#الحَرير
#بقلم_ فاطمه _علي
حريراتِ ممكن تصويت+ وتعليق لطفًا🥹🤍.
ـــــــــــــــــــــــــــــــــــــــــــــــــــــــــــــــــــــ
هناك غيابات تترك أثرًا أعمق من أي حضور، تملأ الفراغ بصدى الذكريات
، وتجعل كل لحظة تمر وكأنها شهادة على ما كان ولم يعد.
ـــــــــــــــــــــــــــــــــــــــــــــــــــــــــــــ
نخلت ايد على حلكي وكال
- اشش بس اسمع كلام منج اويدج الربج
التفتت شفته ايمن نصدمت ايمن شجابه وبهاذه الوكت
حَرير: ايمن شجابك هسه عباس يكعد اذا شافك هنا يسوي مشكله
ايمن: حَرير ارجعيلي مجاي اكدر بدونج
ضحكت
حَرير: لو تموت مو حَرير التعرفه،حَرير التعرفها ماتت
ايمن: حَرير حبيبتي اعرفج كلبج طيب راح سامحين، تدرين مادلين هيه كالتلي تعال وعوف حَرير تضحك عليك واني صدكت
حَرير: ايمن ارجع مين ماجيت ماسامحك طول عمري
بعدني ماكملت خله
ووصله على خشمي وماحسيت بشي بعد،
حسيت وجع براسي مو طبيعي
حاولت أتحرك، بس جسمي جان ثكيل، ورأسي يوجعني بطريقة ما توصف. الرؤية جانت مغوشة، والألم يضرب بكل زاوية من مخي. أخذت نفس عميق وحاولت أستوعب وين أني، المكان كان مظلم، حيطانه باردة، وكل شيء ساكت إلا دكات كبي اللي جانت توجعني أكثر من الصمت.
تذكرت آخر شي شفته... إيمن!
هو آخر وجه مر علي قبل لا أفقد الوعي، يعني هذا مو كابوس، إيمن خطفني.
صرخت:
-إيييممنننن! حقير، تعال طلعني من هنا ليش جبتني
الصدى بس جان يرد علي، ماكو أي صوت ثاني. الخوف بدأ يزحف على صدري، بس ما جنت راح أستسلم. صرت أردد الآيات اللي علمني عليهن عمر، كل كلمة جنت أكولها جانت تطيني شوية أمان وسط هالظلام.
مر الوكت، وطر الفجر وأني بعدني على نفس حالي. جسمي صار أثكل، وعيوني بعد ماتكدر تظل مفتوحة، سحبت نفسي للحايط، وحسيت النوم يسحبني غصب.
فزيت شيء مشى على وجهي!
كعدتت برعب، رفعت إيدي لكيته إيمن!
جانن يمي، كااعد يشوفني بهدوء غريب، نظراته باردة مثل الحيطان الفرفه
صحت بوجهه
حَرير: وخر عني حقير لا دوسني وين رحت وعفتني هنا
ايمن: رحت اجيبلج شي تاكلينه
حَرير: ماريد سم ايمن رجعني هسه يدورون عليه
ايمن: انتِ جبرتيني اخطفج لو موافقه جان ماخطفتج
حَرير: لو تموت ماعيد الغلط مرتين
ضحك وكال عجل خليج هنا يمي للابد
أنت تقرأ
الحَرير
Fiksi Umumهذه القصة جزء منها ينبض بالواقع، والجزء الآخر تسلل إليه الخيال. هي مزيج بين ما قد يحدث وما يمكن أن يُحلم به، تجسد مشاعر وتجارب قد يعيشها البعض أو يتمنون عيشها. ليست حقيقية تماماً، لكنها أيضاً ليست بعيدة عن الحقيقة
