تلاعب اجرامي

بارت 1

#تلاعب اجرامي

ـ تفاعلوا وي، البارت بنجمه 💛

𓍯𓂃𓂃𓂃

فاطمة :
فزيت نص الليل عَ صوت رعد بسرعة كمت من مكاني

لافة البطانية عليه فتحت باب غرفة مرة ابوي ودخلت سديت الباب نمت جوة رجليها كعدت الصبح عل مي يندار عليه كمت بسرعة وحجيت

:- يمه منو

:- كومي ولج كومي الجايـ.ـفة كوووميي

كمت بسرعة باوعتلي بنضرات تحدي وحجت

:- نضفي الغرفة

:- لا بلا

:- يلااا

دفعتها وطلعت برة شفت اخوي الجبير ابن مرة ابوي يباوعلي بنضرات فتت من يمة ورحت اغسل عمري جان 15 سنة رحت كعدت فتحت الحنطة وكمت اقرة امتحاني شفت كتابي ينجر رفعت رأسي جانت مرة اخوي نترت بيها

:- جيبيي

:- خل اشوف شبيج

:- ولي

شلت الاغراض ونزلت جوة بـ الطارمة كعدت اقرة كملت صارت ساعة 11 كمت اركض طبيت سبحت وبدلت ملابسي وطلعت انتضر ابو الخط شفت اماني طلعت

اجت علية حجت
:- ولج قريتي

:- اي وأنتِ

:- اي قريت طبعاً

اجه ابو الخط نفس خلقتة مكلوبة

:- يلا بعد كومة بنات ورانه اصعدن

كعدنه قبل الأخير ضلينه نسولف
:- اكلج جبتي الملزمة

:- اي اني جبت

:- ها لعد بس خل اراجع

انطتنيها كعدت اراجع وصلنا مكان بيت بنين صعدت حجت

:- ولجن الدنيا ثلج

بستها وكعدت يم الجامة واني بـ النص واماني من هاي الجهه

:- اماني افتحي الكرسي حته ما يجن نور عوع

:- اني مالي علاقة نوب يحجي عليه ابو الخط

فتحت الكرسي وحجيت بخزرة

:- لا تصيرين جبانة الفاهية

:- لج فاطمة مالي دخل

حجيت بضجر
:- اماني اسكتي

ضلينه نراجع كملن بنات الخط جنه وحدة مدحوسه بوحدة اربعه اربعه

جان اسمي الوحيد بـ الخط
:- فاطمة وَهيب سامي

ندستني بنين
:- فاطمة يلا راح نوصل

ضمينه الكتب وصلنه للمدرسة حجه ابو الخط كل يوم نفس القوانه

:- خمس دقائق انتضر مو اكثر الي تتأخر ما انتضرها