

ام خالد: امـشيي ولك امـشي اخذني اله
خالد: يـمه شوننن ترديـني اطببچ بملهى تحجين صـدك؟

مروه: اخـذنه خالد راح اغيـر ملابسـي

كلـنا انتبـهنه عليها وشلون انـقهرت
راحـت غيرت ملابسـها واجـت وام خالد دگـت رجلها اله تـروح

خالد: امشـو أمـري لـ الله فـريده ديري بالـج واي شي يصـير اتصلي بيه والباب ما تـفتحونه لأي شـخص تمام

هزت راسها فريـده وهمه طلـعو
ريماس: شفتي مروه شلون انـقهرت

فريده: حـقها غير زوجـها

ضليـت صافنه وافكـر فززتـني من كـالت
فريده: ديري بالـج على خـالد لا يجـي يوم وهـم يصير بيـج مثل الي صار بمروه ويـروح لغيرج

فززت شياطيـن براسـي والتفكـير خبـلني صـرت اتخيـله يم وحـده غيري
فركت وجهـي بقـوة وكـمت دخلت غـرفة خالد ..

_"مروه"
وصلنا للـمكان الي بـي مراد دخلـنه اصوات الاغانـي عاليـه والگاع كلـها فلوس وبنـات لبـسهن فاضـح ويرگصن
وهوَ يذب عليهن فلوس ماحس اله ام خالـد سندت نفسها
عليه ونزعت شحاطتها والعوچيه بيدها وشمرت الشحاطـه عليه تفاجأ وضل يباوع علينا مصدوم خالد كتف
ايـده وضل يباوع راحت عليه كسـرت العوچيه على ضهره
عفتهم وطلعت وخالد راح يبعـد امه عن مراد شوي واجو وياهم مراد وجهه مطعون احمر
صعـدو بالـسياره ومـبين عصبي هاي فوك عمـلته اله عـين درت وجـهي على الجـامه مالي خـلك خـاله كعدت ليكدام وهوَ يمـي

مراد: يمهه صـدكك تحجـين ليشش هيج تضربينيي جاهلل انيي جاهلل

ام خالد:بسسس بسس صوتكك ما اسمعه ولك كاعـدلي بـين الك** واله عينن يحجيي حـسابك بالبيـت