أسقطتني سقيما في فتون عيناها

Ch. 23

أسقطتني سقيما فــي فُتونِ عيناهـا ♡

ELYAAKOUBI Ikrame .. ✍︎

الفصل 2 : ✧ اغْدَقَتْنِـي صَبْــوَةً ✧

كان ساكت مربع يديه قدامو بواحد الوزن و الثقولية مرر الوسطى فوق شاربو بكل هدوء ونطق بصوت محجر و حرش فيه نبرة الجدية :" فيناهيا دابا ؟"

اسية مصدومة:" و...واش مكايناش معاك !"

تداركات ردة فعلها وتسرعها وهزات يديها جهة فمها كتخاول تخفي توثرها:" سمحليا ا سيدي ولكن معرفتش فيناهيا "

عاصي زاد فاقتران حواجبو:" وشكون غيعرف ؟"

خرج قدامها وردخ باب الجناح:" امتى اخر مرة شفتيها "

اسية:" غير هاد الصباح ا سيدي كانت معايا "

دخل لمكتب ديال جويرية وجلس فوق الكرسي ديالها لي مقرر يكون ديالو و اسية كتترعد واقفة جنبو ولكن على بعد امتار كيقلب فكاميرات المراقبة وشاف شريف شاد فيها من يديها وجارها و لقطات خروجهم من القصر فوق الموطور.. اسية حطات يديها فوق فمها مصدونة وحالة فمها من هول الكارثة لي دارت فتون كاين حضر تام للخروج من القصر وهي خرجات ومعامن.. مع واحد من اسياد القصر..

طلق واحد نفس جاحض، و هو كيخرج من التسجيلات بطريقة عني&فة كيضغط على الفارة لي مكتبانش بين يديه الكبيرة..

كانت مقابلة معاهم كتراقب حواجبو كيتحركو و ملامح وجهو كتتغير من البرودة لواحد الغضب غير ظاهر حيت صعيب يبدي اولا يبان تعبيرو وردود افعالو.. كانت كتشوف جميع تعابيرو وحواراتو ونظراتو باردة كانت مكتعرفش شنو كيحس ولا لاش كيخطط ولكن دابا كتشوف واحد الانفعالات ولو انها قليلة وغير ظاهرية كتشوف ردود الافعال فرجليه لي كتتحرك باستمرار تحت المكتب كيڤيبرلي.. وصبعو لي قرب يهرس ديك الفارة تحت من يدو.. كيفاش كيحركها بعدوا&نية

ابتاسمات بلاما تتدخل :" لقيتها "

نطقات بصوت داخلي مسمعو حتى واحد:" لقيت النقطة البيضاء فڨلبك "

و حيدات ملي شافتو ناض و كبتمشا لخطوات كبيرة مسرع.. حتى من خطواتو مختالفة على الايام العادية واخا تكون الحىيق فالقصر كيمشي بخطوات بطيئة و صغيرة غير مبال لاي حاجة.. خرج ومن وراه اسية كتندب على فخاضها.. حيت فتون غتخرج على راسها وعليها
ركب فطوموبيلتو لي كانت من نوع BMW و و تسمع صوت احتكاك العجلات مع الارض و الدخان لي خرج خلا غير العجاجة وراه متاجه لابواب القصر الخارجية... وقف طوموبيل فالزاوية كيتسنا دخولهم