بعد دقايق وصلو المطار وجلسو يستنو طيارتهم اللي منشغل قاعد يقلب بجواله واللي نايم ونجلاء نايمه على كتف سامي ناظرت فيهم رغد وصورتهم توثقها كلحظه حنونه ونزلتها ستوري وجات عندها راما
تنطق:ابغى اصحصح امشوا نشرب قهوه وناخذ اكل عشان ناكل بالطياره
وقف خالد يحط يده على كتفها ينطق:تمم بس خليني اكلم ابوي عشان مايقلقون هزو رأسهم بالايجاب
كان احمد ماسك جواله ينتظر رساله منها تطمنه عليه
رجع خالد لهم بعد ماطمن ابوه ومشوا يتوجهون عند دانكن ياخذون قهوه جاء اتصال ل خالد
خالد:اطلبوا انتوا برد واجيكم اطلبو لي ايس كراميل
رد على اتصاله:ارحب يالقاطع
ضحك سعد ينطق :افاا والله ماني باقطع يالجداوي
خالد:ونعم فينا لكن انت خابر اني من ذراء نجد العذيه والا ناسي اذكرك؟
ضحك سعد بعلو صوته:ونعممم انفدا خشمك استغرب سعد من الاصوات اللي عنده ونطق:وين ديارك؟
خالد: ابد والله بالمطار رايح للرياض، آمر بغيت شي
سعد:تسلم متى راجع منزمان ماسهرنا عند بحر المجمع؟
خالد: ان شاءالله بعد يومين ماحطول وتمم بس ارجع نسهر عند البحر واسوي لك شاهي يحبه قلبك قاطع حديثهم رغد تنطق بنبرتها الأنوثيه: خالد يلا تعال القهوه جهزت وانت لسى ماجيت!
استغرب سعد حاس انه مر عليه ذا الصوت بس تجاهل افكاره وقاطع تفكيره صوت خالد: جاي ياروحي استنيني
سعد:يلا يابو سامي ماطول عليك روح تقهوا وبينا اتصال اول ماترجع
قفل من عنده وتقدم يحضن كتفها يضحك:ماتصبرين على فراقي اعترفي!
ناظرت فيه رغد بنص عين:لاتسألني هالسؤال وانت عارف
اجابتو اكيدا مااصبر على فراقك احوبك اناا
ضحك بعلو صوته ووصلو عندهم وبدأو يشربون قهوه ماعادا نورا اكتفت بـ مويا ودونات بعد انتهاء قهوتهم توجهوا يشحنون شنطهم لان بعد ساعه طيارتهم
بعد مده خلصو من الشنط،بعد ساعه ودقيقين سمعو صوت نداء موظفة طيارتهم عشان الرحله
بيت سلمان:
تالا:بابا اليوم بيجي صاحبك هذا اللي ساكن بجده؟
سلمان:اي نعم بيجي اليوم التفت على منى: ودي ارسل إبراهيم يستقبلهم من المطار وامكن اخليهم يجون عندي ينامون!
هزت رأسها بالايجاب: احسن ماتسوي اول مايصحى إبراهيم كلمه يروح يستقبلهم ذولا ضيوف زوجي الحبيب
ضحك بخفه يناظر ببطنها ويمسكه: لاتشتلغي البنات والعاملات موجودين لاتتعبي نفسك ولدنا يحتاج راحه
منى: ليه ولد امكن بنوته وتطلع زي امها جميله وحنونه
سلمان: الله يجيب اللي فيه الخير اهم شي يجي بصحه وعافية والباقي مو مهم،حضنها يمسك ويحط كفه على بطنها يطمنها كل شي بيكون بخير
بالمطار الساعه٨:
كان واقف يستناهم وبعدة الانتظار شاف سامي وعائلته
ومعاه بنات لفت انتباه من شافها تعدل طرحتها وحايسه عقد حجابه مستغرب من مناظرهم هو مو متعود على هذي المناظر اخواته يتحجبون بس ذولا مافي احد متحجب الا وحده وهيا راما تقدم يسلم على سامي وخالد ونزل نظره تحت يسلم على نجلا: شلونك ياخاله عساك بخير؟
نجلا:طيبه ياولدي انت كيفك كيف امورك؟
إبراهيم:الحمدلله دام انتو بخير انا بخير واموري طيبه لف على سامي: ياعم ابوي موصيني استقبلكم بنفسي من المطار و اجيبكم عندنا تريحون
سامي:الله يرضى عليك انت والوالد واحنا بناخذ فندق
قاطعه إبراهيم ينطق:تبي الوالد يذبحني خليت صاحب عمره يستأجر فندق وبيتنا موجود لا والله تجون معي
كان يتكلم بينما نورا كانت تناظر طريقة كلامه وابتسامته وخجله واحترامه وحلفه على ابوها يجون عندهم بالبيت قاطعتها رغد:
شفيك من اول اتكلم معاكي فين مهوجسه؟
لف عليهم يناظر فيها ونطق: يلا نمشي ياعم سيارتي برا!
خالد:انا استأجرت سياره بروح فيها مين حيروح معاي
إبراهيم:عيب يارجال تستأجر وسيارتي موجوده!
خالد بضحكه:ماتقصر لكن مانبغى نكلف عليك كلنا انت شايف كم احنا ماشاءالله عددنا كثير على الاقل نتقسم هز رأسه ابراهيم بالايجاب
والاب سامي ونجلاء الام ورغد ونورا تقدمو يركبون مع ابراهيم واحمد وراما مع خالد وتوجهو يمشون وراء ابراهيم عشان البيت كانت تناظر فيه بالمرايا وبادلها واول ماحط عينه ع المرايا شالت أنظارها وتتوجه للشباك تفتحه وكانت تناظر جمال الرياض وجوها الدافي نوعا مابين هوا خفيف وتقدمت تصور وهو كان يناظرها كيف مبسوطه وتسولف مع رغد اختها قاطع تفكيره وتأمله نجلا : معليش ياولدي اذا ماعليك كلافه اذا في محل ورد ع طريقنا ممكن توقف عندو؟
إبراهيم: ابشري ذحين اشوف
زفر يستغفر الشي اللي سواه مايرضي لا ربه ولا دينه هو تهور بنظراته مايبغى ربي يغضب عليه لكن ماقدر يقاوم جمالها كان تايه فيها لكن استوعب انه تربى على مبادئ الشريعه واصولها وماتعود يناظر ببنات الناس كيذا، بعد مده يدور فيها محل ورد واخيرا لقى وقف ونزلو سامي ونجلا ياخذون ورد وشكولاته وهذا من طبع نجلاء
ماتحب تدخل بيت احد ويدها فاضيه،
وبقو رغد ونورا في السياره، كان في سيارة عيال جنب سيارة إبراهيم ويناظرون في نورا ورغد هو لاحظ نظرات العيال نظرات خبث وحس ب شي يشابه شعور الغيره مايدري ليه حس بهالاحساس كان يحترق من نظراتهم هو زي مايغار على اخواته غار عليهم ومنظرهم لحاله قاهره قفل الشباك وناظرت فيه نورا: ليه قفلت الشباك؟
إبراهيم: اعذريني يابنت سامي انتِ شفتي نظرات العيال وانا ماودي بالمشاكل انتم زي خواتي لو احد تحرش فيكم بيصير فيها مشاكل وشرطه وحاله عضت شفتها تناظر فيه بالمرايا بعد مده شالت نظرها من عيونه تتكي راسها على وراء وتناظر الشباك نطق بنبره هادئه:
اذا تبين الشباك افكه لك بعد مانمشي،اكتفت بالسكوت ولا ردت
وهو لاحظ سكوتها هو ماله اي حق يتدخل فيها بس ماقدر هو طبعه كيذا الغيره ف دمه حتى على بنات الناس يغار واللي مايرضاه على خواته مابيرضاها على بنات الناس لاجل كيذا انتبه عليهم وهي شافت حرصه عليهم بعد انتظار٥ دقائق:
طلعت نجلاء ووراها سامي من محل الورد يتوجهون يركبون سيارة إبراهيم وحرك يتوجهه للبيت فتحت منى الباب وخلفها تالا وسارا تقدمو يدخلون البنات وامهم
منى: يامرحبا حياكم الله اسفرت وانورت
نجلا: تسلمي ياحبيبي ماتقصري كيفك ايش اخبارك؟
منى:الحمدلله بخير انتوا كيفكم عساكم طيبين؟
نجلا: الحمدلله،والله احنا بخير وكويسين الحمدلله قدمت نجلاء بوكيه الورد والشكولاته لـ منى: خذي ياحبيبي واعذريني ع القصور
منى: ياروحي انتِ ليه كلفتي على نفسك مافي داعي ولا في قصور
نجلا: لا كلافه ولا حاجه!
وتقدمت نجلاء تسلم ع سارا وتالا وكذلك منى سلمت ع رغد وراما ونورا ودخلتهم جوا لمجلس الضيوف
منى: كيفكم يبنات عساكم طيبين؟
كلهم ردو بـ الحمدلله كويسين انتِ كيفك!.
تقدمت سارا تصب القهوه لهم وخلصت من نجلاء وتقدمت عندهم اخذت راما الفنجال بس رغد ونورا هزو رأسهم بالنفي تنطق نورا:مانشرب قهوه عربي ياقلبي يعطيك العافيه. هزت رأسها سرا بالايجاب وراحت تحط الدله على الطاوله وتتقدم تجلس بجانب امها واختها
نجلا: ماشاءالله حامل بالشهر كم؟
منى ضحكت بخفه: والله توني بالرابع حتى جنس الجنين باقي ماعرفته هو بنت والا ولد!
نجلا: اهم شي يكون بار فيكي انتِ وزوجك وصالح لدينو
منى: ياررب الله يسمع منك ويرزقك انتِ بالذريه الصالحه
نجلا بضحكه: لا انا اكتفيت الحمدلله بـ٥ عيال ماابغا اجيب احد بعد رغود
منى: والله انك صادقه تقهوي تقهوو يابنات لاتستحون
تالا وسارا تقدمو يجلسون عند البنات ويتعرفون عليهم
سارا: ياهلا ومسهلا تو ينور البيت اخيرا عرفنا بنات صاحب بابا دايم يتكلم عن عمي سامي بس ماقد عرفناكم
نورا: ياهلا فيك والله تشرفنا والله حتى بابا يحكينا عن ابوكم وكيف علاقتهم مع بعض ولو مو عزيمه وعمو حلف على بابا ماكنتي شفتينا اصلا !
ضحكو بعلو صوتهم وكملو سوالف وضحك وقاطع حديثهم منى: سارا ياأمي قومي انتِ وتالا خذو العشاء اخوكم حطه عند الباب هزو رأسهم بالايجاب وقامو
ونطقت نورا : مااقدر اجلس حقوم اساعدكم
تالا: لا يبنت والله مافي داعي قاطعتها: في داعي وحجي بس شوفو اذا مافي احد عشان مو لابسه كويس
وتقدمت رغد: اجل حتى انا حقوم اساعدكم!
سارا:مافي احد اكيد حط الاغراض وطلع
وطلعو يتساعدون وتقدمت نورا تطلع وهوا باقي ماخرج يدخل السلطات والعصير وطلعت وصنمت مكانها لان لبسها مو محتشم اكتافها طالعها وبطنها ولابسه جينز ماسك يبرز جسمها هويحسب اللي قدامه وحده من اخواته نطق:سارا انا بدخل الصحون وانتِ خذي السلط..
صنم مكانه من شاف الانسان اللي على هيئة بنت ويدل عليه انها مو وحده من خواته لف على وراء مخروش:اخو سارا وطلعت مخروشه صادفت سارا ووجها محمر عضت شفتها تنطق: مو قلتي اكيد خرج اخوكي ماخرج وشافني وانا مو متستره اووف ذحين بيجي بباله اني دخلت عمد
ضحكت سارا: ابراهيم مو كيذا عادي انا بفهمه!
تقدمت تدخل عند إبراهيم وتناظره مخروش ووجه محمر ضحكت بعلو صوتها تردف: خرشت البنت كانت جايه تساعدنا وتطلع انت بوجها مسكينه حتى هي خافت!
ضحكت بخرشه: وشدراني احسبها انتِ طيب قولي لي بتدخل تساعدنا عشان ادخل الصحون واطلع!
سارا: خلاص حصل خير..
ابدئو يومكم بذكر الله والصلاه على النبي
لاتنسوني من دعمكم
منشنوني على مقاطعكم على الروايه بالتيك❤️
