#روايه_الامل🤍
المقدمه ✨
مؤمن:هاي انا مؤمن خليني نعرفكم بروحي شاب من عمر صغير قعد الام و الاب لي خوه 🔥 لان خسرت بوي وامي و منبيش يحس ب الفقد يلي حسيته انا دماغي حربي كيف مايقولو نحب الحياه رغم ان جت عليا واجد بس مزال الامل في ربي شاطر في قرايتي وشاطر في شغلي و نحب كلمه الاول لان نحب نكون الاول في كل حاجه🤍
مهيمن:شاب طايش و عايش حياته بس ب حدود الاحترام و عنده كل شي خوه يلي هو مؤمن ومستحيل يفرط فيه لان الوحيد يلي باقيله من عيلته ويلي يقوله عليها مؤمن حاضر ونعم مستحيل يقوله لا يقرا ويشتغل ويحب يكون الاول كيف خوه عشان يرفع راس خوه بين الناس 🔥
__________________
مؤمن:نضت الصبح عليك نومه طويله ساعه كم بحتت في تلفون حي عليا ساعه ٩ وانا في الوقت هذا مفروض في شركه عندي اجتماع وصبيت ادوشت و لبست ومشيت خبطت علي دار مهيمن هيا نوض عندك محاضضضضرههه بسسسسرعههه و طلعت من الحوش مشيت شور الشركه ايوا وصلو للاجتماع ؟
طارق:لا مزال بس استعجل توا كيف خذاهم السواق من مطار
مؤمن: باهي تمام انا وصلت لي شركه ونزلت وخشيت و ركبت مصعد مع ركبت طارق معايا كاين يستنا فيا لوطه شن اخر الاخبار
طارق:ولا شي كل شي علي حاله🤣
مؤمن:باهي تمام انا في مكتب ودزلي عصير (طبعا مؤمن والعصير قصه 😂)
طارق؛تبي عصير معناها واصل حدك😂😂
مؤمن:مانحكيلك و خشيت للمكتب طلعت نقرا في الاوراق يلي قدامي
السكرتيره:استاذ مؤمن في اوراق ضروري توقعهم
مؤمن:حطيهم هنا
السكرتيره:اوك تبي حاجه
مؤمن:تقدري تطلعي و قعدت مركز في الاوراق
السكرتيره:طلعت عمرش بحت فيا ولا رفع عينه فيا المشكله ديما علي سنقه عشره بس مع هذا شي 🤦🏻♀️
مؤمن:انا شخص عنده حدود في كل شي ونحب الاحترام و في شغلي جدي بكل وطبعا ماسك شركه باتي و كبرتها و الحمدالله قعد عندنا فروع في ليبيا في كل مكان وشي هذا يرجع لي رضا ربي عليا🤍رن تلفوني ايوا عمي
عمي:ايوا مؤمن وينك؟
مؤمن:في شغل؟
عمي:ياعمي مش مستحق انت عليش تشتغل
مؤمن:تعودت ياعمي نشتغل حتي لو عندي ونملك مع هذا نحب نشتغل ونحب اسمي ينذكر في الحاجات الناجحه
عمي:ربي يوفقك بنقولك راهو اليوم غداكم عندنا
مؤمن:انا عندي شغل مع شويه مستثمرين لو كملت اوك لو لا تسدكم هرجه مهيمن😂
عمي:باهي ربي يوفقك و سكرت
طارق:مؤمن المستثمرين جو
مؤمن:مشيت معاه اي غرفه الاجتماعات وكانو عباره عن مستثمرين جايين من تونس
______________
مهيمن:نضت علي عياط مؤمن ان عندي محاضره استغفرت ربي و نضت صليت و ادوشت بحتت في تلفون لقيتها ١٠ ونص طبعا المحاضره ٩ بس عمري ما حضرت اي محاضره نبدا من ٩ مشيت فطرت وتحركت شور الجامعه وصلت ١١ اول محاضره كامله🥲😂بست اسراء
اسراء:صباح الخير مزال بدري والله
مهيمن:بدري من عمرك يا حاجه😂سجلتي المحاضره؟
اسراء:يس سجلت 🤍
مهيمن:دزيلي بعدين علي الواتس باهي؟
اسراء:خش عليا بيش نذكر
مهيمن:اسراء انا مرات ننسا انا من تبيني نذكر حاجه شور القرايه🤣
اسراء:مشكله ديما داير روحك غبي وتصفي ب A
مهيمن:انا نحب نقرا في زنقه الكلاب بس اني نقرا اول ب اول او نكون منتظم في المحاضرات هذي كذبه حتي في الحلم مشوشه😂
اسراء:مكثر دوتك علي صبح
مهيمن:شوفي البنت السمحه هذي
اسراء:قذر و زياده نذل وحقير تموت في حاجه اسمها بنات😂
مهيمن:مقبوله منك عشانك اختي لو حد غيرك كنت وريته😂
اسراء:مش عساس تحب اسيل
مهيمن:من جدك صدقتيها انتي هبله قيسك انا مفيش وحده تخش قلبي الا المرحومه😂
اسراء:ان شاء الله ماتت ياناري مسكينه 💔
مهيمن:وسعي بالك فتحتيها عزا😂ماتت بنسبه ليا
اسراء:حقير فجعتني 😂بست هذا مش خوك؟
مهيمن:حي علما مؤمن شن يدير هنا را يطلع مصاحب وانا ما نندري امشي معايا نستكشفو😂
اسراء:امشي بروحك مش خوك😂
مهيمن:غير امشي بس
اسراء:لا حول الله تموت في القصقصه
مهيمن:قالتتتتهاااااا يلي مش قصقاصه عيبك باديه تقعدي وهميه🤣
اسراء:باهي امشي وانت مسكر فمك😂
مهيمن:هيا
#يتبع
#إسراء_يوسف
—————————————
أنت تقرأ
روايه_الامل
General Fiction#روايه_الامل روايه تحكي عن اثنين خوت قلوبهم علي بعضهم مهما صار مستعدين يقتلو عشان بعضهم الاخوه رغم ان يبينو ان فرحانين لكن لي كل حد جرح في قلبه يلي هو فقدان الام والاب منذ الصغر 🔥 حتحكي عن قصه حب مليئه بالتضخيه و الشغف و حتحكي عن عرم قصص بخصوص...
