#روايه_الامل
حلقه 10
مؤمن:حضنتها من لاوره كنك راقيلك
اسراء:كنت خايفه منك كلهم خوفوني جوا😫💔
مؤمن:لفيتها ليًا و شن حكولك عاد
اسراء:قالولي لما يشتغل متجيش شوره بكل حتي لو كنتي بتموتي متجيش شوره لان لو ما متيش حيقتلك هو😥مؤمن قتلك نبي حد حنين انا
مؤمن:ضحك علي طريقتها كيف تحكي و حولت شعرها يلي قاعد علي وجها اي راجل فيه العصبيه يا عيوني وانا عصبيتي نخبط نكسر بس مستحيل نأذي او نشتم او نجرح حد لان مجرب جميع انواع الجرح فا مستحيل نخلي حد نحبه ينجرح فاهمه وصح لما تشوفيني معصب علي قولتهم روقيني بحنيتك زي ما انتي تبي حد حنين حتي انا نبي حد حنين 🤍
اسراء:حنسعدك ونخليك فرحان بإذن الله🤍
مؤمن:شن متريحه فيه الهودي متاعي
اسراء:مطول ايديك و مطولك بروحك الهودي واصل لين اركابي😒😂
مؤمن:كنت مع جنب ونسمع الباب نحل وتطلع خالتي فتحيه فنصت عيوني وخذيت اسراء و مشيت بيها للمخزن
اسراء:كنك مؤمن😳
مؤمن:خالتي فتحيه برا😫
اسراء:ياعليك وليه ثقيله
مؤمن:بكل ثقيله بشكل مش طبيعي
اسراء:مؤمن ظلام خايفه💔😥
مؤمن:ششش تخافيش انا معاك صوت كرعين قعمزت انا وياها ورا ثلاجه
__________________
مهيمن:كنا مكسدين خشت علينا خالتي فتحيه
فتحيه:وين خوك؟!
مهيمن:طالع هو و صقر صاحبه
فتحيه:مهيمن بلا كذب خوك وين😡
مهيمن:هااااييي احترمي نفسك و الزمي حدودك احسلك انا منيش مؤمن نحترمك قتلك مش قاعد يعني مش قاعععددد 🔥
فتحيه:شن قلت الادب يلي منزلها انت وخوك سناب هاااا شن مسك ايدين وين تحسابو روحكم انتو
مهيمن:وبتعاودي نفس الدسكه انتو متربيتوش وياريت امكم عقمت وما جابتكم وبلا بلا بلا خلاص سكري فمك مدخلكش فينا وياريت تطلعي من الحوش كيف ماجيتينا😡
فتحيه:كلامي مع خوك
مهيمن:اطلعي من حياتنا واعتبرينا ميتين🔥
فتحيه:غير اعبا عيال اختي مش حنطلقهم في مهب الريح
مهيمن:اوك يا مسلسل الاوراق المتساقطه اطلعي هي😡وطلعت فتحيه شن الحوش يلي بلا بواب هذا😡
مؤمن:خشيت شن في؟
مهيمن:تهزب علي سناباتك
مؤمن:امتي بترد تسافر وتسيبنا هذي😒
أنت تقرأ
روايه_الامل
Fiction générale#روايه_الامل روايه تحكي عن اثنين خوت قلوبهم علي بعضهم مهما صار مستعدين يقتلو عشان بعضهم الاخوه رغم ان يبينو ان فرحانين لكن لي كل حد جرح في قلبه يلي هو فقدان الام والاب منذ الصغر 🔥 حتحكي عن قصه حب مليئه بالتضخيه و الشغف و حتحكي عن عرم قصص بخصوص...
