وصلو البيت بعد مااخذو قهوتهم وعاشو يوم حلو مع بعض وفضلو يقضون يومهم كامل بما ان سفرتهم بكرا
تالا: شرايكم نتابع فلم؟
مناهل بضحه: تم بس خايفه انام مع الفلم
سارا: طيب شرايك تنامي عندنا بما ان بيتكم قريب
مناهل: مادري بشوف مروان اذا بيكون صاحي جلست
سارا: معليك انا اوصلك وترا بيتكم قريب نروح مشي عادي
مناهل: مستحيل الوقت متأخر نروح بسياره افضل
تالا: خلاص اجلسي وسارا توصلك او انا اوصلك
سارا: تشربون شاهي اسوي؟
رغد: نورا تعرف تضبط شاهي بـ نعناع يمييي
تالا: حمستينا نبي نذوق
نورا اشرت على عيونها: من عيوني حيجيكم الذ شاهي من يدي بس اول شي ابغى اغير لبسي بلبس بجامتي وبعدين اسوي بس لازم وحده منكم تجي معايا، اشرت على تالا وسارا
تالا: انا بجي معاك بس اطلعي البسي وتلقيني بالمطبخ
نورا: تمام احصلك هناك، طلعت تتوجه لـ غرفة سارا تطلع شنطتها فوق السرير وتاخذ بجامتها الموف تلبسها
وتتوجه عند التسريحه تضبط شعرها وتبخ من عطرها وتنزل تحت للمطبخ، كان جالس بالصاله وشافها نازله من فرق وعرف انها مالاحظته لانها توجهت للمطبخ فز يحلقها ودخل ولقاها هي واخته اردف بـ: السلام عليكم
والتفت عليه وماردت من توترها مانست لحظة تقاربهم
وردت عليه السلام اخته والتفتت على نورا: نورا حبيبي بودي المكسرات والفشار واجهز الجلسات وارجع هزت راسها بالايجاب نورا وطلعت تالا وبقو اثنينهم بالمطبخ
إبراهيم: ترا السلام واجب
التفتت عليه ونطقت: وعليكم السلام وعارفه انو واجب
إبراهيم: طيب ليه مارديتي اول
نورا: ماسمعتك احسبك تكلم اختك
إبراهيم: تعرفين تسوين شاهي؟
نورا بنبره أُنوثيه: اكيد، يحبو الشاهي من يدي اعرف اضبطو مو اي شاهي شاهي نعناع يمييي
إبراهيم: لازم نذوق عشان نقيم امكن يجاملونك
نورا:ماحد يجاملني وانا حذوقك ونشوف حتطلبني اصب لك مرا ثانيه وانا حقول لك لا
إبراهيم:خلاص طبخ صبي لي والا جالسه تتهربين
نورا التفتت تدور الاكواب ونسيت من فين تالا اخذتها
راح يفتح احد الادراج وياخذ الكوب ويمده لها والتفتت تاخذ الوقايه وتمسك البارد بحذر عشان ماتنحرق وتقدمت لعنده وصبت له ومدته: يلا ذوق
إبراهيم رشف رشفه منه وعجبه مو لانه حلو لانه من صنع يدها جلس يرشف وناظرت فيه بأبتسامه ومكتفه يديها وتنتظر الاجابه
إبراهيم: لا طلع زين احسن من الشاهي اللي يسويه عامل العزبه ضحكت بخفه: انا الشاهي حقي مايتقارن لذيذ وقلت لك، فتحت جوالها تكلم وخلت الجوال على الطاوله مفتوح ب السناب وهو استغل الفرصه رغم انه مايبغى يجيها مع ذا الطريق بس الشيطان اولا والضروف ثانيا
مسك جوالها يدخل على السناب ويطلع جواله يصور اليوزر ويرجع الجوال مكانه ويلف عليها: انتِ بالجامعه؟
نورا: ايوا ليه؟
إبراهيم: بس أسال ايش تخصصك؟
نورا: هندسه، وانت؟
إبراهيم بضحكه: لا والله انا ماادرس جامعه انا تاجل بالابل بس الامور ذي مالي فيها
نورا بصدمه: مستحيل انت مادرست جامعه؟
ابراهيم: لا والله شفيك مستغربه؟
نورا: هذا مستقبلك وانت كيذا ببرود تتركو!
إبراهيم: كنت بـ قدم في جامعة ابوي بس ماقبلتني وفقدت الامل وقلت خلاص اجلس ارعى الحلال
نورا: تبغاني اقدم لك بجامعتنا بجده وممكن يجيك قبول عندنا؟
إبراهيم: ماعندي مشكله قدمي
نورا: طيب اعطيني رقمك عشان بياناتك الشخصيه
انصدم ونطق: اكيد سجلي عندك وبدا يمليها الرقم
نورا: تمام اي شي حيصير بأرسلك وتوجهت تاخذ صحن الاكواب والشاهي وراحت الجلسه اللي بالحوش وتحط الشاهي ع الطاوله: كويس حطيتو الجلسه هينا لازم ناخذ صوره المكان يجنن
سارا: مررا اخترت تكون قدام الرنج عشان الصوره تكون حلوه يلا احترفي
بدأت نورا تصور باحتراف وتدقيق من كل زاويه
راما: خلاص تصوير يلا نجلس ونشوف الفلم
رغد: ليكون اخترتو فلم رعب؟
تالا بضحكه: ياخوافه اخترنا فلم رومانسي معليك
رغد: جوي الرومنسيه ايش هوا تركي والا اسباني والا امريكي والا روسي؟
مناهل بضحكه: مابقيتي شي الله يصلحك
تالا: منجدد وش ذا اخترت فلم جورجي مرا حلو شفت له اعلان بالانستا والتيك واعجبني
رغد: تحمست مررا يلا شغليه
قامت سارا تصب الشاهي وتوزعه عليهم وتالا جالسه تشغل الفلم ورغد تحط المخدات عشان لو نامو واشتغل الفلم وجلسو يشربون الشاهي وياكلون من الفشار ووجات لقطة أحضان ونطقت تالا: يالله ابغى اتزوج عشان يحضني عند البحر بعدين
نورا بضحكه: تعالي انا احضنك يروحي
راما: منجد ياخي شعور الحُب حلو بس احلى لمن يكون بالحلال
التفتو على رغد من شافت البطل وهو يخون حبيبته: بنات خانهاا حرام ماتستاهل
راما:شفتو لمن اقولكم احلى بالحلال لان هيا ايش استفادت حبتو وخانها
نورا بنبره حزينه:كل الرجال خاينين مو معقوله ايش سوينا احنا؟
تالا:حبيبي انتِ وهي فلم فلم استوعبو
مناهل: حتى لوو فلم حتى بالافلام خاينين ولاعّبين
سارا: خلاص اسكتو عشان نشوف ايش نهايتهم
بعد مرور ساعه ونصف خلص الفلم ونهايتهم زواج واطفال وعائله متكونه من شخصين و٣ اطفال
رغد: اوووف ماكنت ابيه يخلص نهايتهم تجنن
تالا:معقوله الزواج كيذا يعني بيحبني؟
نورا: اكيدد يعني دام مايحوبك ليه حيتزوجك!
تالا: لان ياحبيبي مافي عيال بهالزمن يحبون احسهم لاعّبين وخصوصاً عيال جده والرياض بس يتميلحون واذا حبو وتزوجو عن حُب جلسوا يشكون يعني مريضين اللي كيذا الله لايبلانا
رغد: بالعكس لاتعممين مو كلهم كيذا بنت خالتي تزوجت عن حُب وذحين معاهم ولدين وحامل كمان وحياتهم مافيها شك
راما: بس لانه ماعطتو مجال يكلمها قبل يخطبها كلمها مرتين بس رغم انهم يحبون بعض
سارا: خلاص شيلو سالفة الحُب والزواج
مناهل ناظرت الساعه: بنات لازم امشي، مرا تشرفت فيكم وانبسطت معاكم شكراً ع اليوم الحلو
نورا: يماميي انتِ شكرا اننا عرفناكي
سارا: يلا بوصلك البسي وانا بروح البس عبايتي
كل وحده راحت تلبس عبايتها وطلعو يركبون السياره وتشغلها سارا وتأشر لـ تالا تفتح الكراج عشان تطلع وفتحت الشباك: لاتقفلينها بروح واجي ماني مطوله
حركت السياره تتجه لبيت مناهل وبعد ثواني وصلت ونزلت مناهل وآشرت لـ سارا تروح بس سارا هزت راسها بالنفي تبي تتأكد انها دخلت بسلام والتفتت ع نور السياره وكانت بتمشي لانها تأكدت من مناهل انها دخلت بس نزل مروان من السياره متجهه لـ عندها وهي نزلت لانه طلب منها
مروان بهدوء : ليه ماداومتي امس؟
سارا: مستحيل خلاص انا استقلت واعتقد شفت الورقه ع المكتب صح؟
مروان بسخريه: واستقالتك مرفوضه شوفي اعتذر اني قللت ادبي عليك انا كنت اختبر صبر الموظفين عندي
سارا: معليش ماقدر اداوم واستقالتي بتقبلها جات بتركب بس قفل باب السياره وقرب شوي عندها: اسمعيني يابنت الناس استقالتك مرفوضه وانتِ موقعه عقد عندي وقريتي كل الشروط اللي فيه وحتى اتوقع انك ماقريتيه من ضمن الشروط ان اذا المدير رفض الاستقاله ف مايمديك تتركين الشغل وانا رفضت استقالتك داومي بكرا والا بينقص راتبك
ناظرت فيه ولا رمشت رمشه بعد عنها وركبت سيارتها ورجعت البيت وحصلت البوابه مفتوحه نفس ماهي دخلت سيارتها وقفلتها ونزلت عندهم: ماجاكم نوم؟
راما: الا والله غلبني النعاس المشكله ماما ماقالت اذا بكرا بنرجع جده او لا وربي فيصل بيعصب
رغد بغمزه: اجل فيصل ها
راما: كُلي تبن انتِ وتفكيرك وسخه
ضحكت بعلو صوتها: امانه تحوبيه؟
نورا: الصدق ماصدقت لمن قلتي اعجاب عيونك فيها لمعة حُب
راما: عنكم ماصدقتو وقامت تتوجه تطلع لـ غرفة تالا
رغد: شفيها ليكون زعلت ماقُلنا شي شخصنت
تالا: ماشخصنت استحت ماتبغاكم تسألونها عن هذا الموضوع
سارا: ايوا لاتناقشوها كثير ،يلا نطلع ننام عشان اذا مابتسافرون بكرا نطلع مع بعض ويكونو امهاتنا معانا نطلع ننبسط قبل السفره
رغد: تمام بس نلم الكركبه اللي هينا ونطلع
سارا: باخذ معايا الصحن هذا والباقي تصرفو انتوا
مسكتها نورا تهمس: فيكي شي؟
سارا: لازم اقولك عشان تساعديني
نورا: اشبك؟
سارا: تعالي الغرفه عشان احكيك
لحقتها نورا ودخلت وقفلت الباب وراها:حكيني ايش صار؟
سارا: شفتي اخو مناعل اللي قابلناه بالمخيم؟
نورا: ايوا اشبو؟
سارا: هذا صاحب الكُافي اللي اشتغل فيه
نورا: منجدد؟ طيب كملي
سارا: المهم بختصر لك في مرا جاء وماكنت اعرف انه صاحب الكافيه وجاء طلب قهوه وانا لانها تتعبني القهوه هذي اخلاقي صارت تجاريه وحاول يستفزني لمن جبت له القهوه ويقول طعمها مويه ومدري ايش ولمن تعدا حدوده كبيت القهوه عليه ورميت المريله بوجهه ومشيت وهوا جاء يكلمني لمن وصلا مناهل وقالي استقالتك مرفوضه ارجعي بكرا داومي وانا ماابغى ومو فاهمه لييه يبغى يرجعني ليه مايبغى يقبل استقالتي؟
نورا: يمكن شاف شغلك كويس ومايبغى يفرط فيكي؟
سارا: مااعرف ماابغى اداوم وهو يقول لو ماداومتي بينخصم من راتبك
نورا: طيب داومي وشوفي ايش حيصير وقتها
سارا بتردد: مادري محتاره
نورا: قومي صلي الوتر واستخيري والله يكتب اللي فيلو الخير وايقني تماما انو ربي حيختار لكي الخير وكلي امرك لـ ربي ومسحت على كفها
سارا هزت راسها بالايجاب وقامو اثنينهم يتوضون ويلصون الوتر جماعي وكل وحده تدعي بالدعاء اللي يريح خاطرها
الحمدلله دائم وأبداً
يهمني رأيكم عن الروايه شاركوني بمقاطعكم
عن الروايه ومنشنوني عليها❤️
اذا فيه اخطاء أملائيه ف اعتذر لاني كتبت بعضها وفيني نوم
