فى صباح اليوم التالى اليوم الحافل على أبطالنا بالصدمات
..............................
عند ياسمين استيقظت على صوت والدتها
ايمان والدتها : ياسمين حبيبتى قومى يلا علشان تروحى للدكتور
ياسمين بنعاس : سيبينى شويه يا ماما
ايمان والدتها وتفتح شباك الغرفه : قومى يلا الساعه ٩
ياسمين وتنهض بتكاسل : ما لسه بدرى سيبينى انام شويه
ايمان : قومى يا بت اخلصى بقا انا هصحى ابوكى عقبال ما اعمل الفطار افطروا وبعدين روحى معاه اعملى التحاليل
ياسمين : طيب
ايمان: يعنى مروحتيش المدرسه النهارده
ياسمين بتثاوب : مش قادره اروح وفاء رنت عليا وقولتلها مش هقدر اروح
ايمان : طيب يلا قومى صلى وانا هعمل الفطار علشان نفطر كلنا سوا
دخلت ياسمين الحمام اخذت شاور واتوضت وادت فرضها وخرجت وجدت والدتها جهزت الفطار جلسوا جميعا تناولوا الفطار
انهت فطورها
وحدثها والدها : ياسمين قومى يلا البسى علشان نروح نعمل التحاليل
ياسمين ب ادب : حاضر يا بابا
دخلت ياسمين غرفتها وارتدت بلوزه من اللون البطيخى على جيبه بيضاء على خمار ابيض فكانت جميله جدا بحجابها
خرجت ياسمين وجدت والدها
ياسمين : بابا مش شايف اننا رايحين بدرى دى الساعه ١٠ ونص
عصام: لا مش بدرى يادوب نلحق نعمل التحاليل ونستنى النتيجه واخدها ونطلع على المستشفى لسه المشوار طويل قدامنا
ايمان بحنان : ربنا ييسرلك ويسهلكوا الأمور
ياسمين : امين يارب يلا يا بابا انا جهزت
خرجت ياسمين ووالدها من البيت متوجهين لمعمل التحاليل
************************
عند بيان استيقظت بيان قبل البنات دخلت حمامها اخذت شاور وبدلت ملابسها دخلت غرفة جدتها
وجدت الجده نائمه واكرام والدة ياسر
بيان : هما اكيد تعبانين من امبارح
خرجت ودخلت غرفتها واتصلت على ياسر
ياسر : صباح الخير على احلى واجمل عروسه فى الكون كله
بيان ب ابتسامه: صباح النور على احلى ياسو فى الدنيا كلها
اومال انت مشيت امتى
ياسر : انا اسف والله يا بيان ما اعرف نمت ازاى امبارح فى اوضتك
بيان : لا عادى بتعتذر على ايه انت برضو تعبت معايا امبارح
ما انت اخو العروسه بقا
ياسر :ربنا يتمم فرحتك على خير يا حبيبتى
بيان : اممم قولى بقا مشيت امتى
أنت تقرأ
استسلام الحب للقدر💔💔
Romanceالروايه مستوحاه من أحداث حقيقيه💔💔 تتحدث الروايه عن فتاه لم تتم العشرين عاما من عمرها ولكن رغم صغر سنها الا انها تكبر فى اليوم الواحد ٢٠ عام بسبب ما تراه من ظلم واضطهاد وحزن ولم ترى الفرح فى يوم واحد من حياتها ولكنها على أمل انه سوف يأتى يوم وترى...
