*DALAL DALEEL*
By Fateema Mrs Ahfat
Mikiya writers association
Bismillaahir-Rahmaanir-rahim
Page 4
Firgitantun idanun sa dake dauke da zallar ɓacin rai da takaicin maganganunta ya dubeta cikin cool voice dinsa kamar mai raɗa ya ce" idan baki da aikin yi ni ina dashi, yana gama fadar haka ya wuce sama,ya barta tsaye kamar wata wawiya sai ma murmushi da ta yi ko ba komai dai taji dadin jin muryar sa, ajiyar zuciya ta sauke ta juya da niyar komawa ta zauna ta ga Hajiya tsaye ta ka feta da ido tana kallonta, karasowa gaban ta Akleema ta yi ta ce" Hajiya har kin sauko?" gaskiya Yaya DAL! Mugun miskili ne hakan na cikin abun dake kara burgene dashi...Fisgo hannunta da karfi Hajiya ta yi tana jifarta da mugun kallo murya a kausashe ta ce" me ye hadin ki dashi da zaki masa magana?" Toh wlh Mundin na sake ganin kin masa mgn ko ki ka taka kafar ki ki ka je gunsa sai kin bar gidan nan bari na har abada kinji ko?" Cikin jin haushi ta fisge hannunta daga rikon data mata rai bace ta ce" Hajiya ban so na fada miki komai yanzu ba amma ya zama dole na fada miki ni Akleema son DALEEL nake, so mai tsananin gaske sai dai duk abunda zaki yi ki yi kuma da kike cewa zan bar gidan nan toh ki sani zama yanzu na fara ina nan ba inda zani sai dai kawai ki ɗau hakuri Hajiya nan ba da dade waba zan sama tsurkuwa ga da daya tilo a cikin wanan ahalin, kin sanni na sannanki ba abunda zaki iyamin daga ni har abin kauna ta Hajiyar mu"ta fada fuska dauke da murmushi. Kallonta Hajiya keyi cikin bacin rai da mummunan kudirir da ta gama yanke wa a ranta zata ai watar ya sata tsakin murmushin dole tana gera tsayuwar ta tare da furzar da iska daga bakinta ta ce" hakane na sanki fiye da yanda nasan kai na Akleema, tunda ke din raino nace bazaki fadamin halin ki ba, hmm! DALEEL ki ke so ba toh shikenan ki kwantar da hankalinki kamar kin samesa kin gama.
" Kallonta Akleema keyi a ranta cewa take hmm! Hajiya kenan na fiki iya barikan ci wlh duk inda ki kayi zanyi dai-dai dake, a fili kuwa cewa ta yi Da gaske Hajiya?" Kai Hajiya ta gyeda Sosai ma kuwa kedai kawai ki yanda dani samun DALEEL ai ba wani abu bane Hajiya ta bata amsa tana murmushi, itama murmushin ta yi ta ce" ngd sosai Hajiyar mu, yanzu dai yunwa nake ji me kika dafa mana ne kinsan nayi missing din ɗadɗadan girkin nan naki wlh.
Dariyar yake Hajiya ta yi ta ce" kije saman dining ki duba komai yana can ni kuma bari na wuce part din Daddy din ku nasan zuwa yanzu ya dawo Masjeed, toh kawai tace ta wuce dining table din,ita kuma ta fice daga part tana tunanin yanda zata bollowa lamarin ba tare da Akleema ta fahimci shirin taba, ta bangaren Akleema tunanin maganganun Hajiya da sauya kalamanta ya sata nunanin mafita cikin lokaci kaɗan kafin Hajiya ta kai ga cin nasara a kanta.
DALEEL kai tsaye bedroom dinsa ya shige tare da rage kayan dake jikinsa ya rage daga shi singlet da trouser, daukar laptop da wasu files din ya yi ya zauna saman lallausar sofa ya harde kafafunsa tare da daura laptop din saman cinyarsa ya shiga lasawa a hankali ya dauki kusan 30 minutes sannan ya lumshe idanunsa da yake jin sun masa nauyi-nauyi ga mugun yunwar dake damun cikinsa, goshinsa ya dafe tare da dan murzawa a hankali yana ambatun Allah a zuciya, ringing din wayarsa dake damunsa ya sashi dago kai tare da daukar wayar Aadil ya gani rubuce saman screen din ya sashi dauka tare da sawa a kunne yana sauraron Aadil da ke cewa" kai fa dan iskane wlh tun dazun nake ta faman kiran ka ƙi dauka sai yanzu kaga damar ɗagawa?" wai ma Ina ka shiga yau naje office ance baka shigo ba?"Idanu ya lumshe a hankali ya ce" wanne amsa kake so na baka aka a ciki?" Tsaki Aadil ja ya ce" yanzun kana ina?" Gida please ka shigomin da takeaway yana gama fadar haka ya kashe wayar bai da lokacin sauraran mai zaice a yanzu don bazai iya da surutan Aadil ba.
Boddo na kwance tana tunanin yanda zatayi ta fita da daddare da wannan tunanin har aka kira sallah mangarib ta fitoh tare da daukar bokiti ta cika ruwa aciki dakyar ta dauka ta kai bayi ta yi wanka rabonta da yin wanka kwana biyar kenan, kullun sai Inna tace tayi wanka idan ta masa mata sai ta shige bayi ta wanke fuska da kafafu ta fito tace ta yi, Inna na sane da abunda take kawai ta kyaleta ne, yau ma tsamine daya isheta ta yasa ta yi, tana fitowa ta yi alwala ta shige daki sallaya ta shinfi da ta-da sallah domin ko kadan bata wasa da sallah duk rashin kunya da tsiwa bata wasa da ibada ko kadan, tana idar wa tayi addu'a tare da daukar Al'kurani ta karanta sosai har akayi sallah i'sha tayi sannan ta bude yar karamar akwati ta zaro doguwar riga ta atamfa ja mai ratsin baki da fari tasa ta dauki kayan kwalliyar ta ta shiga fentawa a fuskar ta sosai tasha ado don yau din nan tana so tafi kowa daukar wanka a fatiy so take ta yi rawa sosai ta gwangwaje duk wanda ya fada mata ba dadi ta ci kaniyar mutum don ba wanda zai ta ɓata ta kyale ko shi waye, da haka ta kammala ado ta shirya saf tana jiran Baffa ya shiga ta tsulale ta fita.
Baffa bai shigo gida da wuri ba kamar yanda ya saba shigowa yau ya saya hira da Baba malam a zaure kamin ya shigo, yana shiga kuma ya rufe kofar gida, dakin Boddo ya nufa da niyar dubata kamar yanda ya saba ko yaushe, tun shigowar Baffa gidan ta ji sanin inya dawo sai ya leko dakin ya sata sarin hayewa kan gadonta ta kwanta ta ja bargo kamar wacce take bacci, Baffa na zuwa ya tura kofar dakin nata ya leka ganinta kwance ta na bacci,ya sake ja mata kofar dakin ya wuce dakin shi, jin ya wuce daki yasa a hankali ta lallabo ta fito daga daki ta rufe, a hankali ta fara takawa ta karaso kofar gida ta fara yun kurin budewa ganin asirinta zai tonu ya sata yanke shawarar hayewa katanga ta fita, dube-dube ta shiga yi kamar munafuka ganin ba kowa yasata fara kokarin haurawa katanga da kyar ta samu tayi tsalle ta kama katanga ta ji muryar Baffa na cewa" waye anan ?"ya yi maganar yana haska tushe jikin bangon, tsoro da firgici ne ya lulluɓe Boddo jikinta ya shiga rawa gashi itah ba'a sama take ba kuma a kasa ba, ga ilahirin jikinta dake rawa kamar mazari ta kasa taɓuka komai kafin ta yi yunkuri saukowa ta gudu ta ji saukar sanda a gadon bayanta ai batasan san da ta.....
07061204735
Comment and share please
Mrs Ahfat
