الگاروب المغطى (إحفاد ال مرجان)

البارت٣٤

بسم الله الرحمن الرحيم
**********************
الگاروب المغطى (إحفاد ال مرجان)

بقلمي:فاطمة

************************************
لا يمكننا القول للمجنون كفى

************************************

توتر سيطر عليها ضحكت بوجهه طالعه برا لحكتي ريماس تمشينه يم المسبح حسيت بتحرك الحراس لموقع ثاني بحيث بس اني و ريماس واكفات گعدت ع الحافه ماده رجليه بالمسبح يمي ريماس وجهه مگلوب

:مو حامل لا تخافين

باوعتلي مصدومة

:شوفي علمياً الحامل مايصير تاكل الأناناس بفترة الحمل تسبب اجهاض بس من اقترحت عليها الاكله قبلت رغم هي ممرضه وتعرف هل شي خطر ع جنين

:يعني

:يعني لعبه واضحه مثل ضوء الشمس خلي ياخذها تسوي تحليل دم

:بس.. مامعقولة يعني تكذب بهيج موضوع

:ريماس لا تصيرين متسامحه ولطيفة ترى العالم يختلف عن طبعج الناس منافقة ماترحمم

سكتت تباوع ع ماء حضنتها حاطتني من خصري

:بعدين ليش مغثوثة يا روحي انتِ هو صدكها بس راح وتنكشف الكذبة اول وتالي ضربي ب زاوية الحايط ولا تعبري مرة الثانية

:أصلاً عفته من عرفت

:شوي اذنينا

:قصدج جوي اذانه حبيبتي اللهجة العراقية في خطر وياج

:المهم المعنى في قلب الشاعر

*****************************************

حوراء:هاي نمتي ولج اگعدي راح يصير الغداء

ريم:نعسانةة عوفيني

:گومي شوفي روحج مو العصر راح يجون الباقين

كمت من الفراش بنعاس اباوعلها بحقد الليل كله مانمته وهاي تتأمر فوك راسي رحت للحمام عين مفتحه وعين مغمضه غسلت بس وجهي طالعه من الحمام فاتحه الشبابيك تعدل بالفراش

:ليش تعبين روحج هسه تجي وحده وتسوي

:مو مشكلة اخلص الوكت... اليوم ماما تجي و بابا

:بالعافية

:لا تستهزئين... أصلاً راح يقفلون الباب ويجون

:شنو المناسبة

:شبيج نسيتي غير باجر عرس علي و سارة

خناجر و انغرزن ب گلبي من نطقتها احاول اتناسى بس ماتمشي وياي لاحظت سكوتي اجتي يمي

:لا تنغثين هي هاي الحياة ماتنطيج كل تريدينه

:بس نحنه اختارو...