قد طال اسمك مني التقديس
ولم تأت بي أليك الوساويس
نيزك انصدمت بعد اعرف شنو اسويي احس نشليت بمكاني من صدمه
سندس: سهيله جدتج ماتت
نيزك : شنووووووو شنو ماتت البارحه جنه يمها يمه
لا ما اصدكك هسه اني رايحه عليه حتى نروح على بيت هيلين دكوليلي ميته هههههههه ضحكتين
يلا وين بابا خلي يجي يوديني عليه
سندس : والله ما جاي اجذب عليج ماتت الحجيه الخيره سهيله بحياتها ما اذت احد و لاسمعت شخص كلمه مو زينه
نيزك: شلون تموت شلون مايصير تموت ما يصير
اخذيني عليه اخذيني
طلعنه من البيت متوجهين على بيت جدي و اني ما مصدكه ميته دخلت لكيته بنص الاستقبال مجفنيه
و نسون حوليه تلطم اني بس شفته فقدت
نيزك: كومي عليج الله كومي عليج العباس ابو فاضل كومي لا تعوفيني كومي مو كالتي باجر تعالي نروح يلا هسه اني جيت كومي خلي نروح على هيلين يلا كومي ليش ملبسيه ابيض كومي هسه اجيب عباتج نروح كوميي لا تعوفيني كوميي
والكمممم هاي غاليتي شلونن تموتتت شلونن بس فهموني مكدر على فراكها
كومي امشي عليج زهره كومي لا تنامين ما تلوكلج هاي نومه
خلي اجيب عباتج اي انتِ نايمه مو ميته يمه وين عبايت جده وينه خلي اجيبه
سندس : اكعدي يمه كلشي قضاء و قدر ان لله وان اليه راجعون كلنه على هذا الطريق
نيزك: هاي شبيكم تبجون ما ماتت نايمه اسكتو اني اكعدها اسكتو لا تحجون رحت كعدت عد راسها و احجي يلا سهيلو اني جيتج حتى نروح على بيت ابو هيلين كومي عندج خطار عيب تعوفين خطارج و تنامين كومي
سندس : نيزك كافي مو شلعتي كلوبنه كافي
كومي كومي
نيزك: من دكوم هيه اكوم كومي لا تعوفيني انتِ غاليتي روحي بهل دنيا شلون عيش حياتي وراج
دكومي يلا جيت عليج اني تعوفيني وحدي تقبليه اجيج و ما تكعدين وياي اعرفج ما تقبليه كومي عفيه
عليج العباس ابو فاضل عليج الحسين الشهيد
كوني و لا تنامين هاي نومه
اني و احجي فقدت الوعي كعدت لكيتهم دفنيها بل النجف الاشرف كعدت عبالي حلم ما مصدكه الي صار كمت ابجي و الطم عليه ما اتحمل فراكها
كلش احبه من اني و صغيره متعالقه بيها
مشت ايام الفاتحه على بطيء الى ان وصلنه الاربعينيه ماله تحظرنه من صباح و طلعنه على النجف الاشرف زرنه و طلعنه على مقبره متوجهين وصلنه بدينه نمشي من نص الموت شعور كلش مرعب انُ احنا يوم من الايام راح نصير تفسهم نفوت تحت التراب قشعر جسمي من هذا الموقف و احنا نمشي فجأه شفتهم وقفُ اني عرفت وصلنها رحت على كبر اركض من شفت عليه الاسم نعد عليه شعور نفس اول يوم ماتت وبديت ابجي عليه الى ان فقدت دخلت حاله هستيريه من البكاء و فقدت كعدت اني بل مستشفى اتلفت حوليه ماكو بس الممرضه سالتها عن اهلي كالت هسه اصيحهم طلعت اني بقية بمكاني كاعده و منقهره من داخلي
بس مكدر ابجي احس ختنكت من الغرفه كمت طلعت من الغرفه شفت اهلي يمشون بتجاهي
كملت مشي الى ان وصلتهم
سلمان: بابا نازو ليش طلعتي ما يصير انتِ مريضه
امشي نرجع على غرفه امشي
نيزك : بابا كلشي ما بيه اريد ارجع كافي احس ختنكت
سلمان: ريت الخنكه بيه ولا بيج امشي امشي خلي اكعدي اكمل الاجراءات و نطلع ارتاحي الى ما ارجع
نيزك: مكدر اضل بل غرفه راح اروح على حديقه
اكعد هناك اشتم هوى و الى ما تخلص
سلمان: براحتج لا تروحين بعيد ما اطول
نيزك: تمام انتظرك عند الباب
راح بابا و ضليت كاعده اتفرج على رايح و الي راجع
لفت انتباهي اثنين اطفال يلعبون برا رحت عليهم كعدت يمهم
نيزك: سلام شلونكم عادي اكعد وياكم
الطفل: عادي تفضلي
نيزك: حياتي يزيد فضلك شسمكم انتُ
محمد: اني محمد هذا اخويه ياسر انتِ شسمج
نيزك : اسمي نيزك
محمد : اسمج حلو و غريب شنو معنى؟؟
نيزك: : معرف شلون افهمك تعرف نيزك الي بل سماء هذا معنى اسمي نيزك
محمد : يعني انتِ بل سماء
نيزك : لا مو بل سماء بس اسمي يوحي الشي بل سماء نفس النجمه او القمر هيج شي يصير بل غلاف الجوي
محمد : ما فهمت فهميني؟؟!
نيزك: اصبر خلي نشوف بل نت
محمد : ايي يلا
نيزك: معنى اسمي : الرمح القصير والنيزك: جسم يخترق طبقات الجو فيحتدم ويضيء ثم يسقط على الارض ومعظم النيازك معدنى والقليل منها حجر وهناك من يقولون نيزق. اصل اسم نيزك
ها فهمت شي
محمد : الصراحه لا
نيزك: اني هم
محمد : هههههههه
نيزك: انت ياسر ليش ساكت احجي شي
ياسر: شحجي معرف شلونج
نيزك : هههههههه الحمدلله بخير انت شلونك
ياسر: الحمدلله
نيزك: شكد اعماركم
ياسر: 10
محمد: 11
نيزك: العمر كله
شعدكم طالعين هنا يلا روحو على اهلكم لا يصيرلكم شي
محمد: احنا بيتنه قريب على مستشفى نجي نلعب هنا بل حديقه و شويه و نرجعيلا باي احنا نروح على بيت
نيزك : باي الله وياك ديرو بالكم من تعبرون روحو على بيت كبل لا تروحون على مكان بعيد حبايب كلبي مع السلامه اشوفكم على خير
راحو على بيت كلش حبيتهم لكيفين بس ياسر شويه هادء عكس محمد مبين اجتماعي
كمت رحت عند البوابه سويه و اجاء بابا و رحنه على فندق بس دخلت امي خظنتني و تبجي
سندس : يمه بنتي خوفتيني عليج جان كلبي يوكف من الخوف
نيزك: اسم الله يمه كلشي ما صار هياتني واكفه كدامج
سلمان: كلشي ما بيها بس تحتاج راحه شويه
جبت عشاء بل سياره اجيبه و اجي حتى نتعشه و نام باجر نرجع على بيت من صباح لان عندي شغل
ضروري
اكلت و نمت كعدت صباح رجعنه على بيت
وصلنه البيت كلشي ما اشوف دربي كبل على غرفه نمت طريق شويه طويل كعدت العصر اكلت و بديت ادرس ضل ايام على امتحانات اخر السنه هل سنه خامس اعدادي اني
درست الى المغرب اتصلت على نرجس
نيزك: الو نرجس
نرجس : هلا عيوني نازو شلونج شلون صرتي
نيزك : هلا يروحي الحمدلله بخير انتِ شلونج اكلج
جيبي هيلين و تعالي تعبانه نفسيتي
نرجس : هياتها هيلين يمي جاين عليج هسه ربع ساعه يمج ما نطول
نيزك : اوكي انتظركم لا طولون مع السلامه
قفلت الاتصال نزلت سويت عصير و خذت كم شغله من حلويات حطيتهم بل غرفه الى ما يجون بدلت و تعطرة خلصت الى ما كعدت ندق الجرس نزلت فتحت الباب نرجس وهيلين
نرجس++ هيلين : سلام عليكم
نيزك : وعليكم السلام تفضلو
هيلين : نازو متغيره اول مره دخلينه بحترام على بيتكم
نيزك: هههههههه لان تعبانه لا تطلع عينج اول مره و اخر مره هيج ادخلكم على بيت
نرجس : هيلين هسه لو منجبه و ساكته جان هسه تتعود دخلنه مثل الوادم مو نتوسل ربع ساعه عليها
حتى ندخل
هيلين : اي والله لا نظربها بعين قل اعوذ برب الفلق
بسم الله الرحمن الرحيم عليج يا هيلين بنت سلمان يارب ثبت عليه العقل بجاه اهل البيت
نيزك: عزاا هاي شبيجن والجججن سويتني مجنونه
دخلن دخلن لا برك الله بيجن
نرجس +هيلين: هههههههه
نيزك: دخلنه على غرفه كعدنه نتسوالف و ندرس
نرجس : بنت اريد احجيلكم شغله
هيلين : اني هم بس حزينه بل نسبه الي
نيزك: اسم الله احجو خيركم
نرجس : اني اول بنات احنا راح نروح على غير محافظة
هيلين : اني هم راح اروح على غير محافظة
نيزك : اني هم اروح على غير محافظه على واهس
وكت سوالفجن الماصخه شهل بياخه
نرجس : لا فعلاً اني راح نروح على النجف من اخلص امتحانات ابويه نقل شغله هناك سنه و نرجع على بغداد
هيلين : احنا على النجف هم اشترينه بيت هناك
الى ما يخلص شغل ابويه نرجع على بغداد بس شكد الفتره مادري
نرجس : يعني اني و انتِ نروح هناك سوى ياااا الحمدلله مو وحدي يعني
هيلين : اي والله الحمدلله
نيزك: اني اشوفهم هيج يححون نار داخل كلبي يعني يرحون هناك هم سوى و يكملون سنه الجديده هنالك و اني اظل وحدي بغداد
اشوفهن متونسات ما حبيت ازعجهن او اضوجهم كملنه دراسه و سوالف طلعت اوصلهن الى الباب و اروح على محل اشتري كم شغله
كل وحده راحت بطريق و اني توجهة على محل اخذت الغراض دفعت الفلوس و طلعت حسيت شخص يمشي ورايه التفت شفت شخص ما جنت متوقعه اشوفه
******************************
"ماضي"
اسمعه يوسف يصيح باسمي بس ما رديت حبيت يجي رفض من عنده و ابويه ما يجبرني بس
ما توقعت الي راح يصير شي خلني ادخل حاله نفسيه
رجعت على بيت
ينال: سلام عليكم
جاسر: وعليكم السلام تعالي ينال اريدج احجي وياج
ينال: اغسل و بدل و ارجعلك
رحت غسلت و بدلت رجعت على ابويه
تفضل يابه تريد شي
جاسر: اكعدي حتى نحجي
ينال كعدت و بدى ابويه يحجي شويه و دخل بل موضوع الجدي
جاسر: اسمعي ينال كولي شرائيج بيوسف
ينال: يابه يوسف شخص زين و خوش رجال بس اني ما مفكره بل زواج مو موافقه على يوسف
جاسر : ينال بنتي اني نطيت كلمه الابو يوسف مكدر ارجع بيها اطلع مو رجال تقبليه العالم تحجي عليه
يمشي كلام بنته عليه
ينال : يابه اني ما اشوف يوسف زوج اني اشوفه كااخ بس لا اكثر ولا اقل
جاسر : بنيتي اعذريني بس اني ما ارجع كلمتي انطيتهم كلمت زلم انُ انتِ اليوسف
ينال : يعني شنو ما فهمت يعني مالي رائي بل زواج اني الي راح ازوجه مو العالم يابه لا تظلمني ما اسامحك طول حياتي اذا زوجتني اله ما اسامحك
تصبح على خير رايحه انام
طلعت من ديوانيه بلا ما اسمع رد ابويه
رحت على حجرتي ابجي على حظي و الكلام الي سمعته رحت على تختي و نمت متهربه من الواقع الي اني بيه باجر نروح على كويت قرارة احجي اليعقوب حتى لو ما يحبني عادي المهم احجي الي بكلبي اله كعدت لكيت امي تسوي ريوك تريكنه و ركبنه السياره و رحنه على كويت وصلنه الكويت
و ضلينه بل سياره ربع نص تمشي الى ما وصلنه
بيت جدتي نزلت اركض لكيت بنت خالتي تنتظرني حظنتها و كمنه نبجي صار سنه ما متشاوفات اني و هيه كل وحده ملتهيه بحياتها و او بل اصح ابويه ما يقبل نجي على كويت اله قليل دخلنه داخل على بيت سلمت على جدتي و كعدنه نحجي معاها شويه اخذتني بنت خالتي على حديقه الحديقه شلون تصير بل شارع عند الباب مو داخل البيت بل شارع كاعدات نحجي و نضحك داخل يعقوب على حديقه اني كاعده مقابيل رند ما يشوفني اول مايدخل يحجي مع رند شويه رند كالت وراك ينال كال صدك وينها التفت و شافني انصدم جمد بمكانه
يعقوب: السلام عليكم ينال شلونج شخبارج
ينال: احمم وعليكم السلام الحمدلله بخير
انتَ شلونك؟؟!
يعقوب: الحمدلله بخير العفو دومج ان شاءلله بخير
ينال : احمم اي شكراً
يعقوب : ينال كم يوم راح تبقون بل كويت
ينال: 17 يوم و نرجع
يعقوب : اي زين تشبعنه من شوفتكم الى ما تجيون المره الثانيه
ينال: يمكن بعد ما اجي اني
يعقوب +رند: ليششش
ينال : واحد متقدم الي و اني ماريد ابويه يريد يزوجني اله يعني اذا زوجت مكدر اجي هنا
يعقوب : نخطبتي الف مبروك تستاهلين كل الخير
ينال بقهر: الله يبركلك يوم الك
يعقوب: خطبت اني ما تدرين ليش؟؟!
ينال: لا والله مادري محد كلي مبروك شايف كل الخير
يعقوب: الله يبركلج
ينال: يلا من بعد اذنكم اني رايحه
يعقوب +رند:اذنك معك الله وياج
رند : اوكفي جايه وياج
يعقوب مع السلامه
يعقوب : الله وياجن
ينال: رجعت على حجره الي اخذتها من وصلنه كعدت اكتب بل دفتر
"الحبيب الذي احببته لم يحبني كما انا احببته
انه مغرم بشخص اخر وانا اوهم نفسي في الخيالات السعيده اشكر الله انه ابعده عني
ولكن انا في كل صلاةطلبته منه ولكن الله لا يبعد شي في خير انه كان شر فنصرف"
*************************
يتبع
تنزيل بين يوم ويوم
دمتم في حفظ الباري ❤✨
