" حتى القمر والشمس ألتقيا
وأنا ومحبوبتي لم نلتقي ".
بقلم الكاتبه نور 🖋
اجيت ادخل على بيت جان اسمع شي جمدني بمكاني ما كدرت تحركك
ابو يوسف: جاسر اليوم احنا جينه حتى نطلب يد بنتك المحروسه اليوسف
جاسر: الي شرف ناسبكم بس نسأل البنت و نردلكم خبر
ابو يوسف: اي معك حق اسئالها و ردولنه خبر
يلا يوسف احنا نروح من رخصتك جاسر
يوسف : مع السلامه حجي جاسر
جاسر : مع السلامه كل الهلا بيك البيت بيتكم هيمت ما تجون كل الهلا بيكم
ابو يوسف: ما تقصر في امان الله
جاسر : الله وياكم
ينال: سمعت صوت ابويه راجع حتى يجي عليه
رحت على حجرتي بسرعه و كلبي يدك سريع
كلش تاذيت من الي سمعته يوسف يخطبني
ما احبه اريد وليف كلبي ما اوفق لو على موتي
شويه و ندك الباب
جاسر: ينال بنيتي كاعده
ينال تفضل يابه كاعده شبغيت من عندي سم
جاسر : سم الله عدوج بنيتي اليوم أجاءه ابو يوسف يطلبج الابنه يوسف شنو دكولين
ينال : يابه اني صغيره ماريد اتزوج كلها مو موافقه
جاسر : ليش مو موافقه يوسف خوش زلمه مؤدب
و مربي احسن تربيه و شغول عنده شغل و بيت و راتب نا بيه اي عيب حتى ما تاخذي
ينال : يابه اني ما تهمني الفلوس اني ما اريد اتزوج و بس
جاسر : فكري و استخيري و ردي خبر مو كبل ترفضين و ابوه طلبج مني لا ترديني فكري هسه
ينال: ان شاءلله خير ان شاءلله
جاسر : ان شاءلله بنيتي ان شاءلله
ينال: يابه محتاج بعد شي؟؟؟!
جاسر: لا بنيتي خلصت رايح انا رايح ما اوصيج فكري
ينال : ان شاءلله تصبح على خير
جاسر : انتِ من اهل الخير
ينال : طلع ابويه من حجرتي و راح على امي
كعدت افكر بلي راح يصير ابويه هسه يحجي وياي بطيب حتى ارضه كبل اذا ما رضيت يزوجني غصب
بس اني ما احب يوسف اني احب يعقوب شلون هسه خلي انام نشوف شنو راح يصير
نمت و اني الحيره ماكله راسي
كعدت الصبح دايخه من التفكير
غسلت وجهي و نزلت
ينال : صباح الخير يمه
ام ينال : صباح النور ابوج حجالي البارحه فكرتي شكلتي عليه
ينال: مو موافقه عليه اني ما احب يوسف
ام ينال : ليش ما تحبي شبيه يوسف زلمه حوك
بس لا تحبين شخص ينال يا ويلج لو عرف ابوج تحبين احد يدفنج انتِ و عايش
ينال: نزلت راسي و حجيت لا يمه وين احب ماكو احد بكلبي بس اني بعدني صغيره ماريد اتزوج
ام ينال : اي عبالي اني كتالج فكري بيوسف عود ردي خبر لا كبل ترفضين
ينال : يا يمه ما احبه خوما غصب السالفه اخذ شخص ما اريده ظلم ترا والله ظلم
ام ينال: محد جبرج هسه بس بل ايام الي تجي ابوج راح يجبرج فوافقي براضتج احسن
و اثقي اني راح اكون معاج ان رفضتي او وافقتي
بس ابوج ما اضن يرفض يوسف يوسف ابن خير يدلج و يحبج لا ترفضي
ينال: ماريد حبه ولا فلوسهه اني ما احبهه
ام ينال: بس لا تحبين شخص والله اذا ابوج عرف تحبين شخص يدفنج انتِ و عايش
ينال: نزلت راسي و حجيت لا يمه ما احبه احد بس اني ماريد يوسف
ام ينال : اي يمه عبالي حبيت اكلج بعدين ابوج يدفنج انتِ و عايش بعدين يفكرج عار عليه لا تفكرين تحبين
ينال : اي يمه خلي نتريك عندي شغل
تريكت و خلصت و طلعت من البيت رايحه على بستان حتى نبدي شغل بديت اشتغل حتى اخلص من التفكير اشتغلت بكل طاقتي الى العصر رجعت على بيت تغديت و سبحت و نمت ما كعدت الى ليل كعدت بل 10 نزلت جوه اهلي نايمين رحت على المطبخ اسوي اكل سويت اكل و طلعت على حديقه اكل كعدت اباوع على السماء افكر بلي راح يصير معايه رفعت يدي و بديت ادعي يارب ان كان خير فقربه لي وان كان شر فصرفه عن يارب توكلت عليك و انت خير الموكلين كملت اكل غسلت المواعين و صعدت على غرفه اخذ دفتر المذكرات و بديت اكتب
"مذكرات مالتي " يا وليف روح ان كنت تحبني فعلم انني احُبك اضعف حبك لي وان كنت تكرهني فانني كنت اعشقكك ياريت الحال يتغير ولكن هذا كان حلم صغير في مخيلتي اترجه الواقع ان يصبح خيال ولكن لان يتغير شي "
كملت كتابه و بديت ابچي على شي الي اعرف راح يصير وياي تنهدت تنهيده طويله احس شكت صدري
يارب لطف في حالي خلصت رجعت على تخت و بديت افكر الى ان نمت غارقه في افكاري
صحيت الصباح و نزلت جوه نفس الروتين اليومي
المعتاد تريكت و طلعت على شغل من رجعت شفت يوسف
يوسف: ينالل بس اوكفي خلي احجي وياج اوكفي
ينال: خير يوسف شنو تريد عيب عليك تصيحني بل شارع هسه اذا احد شافنه شنو يكولون علينه
يوسف : ما يهمني حجيهم شيكولون خلي يكولون
المهم انتِ عندي ليش ما رجعتو خبار النه
ينال : ليش مستعجل تريد تعرف الرد
يوسف : ميت عليج والله العظيم
ينال: بس يوسف انا العكس اني ما احبك اعتبرك مثل اخ الي ابد ولا يوم فكرة بيك غير تفكير
اني ما احبك يوسف رجاءً يجي الرفض من عندك ما اريد تصير مشاكل بينه لو سمحت يلا مع السلامه
يوسف: ينال بس اوكفي يعني تريدين اني ارفضج
ينال مستحيل اكدر اسوي هذا الشي اني احبج تعرفين شنو يعني احبج مستحيل اسويه مستحيل ينال اوكفي ينال
ينال : اسمعه يوسف يصيح باسمي بس ما رديت حبيت يجي رفض من عنده و ابويه ما يجبرني بس
ما توقعت الي راح يصير شي خلني ادخل حاله نفسيه
**************************
رجعنه ركض عليها نصدمنه من الشي الي شفنه
شفنه تبجي و ابو ينال ينزف دم ايده مفتوحه
بحيث العظم يبين منها نصدمت ما اعرف شنو اسوي رجعت اركض على بابا حجيتله الي صار
راح يركض عليهم اخذ ابو هيلين على مستشفى و ام هيلين كطعت نفسها من البچي عليه
بحيث فطرت كلبي عليه شويه و رجعو راح عليه تركض تتفحص تشوف شلون صار تشكرو من ابويه و راحو اني رجعت كعدت يم جدتي
سهيله: خطيه ما يستاهل ابو هيلين خوش رجال
من اهل الله ماعدهم العيبه الله يحفظهم
صدك سلمان شلون صار الحادث
سلمان: من طلعت على بيت هيلين شفته حاله يرثه له اخذته بل سياره مستعجل حتى ما لحكت اسئله شي خيطو ايده و ضمدوها و شويه جت الشرطه تسأل عن السب كال هو طلع من المحل و هجمو عليه شباب بسجينه باكو فلوسه و من حاول يقاومهم طعنو ايده و انهزمو
اخذت شرطه اقوله و راحو و احنا رجعنه هذا كل الي صار
نيزك: الحمدلله طلع سالم ما صار اكثر من هيج
سهيله : اي والله نازو باجر تعالي عليه نروح نسلم عليهم
نيزك : يا روح نازو من عيوني تدللين
سهيله : فديت عيونج شكد بقى على امتحانات اخر السنه
نيزك: بقى شهرين و نبدي ان شاءلله درجات عاليه
الجميع بصوت واحد : ان شاءلله
سلمان: يلا سندس خلي نرجع على بيت يلا يمه اشوفج على خير و اي شي تحتاجي كوليلي بل خدمه
سهيله: تعيش يمه ما تقصر خادم ربك
نيزك : يلا باي جده باجر اجيج بل شكد
سهيله: تعالي باجر بل اربعه حتى بل خمسه نروح
نيزك : اوكي متفقين هاي هيه مع السلامه
سندس : شبيج ناوز قلبه اجنبيه علينه
مره ريلاكس هسه اوكي بعد شنو نوب راح دكولين
نيزك: من اتعلم عود اكولج
طلعنه وصلنه باب الحوش و تذكرت كلمه حبيت
اشاقه معاهم و اصيح ستوبببب بأعلى صوت عندي
وكفو و هم منصدمين جان افتح الباب و اطلع على شارع كلت شبيكم وكفتو يلا خلي نروح
سلمان: شبيج تصيحين ستوبب
نيزك : هههههههه لا عيني مو كتالكم اقفو بسكلمه تذكرتها حبيت اكولها يلا امشو نرجع
سندس : يارب ثبت العقل على بنتي بجاه الحسين الشهيد عليه السلام
سلمان : اللهم امين
نيزك : اوي عيني قابل شسويت الكم ما تتحملون شقه يلا خلي نرجع عكرتو مزاجي
سلمان : لا نازو صارت زحمه عليج مو
نيزك : اي والله زحمه بابا لا تحاجيني رجاءً انت زعلتني اليوم
سلمان : ليش حياتي زعلتج شسويتلج
نيزك : ليش تحجي عليه اني كل عقلي احجي هيج
سلمان : حياتي اعتذر منج ما اعيدها تعالي هاج بوسه طيرج الى السماء
نيزك : تعال اني ابوسك هاك بوسه بسته و رجعت بمكاني ضلينه نحكي بابا اخذني على محل اشتري كم شغله
سلمان: تمام من عيوني
نيزك : ابوس عيونكك رحت على محل اخذت اندومي و نساتل و جبوسه و ببسي الحب الممنوع
رجعت على بيت اخذتهم و صعدت على غرفه شغلة فلم لان باجر جمعه كلشي ما عندي متونسه على اخر حبه
ضليت اتفرج على فلم كومدي الى ما نمت و اني ما ادري على نفسي كعدت الصبح على صوت عياط عالي نزلت ركض على اميي
نيزك شبيجج يمه ليش تبجين شبيجج احجيلي شبيج خوفتيني
سندس : ماتت ماتت
نيزك منو ماتت بس فهمينيي
سندس : ماتت *****
نيزك انصدمت معد اعرف شنو اسويي احس نشليت بمكاني من صدمه
"يتبع"
تنزيل بين يوم ويوم
دمتم في حفظ الباري 🎀✨
