Unicode
ကျောင်းအဝင်ရှေ့ ခင်းကျင်းထားသည့်ကော်ဇောနီရဲ့အလယ်တည့်တည့်မှာရပ်နေရင်း မျက်ဝန်းဝိုင်းတို့ဟာ ကျောင်းအပေါက်ဝသို့ အကြည့်မပျက်။
လွယ်အိတ်ကြိုးစလေးနှစ်ဖက်ကိုလဲ လက်တစ်ဖက်စီကိုင်ထားရင်း လည်ပင်းတစ်ဆန့်ဆန့်ဖြင့်မျှော်နေသည်မှာ အချိန်အနည်းငယ်ကြာနေပြီဖြစ်သည်။
နာရီကိုကြည့်လိုက်တော့ 7နာရီကိုညွှန်ပြနေသည်။
" ဘာလို့မလာသေးတာလဲ .. "
ကျောင်းဝင်အဝကို မျက်မှောင်ကျုံ့ကာအလိုမကျသလိုကြည့်နေရင်းမှ သူပြန်စဥ်းစားမိတာ။
သူတို့ကျောင်းချိန်က 9နာရီမှစသည်လေ။Brilliant အိမ်တော်မှသခင်လေးက ကျောင်းသို့အစောကြီးရောက်လာပြီး ကျောင်းထဲလဲဝင်ခြင်းမရှိသေးသည်မို့ သက်တော်စောင့်တစ်စုမှာလဲ ကျောင်းရှေ့မှနေရာမရွေ့ကြသေး။
သခင်မကိုတော့ ကျောင်းမှာအရေးကြီးအတန်းချိန်ရှိသည်မို့ စောစောလာရမည်ဟုပြောလာခဲ့ပေမဲ့ ရောက်စထဲကယခုထိတိုင် ထိုအဝင်ဝဆီမှနေရာမရွှေ့သေး။နာရီလက်တံတွေဟာတစ်ရွေ့ရွေ့။
မတ်တပ်ရပ်ကာစောင့်လိုက်၊ ညောင်းလာသည့်အခါ ငုတ်တုတ်ကလေးထိုင်လိုက်ဖြင့် ထိုနေရာမှတစ်လှမ်းမှမရွေ့။အချိန်ဟာ 8နာရီခွဲခါနီး ..။
တစ်ယောက်စနှစ်ယောက်စဖြင့် ကျောင်းသားတွေများလာခဲ့ပေမဲ့ စောင့်နေတဲ့လူကိုတော့အခုထိတိုင်မတွေ့ရသေးပေ။
ဂိတ်ဝရှေ့ရပ်နေသည့်သူ့ကိုမြင်တော့ ထိုလူတွေဟာအထူးအဆန်းသဖွယ်ကြည့်သွားရင်း တီးတိုးပြောသံတွေ။ထိုအခိုက် Melody အိမ်တော်မှ ကားတစ်စီးရပ်တန့်လာရင်း ထိုကားပေါ်မှ dannie ဟာဆင်းလာခဲ့သည်။
သူ့ကိုမြင်သွားသည်နှင့် အပြေးလာကာ .." Ian .. ငါ့ကိုစောင့်နေတာလား "
" မဟုတ်ပါဘူး "
တည့်တိုးဖြေချလိုက်သည်ကြောင့် dannie ပင်အီလည်လည်ဖြစ်သွားရသည်။