الگاروب المغطى (إحفاد ال مرجان)

البارت ٢٣

بسم الله الرحمن الرحيم
*********************

رواية:الگاروب المغطى (إحفاد ال مرجان)

بقلمي:فاطمة

*****************************************
لستُ بخير...أيمكنك أحتضاني..!!

******************************************
:ع.. علي

وگف الدم ب عروگي

حوراء:ي.. يا ع.. عللي

سارة:علي ابن مريم

رعشه سرت ب جسمي معقولة

حوراء:ز.. زنا..

سارة لا.. لا والله نحن متزوجين شيخ...

لزمتها من فكها رفعته

حوراء:منو يدررري

سارة:إلي ادري بي محد

حوراء:شهود

سارة:مااعرفهم

حوراء:لأن غبية ساذجةةة اكو وحده عاقلة تتزوج بدون علم اهلها يا طركاعه أنتِ ولج أنتِ تعتقدين ممكن مريم تزوجج ل علي هي وامج وحده ماطيق الثانية من يوم يومهن

سارة:بس هو يحبني

حوراء:اسكتي رحمه الدينج لو يحبج ماجان راح تزوجج بدون علم أهله ليش مايتزوجج علني هاااا هسه أنتِ البتليتي ضيعتي مستقبلج دراستج صخام الي بوجهج بسبب علي

سارة:هو ماراح يعوفني أصلاً أكثر من مرة راد يعلن بس اني ماقبلت ردت أخلص سادس يالا والله حوراء مايعوفني بس...

حوراء:بس شنوو

سارة:ابوي يريد يزوجني الواحد ثاني..

حوراء:شنوو..!! شوكت هذا الكلام

سارة:امس سمعته فتح الموضوع ويا امي

حوراء:سمعيني هسه راح تروحين ل علي وتخلي يزوجج اليوم قبل باجر قبل لا تكبر بطنج فاهممممة

سارة:زين خلي نزلة

حوراء:استغفري ربج هاي روح بريئة مالها دخل ب سذاجتج نكول نمشي ويا كلامج ايي وبعدين من تتزوجين شلون من ترحين دكتورة وتفحص راح تعرف أنتِ ماراه ب هاي المرحلة وفضيحه اسرع من هاي ماكو وحق ربج يدفنوج أنتِ وعايشه تعرفين اطباعهم...

صفنت هذا الي سوته كمت منها رحت للكنتور سحبت ملابس إلها انطيتها باوعتلي

حوراء:كومي لبسي

سارة:ليش

حوراء:نبشره راح يصير اب هاي إذا اعترف بي..

اخذت الملابس طلعت بره بقيت صافنه ع الوضع شوكت و شلون صار هذا الكلام امها وين عنها جانت استغفر الله العظيم طلعت ذبيت حجاب عليها ومشيت لجوه وهي وراي محد الصالون فارغ رحت للباب فتحته صحت جمال