دائرة الحطام

••الحـطـام الـرابـع عشر ••

بــسم ﷲ الرحـمـن الرحـيم

#دائـرة الحـطـام

#للڪاتبة: زهـراء

حساب الانستا: zaii1–8

لا تنسون التصويت و التعليق بين الفقرات

احبڪم 🧡

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

لن يدومَ الهمُّ يا حلوَ المُحيّا
لن يظلَّ الحزنُ في عينيكَ يحيا
إنَّ ربَّكَ فوق حزنِكَ فاصطَبِر
وابتَهِج بالصُّبحِ إذ ما زِلتَ حيّا ...-

زمــرد

طبت السياره للبيت وصوت لهلاهل والطبل حيل عالي باوعت بصدمة والدموع اتجمعن بعيني  المكان شي ضخم وجبير حيل جبير نزلن دموعي وخفت اجتني لحظة ادراك ان عفت الامان والاستقرار الي جنت بي ودخلت الشي هدم حياتي وراحتي

درت وجهي على الحديقه وجانت جبيررة كلش يمكن بنبنن بيها اربع بيوت خمسة  وبيها ناس هواي اطبل مطربين ناس تلعب جوبي مجاية بزفة سيارات هواي ناس هواي مشايفه من قبل هيج ابد عبالك هذول الناس جانوا بقاع الهامور وين جانوا ما ادري يمكن هذول الكرة الارضية كلهم وكفت السيارة بالطرمة ونزل علي اجه من جهتي فتح الباب الي

مدلي ايده بحركه لطيفة وعلى شفايفه ابتسامة حلوه كلها هدوء
انطيته ايدي واحتضنها وشال البدلة على كيفة ونزلني من السيارة تحت أنظارهم و الهلاهل وصوتها زرفة طبله اذني نزلنة وهو يساعدني بالبدلة جانو خالين مي ب دولكة صغيره وكالو انو لازم امد رجلي واوكع المي باوعت لعلي وهو باوعلي وشال بدلتي واني طشيت الطاسه هلهلو بقوه ردنه نطب وهو علي ندار على شخص واشر له ضلينه واكفين واشتغلت اغنيه قبل لا انطب بعدنه يم السيارة وطرمتهم جانت حيل جبيرة لازم نمشي مسافه حتى نطب ندار عليه وهمس بأذني
علي... اليوم انتِ مرتي شرعاً وقانوناً فرحتي ماكدر انطيها لأي شخص

رفعت نظري الةو ابتسمت ونزلت راسي استحي وهم العالم تصور وتهلهل واني حتى ما اعرف ليش بعدنه واكفين وماطابين بس هم يركصون على طبل ويهلهلون واني وعلي صنم بس نباوع عليهم