دائرة الحطام

••الحـطام التـاسع••

بــسم ﷲ الرحـمـن الرحـيم

#دائـرة الحـطـام

#للڪاتبة: زهـراء

حساب الانستا: zaii1–8

لا تنسون التصويت و التعليق بين الفقرات

احبڪم 🧡

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

زمـــرد

طب بابا شافنة وضعنة

حسن: شكو شنو هلصياح؟؟

ردت عليه ماما وهي مرتبكة
هناء: اجوي عم زمـــرد وعمتة وجنتهم من ماخذين صور الزمرد بالعقد شايفين اصابعها وعارفين بيها بهاق بس اكو واحد ضاحك على عقلهم  وكايل الهم على اساس بيها سرطان هذا مو بهاق اعتذروا وما خلو شي ما كالوا

حسن:شنو هذا التمسلت شجاب البهق على السرطان كوووومي زمرررررد خابررري علي خلي يجي هسسه

كمت رحت للغرفة  واني ابجي اخذت تليفوني ايدية ترجف حتى التلفون ما اكدر الزمة من الخوف لكيته متصل تقريباً 15 مرة دكيت عليه وخليت التليفون على اذني بصعوبه وهو بسرعه رد
حجيت واني اشهك

زمـــرد: علي ااابوي يرريدك تجي

علي: ليش شنو صاير شبيج زمـــرد ليش تبجيين؟

مسحت ادموعي وسولفت الة على الصار ما انكة اي ردة فعل وبقى يهديني
علي: زمرد لييش تبجين هسسه جاي وحق الله مادري جاين الكم هسه اجي مسافة الطريق

سمعت خطوات على درج  سديتة و شمرتة بعيد وانفجرت بالبجي ياربي حظيييي هذا حظيييي لأن بديت احبة صارت هالهوسة هاي كلها
مدة قصيرة و الباب اندك طلعت برة
طب علي وامه واني طبيت عسريع وهو سلم عل بابا وبابا سلم وكعد بهدوء

علي: اتفضل عمي ابو أمجد زمـــرد كالت طالبني

حسن: علي ابني اني ما حبيت تصرف ابوك وتعرفون شنو السرطان وهاي بنتي كدامك بيها بهاق أن راضي وبكامل قواك العقليه استمر ولا تجيب طاري الموضوع بعد وان ما راضي لا انت ولا اهلك تجيبون طاريها بكلمة  ارجعلكم ذهبكم واي شي اخذتو ومثل ما طبينه بالمعروف نطلع بالمعروف