ابناء الحسوم

Part1

لطفاً لا تنسون التصويت + التعليق بين الفقرات + متابعة لِـ حسابي ❤️

****************

استحمت و خرجت من الحمام و المنشفه على شعري ، فتحت الكنتور و أخذت بنطلون و قميص

و طلعت من غرفه بعد ما غيرت ملابسي توجهت للمطبخ ما لكيت ايشي ينوكل

رحت على الِـ اسواق

سدين الباب وراي شفت الشارع يصفر ولا طير بي حفت اطلع وحدي بهيج وكت

مشيت ببطئ لِـ اسواق

دخلت إلى اسواق ، بين فترة وفترة اطلع لِـ اسواق مرات انجبر اطلع بهيج اوقات بلشت اشتري الي محتاجته دفعت الفلوس وطلعت حسيت الطريق صار طويل ردت بس اوصل لِـ بيت

حسيت على احد يمشي وراي وكفت درت وجهي ما لكيت احد صرت اقرأ آيات قرانية بداخلي حسيت بشعور محلو ، ما احس بس شخص واكف مقابيلي ما ابين اي شي من شكله

ردت احجي ما حسيت اله خله شي على انفي وكعدت الاغراض مني حاولت اقاوم فقدت الاحساس نهائياً

***

كان صوت قوي يضرب راسي، عبالي جنت أحلم من صار هيج وياي

فتحت عيوني بهدوء و اغلقتهما بسرعه بسبب الالم

سيلينا :- اخخ يا يماا راسي اجاي يصير

صرت اسمع صوت اكثر من شخص واحد

" ابين هيه اخر شخص "

" صح هو كال اليوم راح يجي اخر شخص ويكمل العدد وهسه هو شيريد منه تحديداً ، تعرف شراح يسوي بينا "

" كلامج صحيح بس كلنا متاكدين هو شخص مختل ماكو شخص عاقل يسوي مثل ماهو جاي يسوي وهو المسؤول بـ كلشي اجاي يصير "

فتحت عيوني اباوع على المكان اني الي بي ، جانوا موجودين شباب و بنات اكثر من شخص

أقتربت ابنية مني " انتي زينه ؟ تعرفين اشصار وياج شفتي الي خطفج؟ "

اردفت الشاب ابين عمره بـ عشرينات " شهل الغباء الي عندج اشلون راح تعرف الي خطفها اذا احنا ما عرفنا منو تتوقعين هيه تعرف، ثانيا اكيد مو زينه من راح تعرف هيه وين "

أغمضت عيوني بخدر و فتحتهما مَـرّھٌ ثانية ، هذا مو حلم هذا واقع صدك اني انخطفت

حاولت اكعد ساعدتني البنية الي سئلتني

سندت جسمي على الحايط ، باوعت عليهم واحد واحد عددهم كلش جبير

سيلينا :- ممكن احد يفهمني اني وين وشنو هل مكان

اردفت بهدوء

" اول شي لازم تعرفي هو انتي انخطفتي واحنا هم مخطوفين قبلج ماشي وانتي اخر شخص والسبب منعرف "

" احنا اكثر من شخص بس كلنا متوزعين بـالِـ بيت "

سيلينا: - واهذا يا مخبل يسوي هيج ويخطف كل هاي الناس لٱ وفوكاها كلنا بنفس البيت ، جاي احس بنفسي بشي لعبه مثل الي تصير بالافلام

اردف شاب متوسط العمر " شوف هاي اشكد فطيرة اشمدريج ما يبيع اعضائنا "

سيلينا: - اشلون عرفتوا اني اخر شخص؟

وجهت كلامي الهم

" هو كال هيج اني جنت الِـ 12 كال من يصير عددنا 30 شخص وهم احنا ما انشوفها لان هو يحجي ويانا من الجهاز حتى شكلها منعرفها اشلونها "

خفت من الي سمعته كرهت نفسي من طلعت من البيت بهيج وكت حتى معرف سبب خطفها الي وليش وشنو يريد منا

- السلام عليكم -

صدح صوت رجولي ومعرف من وين

واحد صار يباوع على واحد من الخوف عرفت هذا الشخص الي خطفنا كلنا، صرت ابجي من الي جاي يصير وياي حتى البنت الي جانت كاعده يمي كامت وكعده بـ زوية

قهقهه واردف" اممم راح انطي لِـ كل شخص رقم ، بس قبل كلشي خل نرحب بـ ضيفتنا الجديدة سيلينا اخر شخص "

انتهى