روايه_الامل

حلقه77

#روايه_الامل🤍

حلقه 77

ساره:كنت نتفرج معاهم وفجاء

صقر:هي ساره امشي ارقدي نبي خوي في موضوع

ساره:هزيت راسي و صبيت قيس حنفرشلك باهي

قيس:متعبيش روحك ساره توا ندير بروحي

ساره:تعبك راحه وركبت وجعتني لقطه صقر عيني عينك يلز و فرشت لي قيس سريره وحطيتله جنبه ميه وشوكلاطات وشيبس و خشيت داري و رقدت علي سرير اوف يا ظهري و البيبي قعد يتحرك لا يا ماما بنرقد 😥

قيس:صقر شن المعامله هذي المرا حامل

صقر:غير تجيب ولدي بس ومعش لها مقعد عندي

قيس:فاهم فيش تقول انت؟؟؟ مراتك هذيييي زوجتك ساره حبيبتك بتشتت العيل كيف ما مشتتين نحن

صقر:لو صانت حوشها من البدايه موصلنش لي هنا

قيس:شن موضوع يلي تبيني فيه

صقر:لا شي غير كنت نبيها تركب زعمت كبدي لي نفاقها يلي دير فيه معاك

قيس:مش طبيعي والله وركبت للدار يلي فرشتلي فيها ساره وقررت ان ضروري نصحح العلاقات بينهم

صقر:ركبت للدار ونسمع ساره تحكي

ساره:يامامي بطل حركه تعرف لما تجي علي دنيا حنديرلك كللللل شييي تبيه حنفرحك حنكون خايفه عليك من اي شي مستحيل نخلي شي في خاطرك حنشتغل عشان نبيلك طلباتك بس انت تطلب و تمناه و حنعوضك عن حنان الام يلي انا معشتش و حنحبك بكل امتي تجي ياحبيبي نبي نبوسك نبي نشم ريحتك و ابتسمت شن انسجمت مع دوت ماما الواجده و رقدت🤍وضحكت بنكد عليك شويه تقعدش وحيد كيف ماما دير اصحاب حب نفسك خوذ حد يحبك وتحبه و خليك انت صاحبي نحكيلك همي وتسمعني عنديش غيرك كاين بابا قاعد لكن انا خربت الموضوع عساس ماما ردت بعد السنين هذناهي كلهم تنصح فيا وهيا خربت حوشي المهم نهايتي انا وبابا قريبه بس نبيك تعرف ان انا مش هكي و طفيت الضي خلاص هيا نرقدو يسدنا هدرزه لليوم🤍

صقر:(انتي يا ساره وصلتي المرحله هذي بينا انتي وصلتي مرحله ان وجودك وعدمه واحد فا تحملي النتائج💔)ومشيت غرفه قيس لقيت ساره مفرشتله و جايبتله شوكلاطات وشيبس و هو مكسد علي تلفونه تبي حاجه

قيس:سكر الباب واطلع مش طايقك جد

صقر:قصدي مش عشان تعاطفت معاك دير هكي

قيس:كل شخص يتغير يا صقر

صقر:الا ساره مستحيل تتغير وسكرت الباب و خشيت داري قعدت واقف لحظات نبحت فيها وبعدها رقدت في سريري وقعدت نتقلب مجانيش نوم اذن الفجر صبيت صليت ودعيت ربي يلي فيه الخير يصير صبيت قعدت نبرم في الحوش شويه مش جايني نوم رنيت علي مؤمن

مؤمن:كنت راقد ورديت بدون مانشوف من ران الو

صقر:راقد يارا