تلاعب اجرامي

بـارت 17

#تلاعب اجرامي

ـ نجمة للبارت ،تعاليقكم الحلوة 💛.

𓍯𓂃𓂃𓂃

فاطمة

باوعت جان رجال دفعني للبيت وقفل الباب اريد ادافع عن نفسي قيدني شمرني بالكاع

النفس انكطع من كل الجهات اريد اتنفس الرجال نام عليه

عضيته بكتفه صامد لا يتحرك ولا شيء ايدية حاوطت ركبتي اختنكت بين ايدية

احس وجهي صار ازرك اريد اخذ نفس ما اكدر سمعت صوت ازهار تضحك

:- اني اجيـ

باوعت علينا واني جوة ايدية اتلوة صرخت بصوت عالي

:- فـ فااااااااااطمة

صراختها تلاشت بمسامعي من ما حسيت غير دم يطيح عَ وجهي وانسحب مني الرجال

الغواش سيطر عَ عيوني اريد اتنفس ما اكدر سحبتني ازهار تهفي عل وجهي

:- فاطمة بيج شيء مي مي تردين مي

:- از ازهار جيبيلي مي اختنكت

كامت تركض الرجال اختفه اجت تركض انطتني مي دكت عل ضهري حجت

:- ها صرتي زينة

باوعتلها حجيت
:- والله مـ ما سوالي شيء

لزمت وجهي وحجت
:- اي اي هاهيه ادري والله ما سوالج شيء لا تخافين فاطمة اني يمج

حضنتني حجت
:- ها ترا ميته جوع

:- اكلي اكو بالمطبخ

:- فاطمة هاهيه لا يصير بيج شيء كلبج راح يوكف

وكفت لزمت ايدي بـ الحايط اريد اجر نفس دنكت راسي حاطه ايدي عَ كلبي سحبت نفس

طحت بـ الكاع من طولي حسيت عل ازهار تهفيلي وجها اصفر

:- فاطمة فاطمة

كمت اجر نفس حجيت
:- حبابه لا والله ما سويت شيء

حضنتني وحجت
:- ادري ادري كافي فاطممه شبيج اصححححي

راحت جابتلي مي واجت شربت رجعت لواقعي وكل شيء باوعتلها حجيت

:- ياهوه هذه

صفنت وحجت متوترة
:- مـ ما اعرفه

كمت اريد اطب اسبح جسمي يوجعني مدري من الركعه مدري من طحت