ابناء الحسوم

Part3

لطفاً تصويت + تعليق بين الفقرات + متابعة لِـ حسابي

الـحـياة رواية جمـيلة علـيك قـراءتـها
حـتى الـنهاية  لا تتـوقف أبداً عـند
سطـر حزيـن قد تكـون النهايـة جميله

**********

معرف شكد مر وقت لان اني الوحيدة بهَل غرفه الكل رجع لِـ مكانه الاضوية كله طافية متحكمين بينا بشكل مو طبيعي ومعرف وين نهايتي شنو بهَل مكان

اصير الساعه 6 صباحاً الكل يكعد اجباري من اليوم الي انخطفت بي منايمه ومعرف البقية اشلون نايمين عندهم الوضع جداً طبيعي اله انا ما كدرت،  معندي احد يسئل عن غيابي ولا اصدقاء تسئل عني حسيت بضيقة بسبب تفكيري بهَل موضوع

باوعت على المكان عبار عن ضلام
مستحيل انام والمكان اضلم من جنت ابيتي اخلي كل الاضوية خافته حتى اكدر انام

بجيت على حضي من يوم يومه حضي زفت بدات شهكاتي مسموعه

محد يهتم حتى وان سمعو مراح يهتمون كل واحد حاير بنفسه اشلون يطلع من هَل مكان

- ليش خطفوني

- اشسويت بحياتي حتى يصير هيج وياي

- ليش دائما مضلومه

- ليش معندي احد يسئل عني طول عمري عشت
وحيدة لا من اهل ولا من اقارب ولا من اصدقاء

سمعت صوت الباب ينفتح يدل على دخول أحد الرجال  أنزلت نظري ما مهتمه بس دخل لِـ غرفه الي بيه اباوع علي اشوفه شراج يسوي

اقترب عليه ف وخرت بسرعه عنه لطشت نفسي على حايط

- شتريد مني؟

- تفضلي لايت الرئيس دزه الج

لاول مره اشوف احد من الرجال يحجي بحترام من اول ما اجيت اسلوبه محلو وتعاملهم سيء عكس هسه يحجي وياي بكل احترام

رجع طلع شي من جيبة ورقة قدمه الي اخذته منه
وقريت المكتوب بيه " لهفهَ روحي تحملي بس اليوم وباجر راح اصفي كلشي "

- ما معقوله يطلع هذا صاحي من كل عقله يحجي انوب اشلون عرفني اكره الضلام عزه بعين العدو لا يطلع مهوس واين انطي وجهي

مددت على جرباية واخذت الِـ لايت وخليته قريب عليه ابد ما مرتاحه بـالِـ نومه الجرباية مكسرة ظهري وجعني منه نزلت على كاع خليت ايدي بشكل معاكس ونمت عليه نزلت دموعي ببطئ وغمضت عيوني احاول النوم

******

ريڤان

جنا كاعدين بالحديقة اني وعبير و سناء  وعمتي وامي سويت كيك كلنا ملتمين كعده نسوان