#روايه_الامل🤍
حلقه 20
في ليل✨
مؤمن:رقدت خالتي خشيت علي بنات هذي هديتك 🤍
انا:كاين شايل بوكس كبير و فوقه بوكيه ورد احمر مسكت البوكيه خيال كاين خاطري فيه من زماننن الله ريحته تجنن😫🤍
نورس:صورتها مجموعه صور وهيا ماسكه البوكيه كانت حلوه بكل🤍
مؤمن:تبيش تشوفي باقي
انا:عليش متعب روحك حتي يلي لابستها منك
مؤمن:فيش تعب نحب لما نشري لي حد نحبه حاجه 🤍
انا:فتحته كاين فستان احمر دددمارررررررر
نورس:صبي بسرعه قيسيه
انا:بحتت في مؤمن🤣
مؤمن:طالع وطلعت
انا:قسته وجا خيال وراسم جسمي رسم فردت شعري
نورس:(طبعا شاطره انا في الميك اب) درتلها ميك اب قوي بكل ورسمتلها عينها و درتلها روح احمر جايبه مؤمن كاين لون من درجات احمر يلي يجلطن🔥
انا:صورت صور عرم وبعدها مسكت البوكيه وصورت
البنات:طالعه دمار بكل بكل
انا:بنغير وخذيت دبش بنغير
نورس:مؤممممنننننن ووووووه عليييا يا مؤممممنننن
انا:ماشيه بنخش شور الحمام يخش مؤمن
مؤمن:كنك شن في شن صاييييييييررررررر😳
نورس:كنك تبحت فيا بحت فيها😒
مؤمن:بحتت فيها كانت جميله فوق من كلمه جميله كانت شي صعب وصفه قعدت مركز عليها و مش قادر نقدم كانت جذابه وتسحر بكل
بنات:تسحبنا من جنبهم ونزلنا
انا:معش عرفت ننطق وقعدت واقفه😥💔
مؤمن:سكرت الباب ومشيتلها و مسكت ايدها الله اكبر ماشاء الله ربي يحفظك و يحسرك من العين و قربت ايدها بستها ربي يخليكي حلالي عاجل غير اجل🤍
انا:امين وقعدت مصبيه متوتره منه
مؤمن:كنك ترعشي مش حنديرلك شي😂
انا:ااااه لالا غير من صقع وبنبدل انا😥💔
مؤمن:ناخذو صوره بس و صورت كم صوره انا وياها بتلفونها ومديته لها وبست راسها ربي يخليكي ليا وتعمدت ندير عيد ميلادك قبله بيوم عشان يوم ميلادك بنخطب🤍وطلعت
انا:خشيت بسرعه غيرت دبشي ومسحت الميك اب و طلعت رميت روحي علي سرير امتي بس يارب يكون حلالي يارب سهلي امري يارب😫🤍
مهيمن:اسراء وين؟
بنات:فوق
مهيمن:هذا كنه تقول مضروب علي راسه مؤمن؟ اوييي وينك؟
أنت تقرأ
روايه_الامل
Ficción General#روايه_الامل روايه تحكي عن اثنين خوت قلوبهم علي بعضهم مهما صار مستعدين يقتلو عشان بعضهم الاخوه رغم ان يبينو ان فرحانين لكن لي كل حد جرح في قلبه يلي هو فقدان الام والاب منذ الصغر 🔥 حتحكي عن قصه حب مليئه بالتضخيه و الشغف و حتحكي عن عرم قصص بخصوص...
