طلعت سارا وناظرت فيها نورا وعضت شفتها تحط كفوفها على وجها ناظروا في بأستغراب جات رغد عندها:
نورا حبيبي ايش فيك؟ تعبانه تبين مسكن؟
سارا بضحكه: تبغى عصفر وانتِ الصادقه
تالا: ليه ايش فيها من ايش خافت!
سارا:دخلت على إبراهيم بالغلط وكلهم انخرشو من بعض
ضحكو كلهم على وصف سارا منظر نورا وشكلها
رغد: لايكون اللي جابنا من المطار وقفل الشباك عشان العيال حارشونا!
تالا بصدمه: كذاابه! إبراهيم سوا كيذا !
سارا: ايش صار تكلمو بسرعه مافيني صبر!
رغد: ماما طلبت من اخوكي يوقف عند محل ورد عشان تجيب لي مامتك ولقى اخوكي محل ووقف وكانوا واقفين جنبنا ٣ عيال يناظرون فينا انا ونورا واخوكي الغيور قفل الشباك علينا عشان مايتهوش معاهم بس هذا اللي صار!
نورا:صح نظراتهم كانت نظرات خبث بس اخوكي مايحق له يسوي كيذا بابا موجود هوا يتصرف
تالا: معاك حق بس هوا كيذا طبعه غيوررر بشكل حتى على ناقته يغااار مرا عليها مايبغا احد يلمسها غيره
رغد: اما يغار على نااقه ماتوصل!
سارا: هذا الواقع حبيبتي المهم خلونا نجهر الاكل
جهزو الاكل ع طاولة الطعام وبدأو ياكلون ماعادا نورا ورغد وتالا مايكلون لحم واكتفو بس بالرز
رغد: ودي اعرف وش سر حبكم للحم؟
سارا: انا نادر اكله يعني وقت العزايم بس
راما:حتى انا ماكل كثير اكتفي احيانا بالرز بس اكل
كم قطعه بس
تالا: اجل لازم ناخذ احتياطاتنا لعزيمة بكره ونطلب من مطعم لان كلنا ماناكل لحم بس امهاتنا
خلصوو اكلهم وتقدمو العاملات يشيلون الصحون ويرتبون الطاوله
تالا: يبغالها احلى قهوه وجلسه بالحديقه والا؟
رغد: اااااخ اي والله مشتهيه ايس دريب ناظرت تالا سارا بخبث وتأففت سارا: قولو غيرها ماحبها ماحب اسويها
تالا:شفيك ترا ماراح تتعبين الطحانه آله ماراح تتعبين بالطحن ضبطيها لنا سوسو
نورا: ولايهمك انا حساعدك بس فين المعدات
سارا: لبى اللي مايخليني المعدات بالمطبخ تعالي
راحو للمطبخ وبدأو بتحضير القهوه وكانت سارا تحضر القهوه باستمتاع لانها تعرفت اجمل على ناس وشافت شخصياتهم واسلوبهم خلاها تحبهم ومو بس هي حتى هم بادلوها الشعور هي وتالا، وانتهو من القهوه واخيراً
واخذت السيرفر نورا وصحن الشوكلت وسارا اخذت صحن التقديم وفي اكواب على عددهم وتوجهوا يطلعون لحديقه البيت اللي هي بالحوش وجلسو على احدى الجلسات
رغد:جات بوقتها حرفييا!
سارا: راح تذوقي الذ ايس دريب من تحت يدي انا ونورا!
نورا: تسلمي، الله يعطيكي العافيه ماقصرتي
تالا: كلكم ماقصرتو وكملو جميلكم ويلا صبو لنا
بدأو يرتشفون من القهوه ومستمتعين بلحظاتهم هذي
جات رغد رساله من وكادي يتصلون عليها لان في شي ضروري بتقوله لهم!
قامت رغد تنطق: عن اذنكم عندي مكالمه مهمه التفت على تالا تردف: فين اروح عشان النت؟
تالا: عادي اي مكان البيت فيه ارسال بكل مكان
هزت رأسها بالايجاي تتقدم تروح تجلس على الكنبه اللي قريبه شوي منهم وتتصل في القروب وردو كلهم
كادي: بناااات تخيلو ايش صاااررر!
كلهم ردو بحماس: ايش صاار!
رغد: واضح في شي حاصل ب جده او بالمدرسه صح!
كادي: ايوا تذكرو الاستاذ سعد؟
اردفت رغد: نفتكره ايش صاير له؟
كادي: طلع ساكن معانا بالمجمع وصادفته اليوم بيتو عند سوبر ماركت المجمع طلع قريب منكم يارغد!
رغد بصدمه: منجدك؟
شروق: يعني بتصادفينو بالمجمع وبالمدرسه حلو
رغد عضت شفتها بتوتر: شدخلني بأهلو مايهم اصلا
شروق: صح صح مايهمك المهم كادي المهوس كلمك؟
كادي بضحكه: لا مختفي اليوم بس دخل يتطمن وفتحت الرساله والا رديت وواضح بيرجع ليا الحركه مادري
شروق: ليه ماتبلكينه؟ ماخفتي؟
كادي بنبره حزينه: جالسه اتسلى يعني هوا صار يومين من دخل لي بس مادري حسيت هوا جالس يسليني
رغد سمعت البنات ينادونها واردفت: بنات انا حقفل انتبهوا لنفسكم باي، والمهووس اذا رجعت جده نشوف حل له لاتخافي ارسلت لهم بوسه وقفلت تتوجه لهم
نورا بنعاس: احس غلبني النوم
سارا: بدري تو الساعه١١ والا انتِ تنامي ذا الوقت؟
نورا: لا بس مانمت كويس بالطياره ومرهقه عشان كيذا
تالا: حتى انا نعست واصلا المفروض نايمين لان العزيمه بكرا ومابيمدينا ننجهز بدري!
سارا: اجل يلا نقوم، اخذو اغراضهم ودخلو يودونها للمطبخ وتوجهو ينامون مع بعض لان مافي بغرفة الضيوف الا سرير واحد ونامو فيه سامي ونجلاء
