تلاعب اجرامي

بارت 9

#تلاعب اجرامي

ـ نجمة للبارت ،تعاليقكم الحلوة 💛.

𓍯𓂃𓂃𓂃

:- يـ يزيد امـ امي

باوعلة يزيد مصغر عيونة حجة
:- شبيها

:- راح تـ تموت

:- مثل الحصان ما بيها شيء

:- يزيد امك هاااااااي لا تصير ما عندك رحمة

:- انعل ابو امي

:- يزيددددد

:- اكحز ما اسمع حسك اكضب لسانك ولا تجيب طاريها

وكف بمكانة اماني خايفة واكفة وراي حجت
:- فـ فاطمة لا يكتلونا

:- انجبي منو يكتلنا شلنا دخل

سكتت ضلو يتناقشون لحد ما يزيد وافق طلع عيونة بكصتة حجة

:- يلا فاطمة تهيري تا نروح

:- شنو

:- امشيناااااااااا

طلعت ورا صفن علية وشمر شال وجبة طبيت لبستهن رحت لأماني

حضنتها حيل وحجيت
:- احبج اني حيل مو تنسيني راح يجي اليوم واشوفج احلا صيدلانية

نزلت دموعها حجت
:- لا تعوفيني

:- اماني ما اعوفج انتضريني

ابتسمت مسحت دموعها اشرتلها بيدي ورحت كلبي ينبض سريع

صعدت ويا اطكطك أصابعي وهوه يمشي بتهور والتوتر واضح عَ ملامحة وفاقد يخابر

وصلنا كدام بيتنا احس الفرح غامرني شافوني بيت اماني حارة شيردون يسون وهمه يلطمون وناصبين جادر

الدنيا ضهر راح الدوام علية طبيت مرت الايام لا اكو حس من اماني ولا خبر

بلشت الامتحانات طلعت اريد اروح امتحن نصف السنة اخر امتحان صعدت بـ الخط استغربت من شفت اخو اماني جعفر

كاعد يم ابو الخط طنشتهم صعدو البنات وهوه كل وحدة تصعد يباوعلها بنضرات ما اعرف شلون افسرها

وهمه كذلك بنات الخط مالتنا كلهن عدهم سوالف مو زينة

وصلت للمدرسة طبيت امتحنت وطلعت وهم شفتة صاعد بـ الصدر يم ابو الخط