الگاروب المغطى (إحفاد ال مرجان)

البارت ١٣

بسم الله الرحمن الرحيم
******************
رواية الگاروب المغطى (إحفاد ال مرجان)

بقلمي :فاطمة

************************************

م

عقولة سمعني...!!

حط خطواته بأتجاهي يتقدم عليه وارجع ليوراه إلى أن انطخيت ب الحافة البلكونه صار قريب عليه عگس اتجاه وصار ب جانبي سحب چگارة ورث واني بس ابلعم خايفة لا سمعني بس اذا سمع ماتكون هيج ردت فعله التفيت صرت جنبه باوعت ب شفته مديت ايدي سحبت الچگارة منه و ذبيتها باوعلي مصدوم حچيت برائة

إيڤانا:مو زين ع مرضي..

ماحچه حك طرف حاجبة انتجيت ع بلكونه و باوعت عليه

إيڤانا:تعرف شي شكد شفت ناس وقحة بس نفسك ماكو ابد شنو اصدار جديد

جوهان :وقح....!

إيڤانا:اهممم وقح كلش يعني ماأعتذرت مني ع رغم نحن وراها تقابلنه أكثر من مرة

جوهان :ع شنو اعتذر

إيڤانا:يمكن ع اذيت ايدي او ضربتك ل ظهري او ع تهديدك المباشر وفوك كل هذا انتو عائلة غريبة

جوهان :غريبة..!

إيڤانا :كلش يعني اخوك هذا حامد من ساعة الي عرف اني صديقة رتاج وهو بس يخنزر ولا هم يقين هاي الي ماتنبلع شكد مليقة وانتَ لا شغلك سبيشل تهدد والثاني يخنك

:يمكن لان طلعتي وسط أحداث مالازم تظهرين بيها يا إيڤانا

:ممكن سؤال

:خليتي بيها ممكن

:راح اسوي روحي ماسمعت المهم ليش اسمك جوهان يعني اني ما اقصد شي ثاني يعني لا هو جوعان ولا شبعان جوهااان حتى إذا تتهجه تتعب جوهااان جوعااان نفس الوزن و القافية...

جوهان:خلصتي

هزيت راسي مبتسمه

جوهان :محد مهتم ل رأيج

:تسلم

تمشيت نهاية البلكونه رفعت روحي وگعدت عليها الهوى حلو
سحب الچگاير ورث غمضت عيوني فتحتهم ع صوته

جوهان :مادخلين

:تؤ

:ليش

:ماأحب الأماكن مگتضه مرات شايف الشعور الي يجيك بحيث تريد تعوف المكان الي انتَ بي ل مكان هادي

:ليش تردين تنفصلين عن بيت لؤي

اسئلته غريبه بس جاوبت ويا

:ماأريد اصير ثگيلة ع أحد جانت ريماس وياي وهسه هي تزوجت ف الأفضل إنتقل

باوعت عليه بادلني تقرب مني مد ايده باوعت بأستغراب سحب ايدي لبسني الأسوار و الچگارة حاضنتهم شفايفة رفع راسه الي